青海省 - 大西北之旅第五站 敦煌 - 鳴沙山月牙泉 (沙漠上嘅綠洲)

雖然過左一晚，天氣依舊，甚致有變壞嘅跡象，礙於往後嘅行程，唯有如常出發。由門口到月牙泉都有一大段距離可以選擇穿過沙丘、人工石屎路、電Golf車（10蚊人仔坐一段路）。想睇下沙漠風景又唔想行可以坐駱駝（100蚊人仔），適逢當時日香港發生中東呼吸綜合症，為免中招，都係遠離駱駝比較好。

沙漠地區佔全個景區大約90％，月牙泉呢個沙漠上嘅綠洲佔10％，果度都幾多收費項目玩例如：沙漠越野車、滑沙等等。收費不一，門口有個亭仔列出各項收費。入去之前最好花十另廿蚊租雙橙色嘅鞋套防沙入鞋，我哋選擇穿過沙丘，沙丘比想像中難行，每一步都幾花氣力，舉步維艱。不知不覺間係沙丘上上落落行左差唔多一個鐘先去到月牙泉，月牙泉嘅古建築群比想像中公整，應該人工修飾左唔少，入面無乜特別之處，成個地方比想像中大。而果個湖亦因沙漠乾旱而蒸發得好快，經政府搶修後，巳經變成一個人工湖 。不過能親眼目睹呢個天然奇景，都算不辜此行喇。呢個景點周不時都因為天氣太熱而有人中暑，強烈建議帶條圍巾防風沙同大水防中暑。離開敦煌又要開始長途車之旅前往下一站 “張掖”

更多中國旅遊攝影資訊