係呢個數碼年代,當外國已經有好多攝影師/圖像潤飾師玩緊3d+2d既圖像設計 (如John Wilhelm),而我地大部分人仲諗緊應唔應該學2d後制既時候,小弟希望分享下工作上的後期處理過程等大家有機會中下呢隻比起"器材毒"難中好多既"後制毒"。
正如我之前講過,相機影raw近乎種子,要變成什麼你完全有能力好好控制(但並非無所不能)。大家都enjoy買野既快感,但一講後制又要學又要錢乜乜乜掉頭就走........可能你未必需要用到咁複雜同局部性既後期處理,但只要知道了好處了解得越多,就算只係一步既raw>jpg都可以有好大分別/進步~
Canon EOS 5Ds + Canon EF 24-70mm f2.8 II L + profoto b2
Auto white balance,50mp Raw>Jpg,photoshop camera raw,standard preset (lens correction on, brightness & sharpness adjusted)
raw原相,主要flat flat flat,原因後解
raw>jpg已經處理左好多怪色(青及紫等)丶暗位同細節問題,要flat(平)因為要細節,燈光方面以細力為主,其他例如地板丶樓梯同整體光分佈都有調整,最重要的人色一定要抽起處理
成品
raw原相
鉤圖係想進一步作區域性修改既必學一步,亦係好難上手既一步,而完美化是步向商用攝影既重要關鍵
成品
raw原相
客人見到原相可能會嘩左一聲,但影得under係為左得到最多細節,當然你要確定暗位係拉得起先可以咁做,反之over都可以,光位拉得低就無問題,影under因為我想有更快快門處理小朋友高速既移動,更重要係久而久之你會更了解機身設定同相片後制關係既密不可分,後制並唔係單純救援,中期攝影配合得好係優化
成品
後話
後制講求熟練度同美感,係控制力道既藝術,而其實後期亦同時影響中期攝影,了解越深你會發現你同器材關係越密切,更加真正知道應該點執係點到即止,點影去配合執從而得到最終你想要既影像,希望你有小小中毒.......
tips
如果驚執到過火可試下載定一d網上高手或你認為好靚好c服既相,每次都對比下自己個d就無咁易走火架啦
www.facebook.com/adorbyhongkong