HTC U11

評測報告

實拍照片

4.5G 明顯上網快咗
手機機身 做工好 顏色 迷人
Wifi上網超級快
四千尾至五千頭價錢合理
冇乜垃圾apps
好在有跟埋 usb type-c 轉3.5.mm使唔買
有透明硬膠殼跟， 新機唔使急住買殼
835 cpu和ddr4 6gb ram 爽快! 機身唔發熱!
個mon 啲顏色無味精好唔好就見仁見智啦!
防水
指紋識別放前面好方便( 部機放喺張枱度,都開到鎖, 唔似得v20要下下拎起部機)
極少又有返三個實體鍵
通話畀v20清晰

弧形mon， mon貼難買 好難買!
機身好跣手好怕跌
話就話冇乜垃圾apps連原廠player都冇要自己download( 只得google player)
買咗兩日電就唔評論啦但係都唔算太好但係又好似唔係咁差，一日剛剛夠用，帶多個流動電唔少得!(玩多兩日部機用電比v20好少少、 基本一日絕對夠用， 但你想連續打機5 6個鐘就唔好諗啦,乜phone 都死, 如想打機連續五六個鐘用ps4或者桌上電腦啦,24個鐘都得呀，除咗個人!)
妖!!!!!用佢耳機可用增強音質功能、但用佢轉3.5頭用其他耳機就唔得!妖!!!!!(真陰質)

本身用開v20,部機都係唔錯,但是都係
屎忽痕換咗u11!
但換咗都係比v20好好多!
我本身屋企用緊1g網速上網 , 之前v20 download 4g東西要兩小時,而家U11用咗20分鐘超快!(但 你用的家用網絡得100或者500mb的話咁就唔知喇,仲有你個router一定要有得行ac, 如果冇的話, 行唔到咁快,就唔好周圍鬧人啦!)
相機雖然1200萬像素, 但係都係唔差,影出D相幾利幾立體, 有啲似olympus機影出嚟, 起碼唔 油畫feel,質素係旗艦機中上水平!( 有D機像素高並不代表靚!完!)
4K 拍片只,得一分鐘但對我唔乜所謂,我好少拍片！
而家機價已新機計係算平, 有啲電訊商四千七左右買得到但係要(客戶),大舖平均都要5300, 比起其他大牌子佢都係平一節! 仲有啲大陸牌子 買成六千幾蚊,4.5G都行唔到呀! 仲有日本牌子嗰部仲少2G ram同埋64Grom仲要貴過佢幾百 , 韓國牌子要貴過佢千五蚊, 大陸平價牌子又冇行貨 ,水貨都4千幾蚊, 壞咗都唔知去邊度整呀!
聽歌音質係唔錯, 佢本身跟機耳機都唔差 , 耳機做工都唔少嘢( 我覺得做工 一定好過v20跟的b&o耳機， 我煲了兩三日個htc耳機啲聲都畀b&o好，低音又重啲)！ 兩部機的聲音風格唔同, 我覺得u11聲音篇柔,推力比20好, 我用佢個kkbox下載歌曲試聽都唔錯,最衰 7日後下載歌曲要畀錢 , 佢同v20一樣,一般mp3 dap可以慳番唔使買,但 始終要用usb type-c 轉番3.5 mm至用得其他耳機,有啲麻煩! 如果有出usb type-c升級線係mmcx頭咁就好喇!
話就話冇乜垃圾apps,但係好多apps都要自己下載, 如果有啲人連app都唔識download嘅話, 最好都要諗下先啦!( 我成日見到啲阿叔阿嬸係有HK人, 換機將啲相 上載咗雲端, 換咗機後走咗,轉頭再返去鬧個sales,點解冇曬啲相, 個sales就好客氣同個阿叔阿嬸講,你未login入去呀, 跟住啲阿叔阿嬸話,你唔好呃我,要login入去嘅咩! 你唔好當我唔識喎! 最後 都係要死死地氣叫個sales幫佢 login入去 , 所以唔識唔緊要最緊要有禮貌啲去問, 唔使下下一開始就鬧人嘅,我一年起碼見過四五次,我買呢部u11都有一次, 講完題外話, 而家做sales同埋客戶服務部真係慘!)
你會覺得好煩, 播放器同埋檔案管理員都要自己download, 但部機識得用其實幾好用!
仲有一個手握緊部機開app功能都幾得意,可開相機和影相!
以往換機， 好少有升級部機嘅感覺， 今次就有好似i3換了i7嘅感覺！
唔錯唔錯!

