相信大家都可能去過城門郊野公園,容易行又有靚景睇,適合一家大細一齊去放鬆下。
原來諗住只係去標本林,但途中見到唔小美景於是停留咗幾次...
開始我地嘅探索歷程
沿途見到唔少馬騮(千祈唔好喺佢哋地頭食嘢,如果唔係佢哋會搶晒你啲嘢食)
係山上望到呢個景就好想落去睇下
山旁有條路仔,行落來就見到一大片白千層
天氣雖然麻麻,但啲水都好碧綠
於是我地繼續行,來到白千層林對面,有好多大大細細石,奇形怪狀嘅石頭
一枝獨秀
潮退時候可以睇到生係石上既寄生物--青口嘅朋友?
呢塊最受歡迎!見好多人都企上去擺個Pose影返張相係IG/FB share
除左上面嗰望落好勁次外,行前幾步見到嘅呢塊''玉石床"都唔差,可以瞓得落成個人。
坐完瞓完,我哋繼續向標本林出發!
兜兜轉轉終於來到呢到,可惜有啲宴晏加上小小雨,六點幾個天已經灰灰暗暗(重好多蚊)
標本林入口附近有幾棵吊裙草,蝴蝶最愛
入面有好多唔同品種植物,可惜錯過花期,如果唔係都應該幾壯觀
圖中呢棵樹都畀黃帶枝尺蛾啲BB(真係好多!!)食到所剩無幾
睇怕呢位就係黃帶枝尺蛾媽媽喇
行走路線
由菠蘿壩出發--> 大城石涧 --> 標本林
交通
荃灣地鐵站出兆和街,搭82小巴至城門水塘總站落車
注意事項
• 大城石涧有好多石頭,有啲有青苔,容易滑倒造成意外,遊覽時要小心,最好唔好一個人行。
• 帶蚊怕水(如果去標本林會有好多蚊同細蜘蛛網,行嘅時候要小心)
• 唔好喂餵飼騮騷
• 最後就係記得帶走自己嘅垃圾!行山沿途見到唔少垃圾...
Facebook
My Instagram
My Website