Microsoft Surface Pro 6

千祈唔好買 Microsoft Surface，原因如下
1. 產品質素有問題：用咗半年，突然差唔到電，然後開唔到機。
2. 售後服務唔到位：冇維修中心，要透過第三方速遞公司將有問題產品寄到境外維修中心。
3. 客戶保障 = 零：維修運輸風險冇人負責，如運送途中電腦受損或失竊，未知責任誰屬。電腦如因運輸途中損壞有機會失去保用；或在運輸途中失竊，有高度私隱風險。
4. 公司內部不協調：懷疑叉電器有問題，向 Microsoft 售後服務提出最快捷簡單檢查火牛方法，去其中一個銷售點或辦公室借用火牛試機，被拒絕話唔係同一部門安排唔到。

5. 感受：原本擁有唔同牌子 laptop, 貪得意選擇多一部 Surface Laptop 就賴嘢。產品質素有問題，用咗半年就壞，進行維修保養時對客人權益及私隱零保障，Microsoft 售後服務及銷售部各自為政未能有效利用公司現有資源協調盡力為客人盡快診斷電腦問題。
感覺 Microsoft 係以謀取利潤為先，不顧及客人權益、私隱及用家體驗的公司。

薄，散熱好，
我用i7，速度感覺非常快

高用量用電好快，要帶外置電
插頭得usb3.0，同埋得一組

我是i7、16g-ram，用來剪4K片、執相，輕鬆沒有難度，能讓我不在家中都能隨時隨地都可以工作，mon亦好靚，不過可以再光d。usb只有一組，需要另加分線，沒有type-c呢個就覺得有點怪。剪片等高用量要留意唔好加個套或貼紙，背部需要高散熱，雖然有風扇。同埋d電會好似倒水咁，記得帶個充電器或外置叉。

整體非常滿意，價錢略高左少少，i7/256Gb/8g ram同i7/512Gb/16g ram可以相差4-5000元。