青海省 - 大西北之旅 第四站 德令哈

距離茶卡鹽湖最近嘅城市係 "德令哈"，車程大約二百公里 3粒鐘到。主要係果度都係過晚夜再出發，因為如果由茶卡直接開到去敦煌要 7百幾公里，大陸夜晚公路都係無燈，雖然比較夜先天黑，但時間太長，非常危險。 根據當地人嘅說法，呢個城市比湖南省仲要大，初頭聽到咁大心諗都應該幾繁榮下，去到目的地，天開始變黑，四處荒涼，乜柒都無，搵到市中心喇，原來仲細過旺角，我諗由朗豪坊開始打橫掃去到火車站天橋咁大到喇。有間中銀幾間酒店，佢地圍住一個類似體育館嘅物體，係咁多！

之前都講過返到大陸，住真係唔駛book 定，四圍問下價，環境岩價錢岩就住得！果度有間叫做藍天白雲大酒店，睇落應該係該市最豪華嘅一間，門面如圖 " http://goo.gl/JSZruk " 。價錢180蚊人仔一晚，兩張 "細“ 床，附近都差唔多價錢，左選右選之下，呢個好似高級好多，門口又有得停車，夠曬方便，就住佢喇！一心諗住慳小小錢，點知就係伏嘅開始，兩條友訓一張床，成晚完全訓唔到，訓下醒下，渣左成日車再加上有小小感冒作動，巳經好累，仲攪啲咁嘅野，第二朝早起身就黎暈咁制，仲要渣成日先到敦煌... 差啲要停留多一日，不過根據過往經驗，落車變死狗，上車 ＝ 叉滿電。如此 "難忘的睡眠體驗"，我決定旅程之後嘅住暫唔會再訓呢啲Size嘅床 ，最好一人一張大床，就算幾平都唔會住！

呢個城市只可以做過客站，無乜特別景點，留暫一晚便可，留多晚都悶死！

條片係茶卡鹽湖去德令哈嘅一段行車紀錄，天氣有幾好？有片有真相

下一站 敦煌 （絲綢之路上的重鎮）

Taken By Gopro Hero 4

More at www.facebook.com/mth514