產品瀏覽紀錄

Canon EF 70-200mm f4.0L USM

你使用過此產品? 發表用家心得
顯示: 7 - 12 (最低評價)
4
黑仔K (5個心得) 於 2007-02-06 02:16:34
推薦此產品 (使用了 7 個月)
優點:
非常銳利,輕巧敏捷,快,平/靚/正.
缺點:
個黑色罩好鬼肉酸,冇腳架環,
評價:
可以接近一鏡走天涯,自己講冇用,朋友看完相都讚不絕口,
我本來就是想買一支影蝶鏡,非常滿意..
4
nobori (3個心得) 於 2008-03-16 12:13:10
推薦此產品 (使用了 3 年)
優點:
輕,平,相片質素幾好!!超值~~
缺點:
跟鏡冇腳架環送~~~~ ><
評價:
戶外日光之下,堪稱一絕!!
但一入到室內同暗天...實力減一半
影響左使用率
4
kan1029 (3個心得) 於 2011-01-25 17:29:01
推薦此產品 (使用了 10 個月)
優點:
價錢:合理
鏡片設計:有UD,又有螢石,質優
鏡身造工:紥實
對焦:快而靜
缺點:
附送配件:鏡袋質素差
評價:
用了將近一年,配7D使用,機身與鏡身平衡很好,影人像一流,色彩鮮艷,怕手震,可加閃光燈便問題不大。
上網看過這支小小白有走焦的問題,後來買了DataColor的Cal 鏡工具,發覺這支鏡有焦點後移的情況,要於微調對焦校-7才能準焦。1月初把鏡送返Canon調校,師傅說真有走焦情況,用了十天時間才調好。現在再用Cal工具測試,已基本沒有走焦問題。看來網上的留言是真的吧,各位師兄也可測試一下,因這支鏡沒有防震,很多時以為自己手震導致相片焦點模糊。
4
denniswhc (3個心得) 於 2011-09-30 17:39:24
推薦此產品 (使用了 1 個月)
優點:
* 紅圈白色入門版, 價錢唔算太貴但係俾足一塊螢石加兩塊 UD 鏡片, 色散同銳利度控制一流, 連光圈都唔駛收 (反而 2.8 嗰兩支都冇螢石鏡片, 祗係將 UD 鏡片數目加多兩塊)
* USM 對焦速度不用置疑
* 內對焦密封鏡身, 幾乎搵唔到邊個位可以俾你吹粒塵入鏡裡面
* 恆定 F4 雖然唔係 70-200mm 裡面最 top 嘅 spec., 但係經已好好用, budget buyer 無謂花咁多錢盲追小白 / 小白 IS
* 輕過好多鏡頭嘅 700g 重量, 更加可以支持到 budget buyer 連 IS 版小小白都唔駛追
缺點:
老實講, 貨比價嘅平衡之下小小白個人其實覺得冇咩缺點, 以下幾點嘅都係夾硬揸出嚟嘅 (笑)

* F4 光圈, 夠光時真係天下無敵, 唔夠光時真係有心無力 (不過可以推 ISO 彌補呢個不足)
* 冇 IS (不過支鏡都係得 700g 重, 除非你左手真係好虧, 如果唔係 keep 住安全快門影炒相機會率其實唔會好高)
* 冇腳架環送, 買原裝相對鏡頭價錢都幾貴 (好在有大陸 OEM 產品)
* 遮光罩好薯 (溫馨提示, 大陸有白色 OEM ET-74, 裝咗之後觀感完全係兩回事)(笑)
評價:
老實講, 小弟之所以會買小小白, 完全為因為自己影開人像, 乾燥箱裡面除咗支 50 F1.8 同埋 24-70 F2.8 之後, 支天涯鏡根本就全年出唔到箱一次, 於是把心一橫賣走支天涯鏡, 加錢買番支高 level (performance) 嘅中距離變焦鏡返嚟 - 考慮方面都係圍住 4 支 70-200mm 紅圈白:

