優點:
A.用上四核系統運算速度好好, 好順. 話音很淸晰.
B. 有LED 燈提示功能,, 很細心的一環, 看得出品牌是有用心的. 每當有miss call/message come就會有燈提示.
C.影相質素好.
D.双卡方便我穿梭兩地人士
E.電很耐用, 不太食電和原廠電只不過$59, 產品價錢配套做得好好, 不像其他品牌買得很貴.
F.機身造工很好
G.IPS mon好好, 夠靚.
H. 系統穩定
缺點:
A. 要搶,Marketing手法各師各法,務求達到宣傳效果 但我覺得品牌係應要多推廣, 多給人接觸才能夠得人心, 所謂得人心者得天下也! 有心人買唔到又點會有機會接觸個品牌呢又或許產品有多好都冇用啦, 冇人有機會用!?
B. 信號比我之前Samsung Ace2 差少少, 但都沒斷線.
C. 電話鈴聲不夠大聲, 望改進.
D. 冇速成輸入法, 部機都係香港出售啦, 好應該要作出市場配合需要, 呢方面細節其他品牌做得唔錯. 望改進啦..
評價:
因為價錢$999和配件價錢合理關係, 所以決定給機會試試小米產品. 從Samsung 轉會. 用後覺得好好, 所以跟各位師兄分享. 部機係適合務實/商務既用家. 我用手機主要用黎打電話/一般上網/影相/收發公司電郵等等... 部機已可勝任有餘. 質素比2千以上的機還好...
[題外話, 我有感而發]
之前有位師兄講得很對, "(正如樓上某師兄講), 用大陸牌子手機會比人寸, 問舊電會唔會爆炸.....一來, 佢舊電係SONY廠嘅, 而且其實世上絕大部份手機電都係大陸制架, 唔好咁偏見, 注意唔好買假貨就得啦" 我都有這方面經歷, 我收到紅米後跟公司年青同事分享, 他們大部份都有以上想法,之但係他們每天都跟大陸工廠聯絡, 去他們的工廠考察同時又知道全球97%品牌產品都在大陸加工或生產, 居然繼續有這種想法.... 所以個位師兄到最後寫得很對, 就係...... -奉勸年輕人一句: 不要因為你的政治立場而是非不分, 這世界不是非黑即白的.