Huawei Mate 20

部機已經有 4 年歷史，當年新出三仟幾，但到現在大把人發錢寒，二手仲放半價，係咪傻咗呀? 我唔好加多幾舊水，買部全新小米或華為?! 電子科技嘢永遠有新買新，爭一年技術已經唔同哂，有乜理由仲買 4 年前機呀? 你當 IPhone 呀?

行 Android 9.0 韌體已經冇得再更新，好多 app 都係更新或下載唔到，買返嚟隨時用唔到幾耐，而且呢部只係 4G 機，咁我不如買部紅米仟零蚊，支援埋 5G 仲好啦，起碼全新開箱有快感，洗乜買部二手返去冇保養呀? 你當部手機、係香港小姐冠軍用過呀 ... 特別香呀?

唔係話華為唔好，只係針對好多用家，4 年機就唔好咁貪心，仲想賣半價係咪發緊夢呀?

都還可以啱啱買咗,個螢幕都OK
速度還可以
機身設計會比最新5T 順眼因為呢一步起碼唔似公板設計

如果淨係比硬件佢最新嗰部5t會抵玩啲
對於香港大部份銀行理財軟件安全系統例如指紋解鎖佢唔係太兼容
其他就冇太大，因為我只係上網 睇片打機 如果平時都係用iPhone 11

有啲人講支持中國製造,唔通佢有三聚氰胺中國製造食物你都食落肚呀?做人就唔好咁虛偽

上個月$3099/6+128老母買左部🤨
電池好長氣,用兩日唔成問題🤩
下巴真係好窄，水滴都整得OK靚🤤
麒麟980高能低耗,系統穩定好用🥰

主相機大閹割,無光防嘅IMX380同我有光防嘅IMX363差唔多🥴
只支援自家NM Card，唔係特別好用但好貴😾
重點，間接俾錢共產黨袋不了（所以某程度上我上面講嘅全部都係廢話）

其實老母想買華為我唔係幾like，但佢鍾意俾自己錢共產黨我都無強而有力嘅理據去勸止佢，咁咪算囉
但大家唔好貪平買呢部呀，金錢送中資料送中私隱送中，唔值
最後，沒有國慶只有國喪，光復香港時代革命，五大訴求缺一不可

只係賣3099
影相靚
支持中國
kirin980 慳電過s845

防水只有ip53

用過好多旗艦機平均幾個月一部 一直都想用華為 真係好好用 本人近呢兩年用過iphone 8 xz2 s9 blackshark meizu 16th旗艦機 都搵唔到一部好用嘅機 近排中美貿易戰美國封殺huawei 華為機價下跌真係好抵入手 我而家副機都係y9 prime 2019 以後出機淨係出華為

未發現

1. Google及其他美國廠封殺, 未來更新好可能有問題
2. 所有手機資料幫你自動送中(傳送返大陸)
3. 保安及資料保密成疑, 或內置監聽程式
4. 買華為=財力支持中共
5. Mon得1080p, 中階屏幕賣旗艦價格

五大原因, 買一不可

非常順暢：不打機，一般使用非常迅速沒有lag機。
電量充足耐用：高用量（不打機），絕對夠用一天有餘。
LCD mon ：這是對我來說啦！（不用怕烙印）
非曲mon
有3.5mm耳機插口

手感不好：跟我另一部相同重量的手機比較，感覺相對墜手，握在手中不夠舒適。
水滴屏幕：現在的手機屏佔比已極高，再要追求多那麼一點點的極致屏佔比而干擾視線（譬如看戲），個人並不欣賞。
LCD mon：對於其他人，應該不及oled鮮艷奪目吧！不過如果你不是硬要兩種屏幕拼在一起比較，大概你不會覺得此屏不鮮艷好看。亮度充足，只是我要長時間看手機，已相當傷眼，沒有必要都不會調得太亮，增加眼睛負荷，一般3成亮度已相當足夠。
聽歌音質：音質不算好，個人覺得聽歌時音質有些暗啞不開揚。
速成輸入：每次輸入相同的頭尾兩碼，都會有不定的文字選擇（包括打開所有可選的文字）。有時明明無打錯，卻找不到，重打一次又會找到，這令人困擾，以為自己打錯而嘗試其他組合，浪費時間。

用過三叔（二線機型），LG（旗艦機型），HTC和日系sharp。現役其中一部是HTC U12+，原先另一部三叔是工作用，whatsapp極高用量，部機不到半年，實體按鍵和觸控屏幕都開始不時失靈，來電時不時無法接聽，用電倒水似的一日要三充，雖套了保護套但仍然一跌就爆mon，爆了第二次便不再拿去維修了，於是買了mate 20代替，貪佢電量充足，這方面確係超出期望。HTC嘅edge sense 很有創意，有很好的功能，但未成熟唔算好用，所以close左唔用，電也去得快，其他的都是很好，非常順手順暢，聽歌質高，附送嘅耳機唔靚仔但出奇地音質很不錯，只是用type C，實在不喜歡！以前的LG機聽歌質素也很好，只是旗艦機屏幕居然半年便開始不正常，實在.....， 聽歌三叔也是OK，而mate 20音色確是比下來。

拍攝方面，在手機看照片，如不放大，驟眼也不大看出手機之間的分別，屏幕本身質素高些，色調配合些，調光一些，看照片也會覺得漂亮些，未必全是相機的質素。不過既然是華為，心中也是有些期望。現在有兩部世代相近的手機在手，可以比較一下（ 都是自動模式，比較主鏡）。正如上文，如不放大照片，兩部機拍的照片都很漂亮相近。細心的比對，覺得mate20對比強些，吸睛些，解像力也強些, 對焦更輕易準確，由其是光線不足之下。夜景拍攝mate20很厲害，居然可以手持數秒拍攝而拍出不手震效果！ 這方面mate20的AI實在強悍。

不過mate20的照片，有時顏色會和現場相差頗遠，淡色會更淡，鮮艷顏色會更鮮豔。遠景（強調遠景）有格線的東西如格線粗黑會變得更粗更黑（譬如地磚），白線裡的陰影也可能抹掉變成純白（譬如馬路的雙白線），htc12+則還原現場環境。

放大看兩部手機的照片時（由其是遠景），相比u12+，可能mate20的AI強化對比，又像是自動啓動N級美顏模式，照片嘅細節消失，油畫化，再加國畫化，你們可以想像國畫那種水墨印的簡潔線條！如拍風景不細心看，不與其他手機細心比較，也不易察覺，畢竟手機屏幕只有6寸左右。但拍稍遠的人像（大概4米以上），放大看時，我想因為mate 20的AI要將噪點抹平，樣貌開始變得膠和假，特別是面容較多線條的老人家！如果你們有mate20在手，不防試試看！u12+ 卻自然但噪點會顯得較多。個人覺得mate20影相AI很強，但有些過了。