有人話「做嗰行厭嗰行」,將興趣變成工作,就會無咗一個興趣。即使未至於去到討厭,不過日做夜做都可能會覺得攰,放工自然想抖吓、放空吓。以前睇過一啲廚師既訪問,佢地放工返屋企都只係簡單煮個麵,或者交比屋企人煮。咁攝影師影咁多job,放咗工仲會唔會拎起相機呢?
入行超過 30 年既專業攝影師 Peterpenn,退休後亦間會同攝影愛好者分享旅遊拍攝心得。
小編估計無人做過呢類問題既統計,不過以小編認識既攝影師黎計,佢地就似乎真係好享受日影夜影既生活,返工又影放假又影。放工放假既時間,就算唔係拎住部專業相機,點都會有一部DC傍身,影低一啲D有用既元素,或者試吓一啲攝影概念。唔少HKIPP既攝影師,退咗休之後既生活都係拎住部相機周圍旅行影相,外行人笑佢哋職業病,只有我哋呢類攝影愛好者先知道攝影有幾咁令人著迷呢!
認真啲去講,好似攝影呢類創作性既工作,真係有需要喺工餘時間進行一啲實驗創作。始終做job既時間就要交到貨,個客比既費用係唔包括比時間你去試驗、創作既。對於習慣放左工就唔諗工作既朋友,或者唔係對攝影充滿熱誠既話,攝影呢行可能真係唔多啱佢哋喇!