當然, best buy 就梗係 F2.8 (小白) IS 啦, 但係新鏡差唔多成 $20,000, 二手又唔係平得好多嘅情況下, 對於我呢 D 唔係 professional, 又影得唔多相嘅 budget buyer 來講, 真係買唔落手 (笑); F2.8 冇 IS 雖然平 D D, 但係對於一支 1.3KG 重嘅鏡頭, 如果冇 IS 的話 D 相都應該幾好炒, 到時萬幾蚊買咗支影 10 張炒 5 張嘅鏡頭返來的話, 一定會後悔; 退而其求次, 諗諗價錢平一半有嘅 F4 (小小白) 啦 - 反正, 對於我呢 D 業餘玩家來講, 感覺上焦距去到 70-200mm 的話 (事實當然有唔同啦, 如果唔係仲鬼有人買 F2.8 咩?)(笑) F4 散景經已好正, 無謂因為死追 F2.8 而同自己荷包過唔去: 小小白得 700g 重 (IS 就多 60g) 其實仲輕過我平時影人像嗰支 24-70 2.8, 所以喺絕對有信心嘅情況之下最後都係選擇咗冇 IS 嗰支, 慳番三,四千蚊愛來買多支鏡頭都仲好過 (笑)

雖然我買呢支小小白 (新鏡) 時撞啱就係日本海嘯之後嘅加價期, 算係買貴咗嘢; 但係問心, 真係一 D 都冇後悔過, 因為紅圈白嘅畫面表現真係 the best buy of Canon, 而且因為係螢石鏡片關係, 根本開盡 F4 光圈去影畫面一樣可以利到介手 (反而小白要收細兩三級光圈至會介手) 唯一明顯嘅缺點就係當唔夠光時, F4 都幾幫唔到手, 要靠推高 ISO 至用得到, 所以用小小白時機身能力都有一定嘅要求, 40D 以後中階機固之然係好, 如果係舊款初階機一推高 ISO 就會炒相 (noise 高) 的話, 入手小小白前要三思, 因為一定會變成 "日頭鏡".
4
free_lu (1個心得) 於 2010-07-31 17:05:10
推薦此產品 (使用了 3 年)
優點:
鏡頭保值!
鏡身輕巧!
對焦速度快!
缺點:
冇IS(廢話...)
光圈唔夠大(廢話...)
評價:
我係用緊5D2+70-200 F4
呢支名符其實既日光鏡,陽光充足下絕對冇問題,
出色既成像,紅圈白鏡一定有佢個價值係度,70-200呢個焦段在FF很好用!
但當天色入黑時想手持...都會有D難度!
夜晚我通常只會落腳影夜景,所以影響不大!
長玩入IS當然好D,想試下既入支2手$4000左右都扺玩,
好多野要到你試過先知道自己岩唔岩用~
我自己就選擇左:
17-40L(風景,發覺影人像都OK wo~)
70-200 non IS(經濟許可都會入IS),
夜晚手持就用定焦(人像,活動,婚宴等...)
夜景...(IS?大光圈?落腳吧!)
4
asflair (1個心得) 於 2012-02-17 23:34:53
推薦此產品 (使用了 1 年)
優點:
發色靚
比小白輕好多,外出冇咁辛苦
對焦快
十分好用的焦段
f4 都好sharp
缺點:
其實都冇咩缺點,你又唔可以用貴佢四千幾蚊的小小白is 同佢比。
咁當然冇is ,喺室內就要拉高ISO 推安全快門。
冇防水滴,雨天就要小心用啦。
平咁多唔可以有咁多要求。
評價:
當你用過其他副廠鏡,再用這支小小白,你第一個反應係“點解要靚咁多",唔係講笑,L 白鏡喺有佢的價值。
影運動你可以感覺到對焦的快感。
好多的用後感好多CHING 都講哂,我就唔再多提啦。

但係,我想好多人都會問,其實小小白有冇需要買腳架環呢?咁小弟分享下。
本身我都有個問號,就係有冇需要呢,見到個副廠環平原廠咁多,質料都唔錯,就膽粗粗買來睇下有咩feel。加左落去,再上腳架,當然平均真係好多,但諗深一層,支鏡又唔係太重,設計小小白,都係為左提高機動性,你就走去加腳架環同上腳架,咁本意的機動性去左邊?當然,你唔用腳架環把相機上腳架,平衡當然冇咁好,但未到真係前後平均冇哂。如果比多次我諗,我都諗我都唔會買腳架環。