LeEco Le 2

評測報告

實拍照片

現在樂視已經破產了，所以某寶賣家在已超低價甩賣這些手機，價格大概在300左右。
1.大小適中，屏幕有給到1080P
2.type-c 接口，還行吧
3.重量適中，握感優
4.雙卡雙待
5.指紋識別，還行
6.配置為3+32g，聯發科helio p30
7.E

缺點不多，還是說一說吧
1.沒有3.5mm耳機孔
2.指紋識別不行
3.沒有SD卡槽
4.單聲道
5.因為樂視破產了，所以對手機已經沒有支援了
6.有黑邊，帶套之後有改善
但是，但是，但是！
它只要300港幣啊！你還可以找到比他更有性價比的手機嗎？

很可以！！它就是最有性價比的手機，沒有之一！
吃雞卡，但還是可以玩的。

652 cpu 3gb ram內置32gb容量（鐘意影相未必夠），1080p ips mon，喇叭夠大聲，打機一陣微暖，唔會熱到辣手。雙卡（雙4g）雙待，鏡頭（前800萬像，後1600萬像PDAF對焦，前鏡用嚟自拍ok，無問題）我玩轉珠遊戲多，大家會話玩唔玩到捉精靈遊戲，我無玩，唔知得唔得。指紋解鎖，金屬邊框，充電有快充。睇片音量唔洗較到一半，已經好夠聲。

無nfc（我唔會用到，無所謂）
無3.5（無所謂，我唔會聽歌，只會打機）
無得插sd卡。
相機，火山口設計（大家要注意）屏幕有粗黑邊。無得換電。

始終唔係旗艦機（如果大家揀佢做後備機，要預咗機套選擇好少。）邊框唔用膠套會介手。

邊度買大家應該都知，唔多講。
蔗渣價錢，燒鴨味道，完勝。性價比已超班，今時今日，呢個價可以買到5.5吋螢幕，高通652，3G ram，32GB內存，全新行貨有保養(如果唔摺)，基本功能已齊料(除了NFC)，仲想點! 仲有，呢個價錢，當齋買硬件都抵! 部機上手感覺輕，但造工絕對唔馬虎，仲可以講係上乘，分分鐘好過一二線品牌既中下價機添! 螢幕夠靚仔，有4種模式任君選擇，當中有一種類似防藍光既模式，連防藍光貼都慳返! 同埋跟機個快充都要一百幾十啦，宜家係跟機俾埋您，抵玩過您買細牌子山寨機。仲有4K錄影，指紋解鎖(雖然唔係最快，但絕對唔會輸九條街俾一線品牌)，而且有一款類似人臉識別既快速解鎖可以設定，好玩!

-不支援NFC(即係無得android pay)
-不支援擴充記憶卡

超值，絕對足夠應付日常所須，操作不輸俾一二線品牌好遠。有些人可能會話無3.5mm插頭係缺點或唔方便，可能本人慣常用藍芽耳機，所以並唔覺得有問題，藍芽耳機已十分普及，高中低價，單邊雙邊，防汗防水，均有選擇，非常方便。至於拍攝方面，雖然無光學防手震，日光拍照問題不大，夜拍就一般，反而前置既自拍鏡頭個人認為唔差，有驚喜，而且可以選擇正常或照鏡模式。都係嗰句，蔗渣價錢，燒鴨味道，夫復何求!

優點之前啲人啲講曬啦,以呢個價錢實在係冇可要求,最初賣1800蚊,跌到現在799蚊,用到一年已經番本,同小米note4x差唔多,但就平多$300,唔可以加sd卡,慳住入相片和電影,整體流暢,樣樣都交足功課,唔好搵啲旗艦機比較,一分錢一分貨,呢部物超所值.

第一就係冇得加Sd卡,第二要轉插聽耳筒,其他都唔算係缺點,好多旗艦機電都係3000ma,比較小米note 4x較輕,屏幕比較光亮靚啲,

原先諗住買小米Max2,點知衛訊做trade in部三星mega2可以當550元,即係249蚊就有一部全新機,如果唔執笠,用到一年已經開心曬.留返啲錢明年買部小米max 3,咁做仲化算,試下樂視嘅$799可以玩幾耐,旗艦機平價機通常都係玩兩三年,唔需要買咁貴!

$799, s652, 3gb, QC快叉,雙卡雙4G, 4k錄影, 指紋開鎖, 2100萬像相機 仲想點......
OS順, 打機我只玩皇室, 部落COC, 不過以呢個級別既CPU, 相信其他GAME都唔會差得去邊, 當然你要拎D旗艦既級數呢比就冇得好講
仲要係行機, 有事可以上去保養(如佢唔執笠的話), 之前買過國內版機, 冇GOOGLE STORE, 要自已裝超麻煩, 認証又時得時唔得, 成日彈

冇NFC, 電細, 4黑邊係個價面前已經唔係缺點, 當然希望佢可以改進(如佢唔執笠得話)

$799, 見到都唔係好信, 今時今日手機平成咁, 再上dc睇左d用家心得, 決定買, 用部魅藍n1 trade in左$150, 部機sim1壞左都有咁既價真係執到, 再用商場既200禮卷, 最後埋單$449, 冇錯5舊水都唔使, 仲平過我用緊個藍牙耳機, 手機平過耳機, 痴線
我之前買過三叔N7, 你都唔可能想像用6千幾蚊買部會爆炸既旗艦手機, 雖然退得返錢, 不過都要請假特登去退, 真係嘥錢嘥時間, 所以而家都精左, 用平價機, 一千幾百, 用一,二年咩本都回晒, 有新機出時再TRADE返出去都有1,2百蚊, 真係冇得輸....

1.衛訊$799(冇得輸)。2.用上接近旗艦級嘅S652CPU。3.夠順暢。4.有24W快充，0～100%只需1小時45分鐘，勁！5.影相好清又實色。6.可以拍4K短片。7.喇叭夠大聲，高、中、低音平均

$799(冇嘢可以再批評)，只係冇得插記憶卡同埋冇咗3.5mm頭嘅耳機

整體我絕對覺得好過小米嗰D紅米系列手機，或者“中立少少”講係差唔多。我都用過上一代LeEco Le 1S，一定好好多。唔理LeEco公司之後會唔會執笠，又如何？$799當買部後備機，都唔錯！多謝各位師兄師姐用您哋寶貴時間去睇呢段分享，Thx