青海省 - 大西北之旅 第五站 敦煌 - 莫高窟

第五站 敦煌 （莫高窟）

敦煌位處要沙漠，天氣都比較乾燥同熱，長時間氣溫都有2x度，短衫短褲就可以，夜晚可以著件溥嬲以防冷親。除西寧之外，敦煌係我哋青海省之旅入面，唯一一個有機場可以直達嘅地方。 敦煌有好多大大小小嘅景點，由於時間有限加上天氣問題，我哋只可以重點遊覽幾個出名的。較多人認識嘅係鳴沙山+月牙泉同莫高窟。

莫高窟 又被稱為"千佛洞"，正式參觀之前有幾段片比你了解佢嘅歷史，之後再坐Shuttle Bus去目的地，總數有幾百個洞，每一個洞入面都有唔同嘅壁畫、彩塑，好多佛教嘅典故或者係果個朝代發生嘅故仔係入面，因佢經歷過幾個唔同朝代嘅修建同開發。大約15個人一團，參觀10個洞，每一團都會有一個導遊做詳細介紹，一人一副耳機等你可以聽清楚導遊嘅簡介，由於洞內係無照明系統，導遊會用電筒照住逐點介紹，而且洞內唔可以進行任何攝影活動。比錢買門票嘅時候，有中英兩種語言選擇，全程只有一至兩團係外國人，可能因為呢個城市英文嘅支援好少，除非你識普通話或有人帶黎，唔係嘅話都幾難黎。

更多中國旅遊攝影資訊