做功精細，運作很暢順，影相好靚無味精，電池夠用，快充給力。

價錢貴，外形冇驚喜，部份程式寫得不夠好，冇得邊用耳機邊充電 (但對我冇影響)。

官網預訂 $5598，6月3日收到，第一個感覺滿意。不過不到一個星期樓下電訊數碼就賣上台價 $4698，所以真係遲買"平幾舊"！
我有買到原廠翻蓋保護套，但因為我會用部機做導航，導航支架唔可以夾到，所以都係用返跟機果個透明保護殼，不過早幾日落車果陣冇袋好部機，屏幕向下從架 5.5 司機位高速掉落地，重要係硬石果種馬路，當時真的以為爆屏幕或者花晒，好彩原來只係邊邊幾條好細嘅痕，証明第5代Gorilla 玻璃有用！
電池得 3000 mAh 開始我都擔心捱唔到收工，我之前一直用紅米 note 4，4100 mAh 電池因為我揸車經常開導航，返工前充滿電到收工都係得番 18~20% 電，不過用咗一個星期 U11 做同樣嘅嘢，收工時一般都重有 28~30% 電，証明電池大細唔係唯一因素。
係冇咩電果陣充電真係好快，不過如果重有七成電你想充滿佢就唔快，快充果陣部機只是暖手。
唔滿意唔可以用一鍵鎖屏，用咗就不能用指紋解鎖，吓吓要等個屏幕自己關，或者就要按電源制，咁一日咪要按個電源制好多次？部紅米都可以同時用一鍵鎖屏和指紋解鎖，但 ZU11 就唔得！另外通話紀錄好唔人性化，同一個人不同時間日子打入打出唔可以 Group 埋一齊，成日通話紀錄就一大堆水蛇春咁長，大陸手機通常都會將同一個人 Group 埋顯示，這些 HTC 怎麼就不會寫嗎？
U11 影相的確是沒話說，對得住個價錢，顏色還原度高絕無味精，對於愛玩影相嘅絕對是好機，對於師奶們就……。不過跟機原生 Google 相薄就冇大陸機咁方便，我部紅米 note 4 就可以即時係張相度寫字畫嘢，呢部就要下載其它軟件先做到。
外形方面沒有 S8 咁吸睛，但也未至於醜，S8 一出我都"嘩"了一陣，不過去數碼通玩過實機之後又覺得只係開頭果一陣有感覺，跟住都冇特別愛不惜手，依家用 U11 比較返當時操作嘅感受，S8 重冇 U11 咁暢順。
長編大論講咗一堆嘢，整體覺得這次冇買錯機，如果官網賣 4 字頭就 perfect 啦！

買了藍色，電藍色的確有型

Mon色靚，冇華為咁偏色

造工扎實，背面有埋玻璃，又有IP67防水，我加埋SGP全包套安全感極佳

手感佳，冇以前揸華為時咁辛苦，重量平衡亦佳，依家單手whatsapp錄音同影相都好舒服，以前用華為就唔多得，華為重量太傾向上半部

有wifi call，平日話音亦清晰，雖然不及我放棄了的XZ1

相機真係堅，原生軟件調較偏暗，XDA師兄提供的Google Camera HDR+將呢部機的攝力推上頂峰，令我忘記了手上的X100F同A7ii，防震好堅

3.5mm耳機孔被刪，用原裝Type C耳機較食電同唔方便，低電量時聽歌驚聽到冇電，加上市面上未有耳機用Type C插，帶個轉接器出去又易唔見

原裝耳機降噪能力麻麻

原生介面唔靚，我轉用了Action Launcher Pixel版

功能同華為比真係冇得比，華為有自動連接家中wifi，cap圖又可以選捲動cap全個網頁，HTC冇呢類功能

本身用緊華為P10+大半年，身痕又想搵下新玩具，最初買了XZ1，但真係唔識欣賞，上網慢影相又徒氣，XDA的Google Camera HDR+又裝唔到，玩了一星期XZ1就氣餒換U11，我都後悔當初應該直買U11

換了U11後真心冇後悔，同用開的華為比，華為係功能上確實係優勝，好多常用的功能都唔使花時間搵，但聽歌、影相、通話真係冇得同大廠比。華為聽歌係大聲，但成日沙聲又冇低音，P10+影相算正，但機內銳化真係太勁，想自然一點都唔得。

有次睇到一位影友用U11影得出神入化，買了U11後聽影友介紹去XDA搵Google Camera HDR+，即刻去海港城新位試夜景，G Cam用了多幅重疊技術，成像竟然可以冇渣，色好出，仲要係手持，ISO維持最低79，我即刻用X100F做對比，類似setting，X100F有手震同乾淨程度只係贏少少，足見U11威力。

希望HTC唔好咁快執，同埋下一代機加返耳機孔。

六月五號到手 , 運作很快 , 指模解鎖真的很快 , 配原裝耳機聽歌感覺很好 , 接藍牙喇叭也很好 , 拍照效果讓人滿意 , 電力方面需雖然只是3000ma , 但正常用真的很耐用 , 可用一天 , 可能是CPU節能的原因 , 物有所值。

我部是銀藍色 , 外表真的很靚 , 但裸機很怕會花及超易有指模 , 緊握功能也讓選擇機外殼有困難，否則又少左一個功能，一定要配透明殼 , 否則真的浪費了 , 另裸機感覺易冼手。

我感覺是物有所值 , 值得推介。

1. config冇得輸 (835, 6GB ram, 128GB rom UFS2.1)，用落真心爽快
2. 相機鏡頭掂
3. Edge Sense 單手影相好方便
4. 系統簡潔，冇乜內置廢app
5. 機背玻璃靚

1. 機背玻璃一跌就GG，要用得好小心
2. 冇左3.5mm 耳筒插口
3. 冇wifi calling功能

冇用htc好長一段時間，呢部U11真係令我對佢另眼相看，值得推薦

- 相機質素調較頂級 , 自然 .
- 前置喇叭音質比上代有很大進步 .
- 邊框控制功能未算豐富 , 但操控直接簡單 .
- 電量不多但續航力超乎想象 .

- 機身略大 , 且較重 .
- 屏幕佔有率不高 , 浪費 .
- 系統貼近原生 , 不適合希望快速上手的用家 .

價錢在在各品牌中略為優勝 , 相機表現會是主要決定因素 .