Bike the Moments：單車攝遊澳門風情

Canon PowerShot G3 X - 單車攝遊澳門風情

黎到澳門，大家通常都會飲飲食食，不過最鍾意喺異地城市踩單車嘅我哋，最近先第一次黎到呢度踩一轉小小環澳之旅，單車遊不方便帶太多拍攝器材，今次，我哋帶埋Canon PowerShot G3 X記低旅程點滴。G3 X 機身輕巧之餘更同時備有25倍zoom，遠近及微距皆宜，喺旅程中唔會造成好大負擔，非常適合旅遊同踩單車，令我哋呢啲喜歡邊踩單車邊影相嘅用家玩得更盡興！

光圈:f/5.6 快門:1/500s ISO:400

環澳路線：澳門雅廉訪大馬路＞罅些喇提督市北街＞西灣湖景大馬路＞民國大馬路＞嘉路米耶圓形地

今次環澳路線其實好簡單，因為之前我哋請教咗澳門朋友，佢哋推介我哋沿著大馬路踩。行程中沒走什麼偏僻路，亦避開了大三巴之類繁忙嘅遊客區和上山區域，我哋從非常舒服嘅林蔭大道－高士德雅廉訪大馬路開始出發。

 

 

光圈:f/5.6 快門:1/1000s ISO:400

踩到盡頭就會轉入沙梨頭嘅罅些喇提督大馬路，街道雖然比較繁忙多車，但司機都十分禮讓。至少，我哋一次都沒有給人「呠」 過。

 

光圈:f/5.6 快門:1/1250s ISO:400

一直沿路踩到河邊新街，就可以來到位於媽閣嘅海事博物館，海事博物館係一幢古典又漂亮嘅墨綠色建築。利用相機嘅格線構圖功能，就可以更對應建築嘅格線，令相片整體更工整同特別。

 

光圈:f/5.6 快門:1/500s ISO:400

而媽閣廟就在海事博物館嘅20步之遙，媽閭廟前有一塊小空地，晴天下午有唔少人坐喺度乘涼，實在係非常舒服。不過喺樹蔭下影相，就容易出現光差情況，呢個時候鏡頭上嘅控制環就大派用場，可以即時手動調整光圈及ISO，仲可以調整其他設定，而且 G3 X 嘅ISO更加可高達 125 – 12800，無論任何時間拍照都更加方便。

 

 

光圈:f/5.6 快門:1/2000s ISO:400

之後再繼續我哋嘅旅程，沿著媽閣廟旁前嘅媽閣上街踩，街道非常幽靜，與市中心嘅感覺完全差天共地。沿著民國大馬路踩大概5分鐘左右，我哋就黎到西灣湖旁，呢到可以清楚遠眺澳門旅遊塔。當日天氣超好加上藍天白雲，但喺強烈陽光下其實好難睇到相機嘅LCD螢幕，於是我就利用G3 X嘅外置電子觀景器 EVF 拍攝。而且EVF 顯示嘅數據佈局同LCD螢幕一樣，用起上黎非常方便~

 

光圈:f/5.6 快門:1/2000s ISO:400

一直沿著圍繞西灣湖嘅民國大馬路踩，就可以從唔同角度睇到澳門旅遊塔，而且呢一邊更加有樹蔭，唔會被西斜嘅太陽曬到。除咗可以喺湖邊休息，更可以影下相，同朋友吹吹水~

 

光圈:f/11 快門:1/2000s ISO:400

 

 

光圈:f/5.6 快門:1/2000s ISO:400

天涯旅遊機 PowerShot G3 X實在超級方便，最大優點係遠近皆宜，因為鏡頭最遠可以有成 25倍變焦，所以就算我企喺湖邊，連準備跳旅遊塔嘅勇者都可以清楚影到~

 

光圈:f/5.6 快門:1/2000s ISO:400

如果有玩過遠攝嘅朋友都知道，鏡頭zoom 到高倍數嘅時候，基本上手一郁就會完全離開想拍攝嘅範圍。PowerShot G3 X 就備有「強化遠攝構圖輔助功能」，只要一按鏡頭旁嘅「搜尋」掣，就可以zoom out再搵返目標，放手就會自動 zoom in 返，咁就可以解決問題啦。等咗十幾分鐘，終於有人跳 bungee jump 喇！

 

光圈:f/3.5 快門:1/160s ISO:400

不過，個人認為最正都係踩到北區，因為相比起新口岸、大三巴等遊客區，北區嘅路面交通相對平靜，踩起車上嚟十分舒適。正因為遠離遊客區，北區係最接近本地人嘅社區，要感受澳門最真實嘅一面，北區係最值得嚟睇下嘅地方。

 

光圈:f/4.5 快門:1/25s ISO:400

由日頭踩到夜晚，體力消耗好大！所以，我哋食完晚飯仲未夠飽，就黎到三盞燈旁嘅飛能便度街食馮記豬腳薑。我平時好少食豬腳薑，呢度嘅豬腳薑只係8 MOP一串，而且好入味，加上老闆非常搞笑~

 

今次環澳之旅影咗唔少靚相，有賴PowerShot G3 X 方便嘅拍攝功能，令我唔洗費神思考點樣操作，都可以輕鬆影到想影嘅目標。最值得一提嘅係，有時候我哋踩單車可能會遇到毛毛雨，有防塵防水滴功能嘅PowerShot G3 X，就更能發揮相當重要嘅功用。下次再有單車之旅應該會再帶PowerShot G3 X 出發！

 

 

路線圖