青海省 - 大西北之旅 序

好多人問，點解會揀去青海省旅行？最主要嘅原因係自從上年去完雲南返黎，發現大陸有好多地方比想像中靚，亦都因為呢啲地方未完全開發，交通又唔太方便，閒閒地都要坐幾個鐘車先去到目的地，短則2 - 3個鐘，長則 7 - 8個鐘。坐車都坐到暈，但去到見到眼前嘅景色，真係咩都抵返曬！而且返大陸較入嘅城市，消費會比較經濟！

出發前大約一個月到，開始睇下相關嘅資料，例如有乜景點、交通、天氣等等。以往嘅經驗話我知，"9" 行 永遠都係最好，唔需要特別編排好行程，跑景點其實好辛苦！所以到最後都無乜特別準備過啲乜就起行，住嘅地方都係去到先再搵。景點呀！睇天氣做人喇！

十四日嘅旅程 由深圳出發 西安返香港
沿路遊歷過以下嘅地方
西寧,青海湖,茶卡鹽湖,德令哈,敦煌,嘉峪關,張掖,祁連,西安

更多雲南旅遊攝影資訊

更多中國旅遊攝影資訊