優點:
1.Mon大小適中
2.部機放落褲袋唔會唔舒服
3.基本防水
4.設計比舊代iPhone簡單
5.影夜景靚左
6.由16GB跳到用128GB,唔再擔心容量少既問題
缺點:
1.冇左3點5mm耳機孔
2.電冇ip SE咁耐用,續航力還是SE好
3.為左防水,望落有啲膠,好似成個機包左層膠
評價:
本來用開Android機,年幾前轉用iOS,因為三叔機實在太lag,太廢,但唔想比咁貴平平地用住iPhone SE先,點知用ios用到返唔到轉頭,但iPhone SE個4吋mon實在太細,把心一橫換左部二手iPhone7。
呢部機係我用過既最大mon手機,4.7話細唔細,話大唔大,屏幕太小岩岩好。自從換左手機,眼睛既乾澀同疲勞問題冇左,長時間望住iPhone7個mon都唔覺得攰。
個雙喇叭功能好正,就算係人多嘈雜既環境,都聽到電話聆聲。
我覺得同iPhone SE最唔同既地方係7仔個Home 鍵冇得按落去,但會比返觸感回報你,充滿玩味. 果啲實體home鍵按多幾下容咩易壞,7仔按極都唔驚壞。
換左7,有啲人話沒左一手操作,其實輕按home鍵三下,即係進入單手模式,最頂個時間欄都掂到,搭車最岩洗。
講到3D Touch好多人話佢冇咩作用,我想為佢平反下。其實有啲功能係佢獨有囉,比如大力按打字鍵盤就可以輕鬆咁去返需要更改既位置,唔洗好似舊代iPhone咁戳唔準個字。另外得3D Touch功能可以調節電筒光暗,仲有我最常用到既開行動數據功能,唔洗經過寫左左我大名果個Page,直接入到數據個頁,保障到我私隱。3D唔算一個多餘功能,玩得叻會為你帶黎唔少方便。
取消左3點5耳機孔係有啲唔方便既,但可以用藍芽耳筒聽野,仲型,而且沒有3.5耳機孔令兩邊喇叭整齊左,靚左
之於iPhone流暢度高既優點比人講到口臭,呢度唔多講。