專業操控，形，二手平機好抵玩

缺點低光拍攝真係和現今相機相差太遠，用閃燈可稍為解決但唔方便及冇咁靚，另一就係個芒D300時睇冇問題，但咁多年見慣靚芒就覺得d300s 芒唔靓，LV 拍片就算了吧，重量亦相對比現今機重,51點對焦係對最前個位，影人如前面有花就會對焦花，所以都係用中間點穩陣

剛買了部4千幾快門九成以上新既 D300S， 09年 APSC旗艦到，專業操控，對焦快而準，而新款機則爽超爽及精細，51點對焦已涵括一般拍攝用途，外形討好，快門聲正，手感一流，唔裁唔放大，千二萬像素其實好好，當時D人一樣影到相都好靓，科技野都係想賺你$，當然新梗係正好多，睇下你需要乜，我就冇乜時間影相，但又想玩返下D大機，見一千元就入返部，加五百連龍仔 B005 送埋D50 靚袋cpl, 當買玩具，多年前我曾有D300 有良好印象，再次擁有更新款的d300s一如以往感覺非常好，相片質素絕對唔差，當然不能同依家D機比但靚過遲佢幾年出我用緊既M43, 買返來滿足到玩相機既感覺，平平地入得過，貴就有更多選擇，d7000 d700 呢D都係1500-2500，d90二手都過千，我少用就買平盡佢，如再舊款就唔好買, 送既D50真係屬古董級，拿上手確幾好，但一操控已唔想影了

1) 機身外型: 線條非常硬朗, 俾到我可靠同穩固既感覺
2) 機物按鈕: 其實唔覺有咩特別, 但係刻意去諗有咩唔好又諗唔到, 咁應該係代表...完美
3) 操作介面: 雖然唔似依家D 新機又有扭MON 又TOUCH SCREEN, 但我好有信心我用前後轉輪黎入MENU SET 野一定快過你用TOUCH SCREEN。 加上可以自己CUSTOMIZE 一個自己個人化既選單頁, 將自己常用既SETTING ITEM 放入去,呢樣真係非常好用!!!
4) 機身手工: 同外型一樣, 非常硬淨可靠。 自問用得都幾粗, 但一D損傷都無, 只係個mon cover 有d 花, 仲有試過幾次落住雨黎影, 雖然雨唔大, 但真係完全無問題
5) 其他: sd+cf 卡slot 真係好方便同專業; 100% vf 好重要 ; quiet mode 好有用(影bb)

至於畫質, 以今日既標準當然已經係兩碼子既事, 不過對焦既速度同準確度, 係今日睇番都依然係top class, 唯一真係能撤低打敗既, 我覺得就只有70d 既dual pixel live view 對焦

1) 自動白平衡真係一般, 有時好好太陽既時候, AWB 影出黎會偏黃
2) 影較SHARP 色既物件時(例如係紅色既花), 好易變左一PAT野, 有時亦硬係影唔到現場既氣氛顏色
3) 拍片真係.....
4) 唔用ISO noise cancelling 的話, 其實d noise 都好勁下~

當初係7D 同D300S 之間選擇, 最後揀左D300S。 點解我會話係身在福中不知福呢, 因為近排見愈黎愈多人用FF 機, 心裡真係有D 不是味兒, 亦開始對自己部機(D300S) 有D 厭, 好想升級上FF。 但係黎呢度睇番好多用家講出佢地對D300S 既欣賞之處同感覺, 突然勾起番好多當初岩岩買到佢既時候既一d 興奮, 好似51點既對焦系統咁, 當你係個vf 度睇住d 格仔會自動追住個目標咁走, 果種pro 既感覺真係好難忘。 仲有就係一秒7張既連怕, 真係好熱血(記得影果陣唔好諗住番到屋企要揀相同del 相既痛苦)

其實果陣d300s 同7d之間真係好難選擇, 取長補短之後, 我覺得兩部機係打和.. 所以最後我係用左非常主觀同直覺既因素黎做決定, 就係手感同快門聲。 在我而言, d300s 既快門聲係我聽過最好聽最爽既一部相機。

我會繼續珍惜呢部APS-C 既機皇

1:中央對焦精確，對焦不會有偏差問題，快！狠！準！
2:十字按鍵十分好用，手感還很好呢～～就喜歡這種手感。
3:高速快門很強大，一流～
4:金屬機身有份量，上山下海都可以（誇張了一點吧）
5:功能選擇很多也很人性化，讚！
6:CUSTOM SETTINGS很便利，好像有4個位8種配搭供你使用。
7:可用雙卡，CF+SDHC。
8:拍攝顏色自然，不會有偏色問題。

真的要說嗎？肥肉挑細骨。
1:耗電了一點，不過加上外置電池就沒有關係啦，反正我有的是力氣。
2:iso按鍵不太方便，有時候會按錯鍵。
3:錄影功能較弱，不過對我可有可無，自己不會拿相機拍短片，要拍片就拿攝影機。

挺完美的相機，昨天才入手， 有種相逢恨晚的感覺，心想如果自己以前乖乖的和父親學習攝影多好。在試機的時候居然興奮得像小孩子一樣，連午飯也不吃就跑去拍照了。之前使用過老爸的D3S和舅父的D700。D300s給我的感覺是：尤如殺人於無形的劍客！快速準確無誤的對焦加上高速的快門，真是絕配！拍攝靜態動態都輕鬆自如，而且照片的質素一流，雖然調較功能方面有點麻煩，但也就是這種麻煩才能讓你更深入的了解這台神器的機能。身邊有朋友說為什麼不出新用新？我的回答是新出的機能是否對自己有用呢？現在剛推出的新相機都標榜著多少多少像素，什麼wifi功能等等，說真一句，此機的相素已經很夠用，你要這麼高相素的相機幹麻？高像素是否平常真有機會用到呢？其實像素夠用就好，而wifi功能對我來說沒有什麼用，最重要的是有些新機的性能還不如這台出了將近四年的老將呢。用了這台機子後，吾之前所用不到一個月的D5200，現在已經退役了......我也試過很多家人DX格式的相機，基本上什麼牌子都有試過，但還覺的它最好。因為D300s很全面, 在DX格式的相機裏真是神兵利器。在此也謝謝安東尼兄！最後為d300s送上一首詩：

短歌行

對酒當歌，人生幾何？
譬如朝露，去日苦多。
慨當以慷，憂思難忘。
何以解憂？唯有尼康。

對焦好快 ,對焦位比較暗時,從閃光指示燈有光打向目標,對焦不成問題 .
快門聲好正 ,同入門機分別好大
其他優點好多 C Hing 講咗!!!

重 ,但呢個其實係D300s既優點!!!
像素大 D更好 (如1800萬便是)!!!
配件貴到死 ,(平番D D 更好)
其他缺點好多 C Hing 講咗!!!

從D60用家轉D300s两個多月 ,感受真是完全不同 ,無論在操控性 ,各項調較上 ,方便感 ,以至重量 ,手感等 .真有煥然一新之感 .在9/F試了差不多2個多小時 ,從D90,D7000至D300s,
都作出了較長時間的比較. (事前亦有做足功課 ,也參考大量此版的 C Hing們的各項心得 ,優缺點等) .起初原本有意D90的 ,但覺得由D60到D90 好似沒有多大意思 ,D7000的機身手感又較D300s冇咁正等 ,最後都係選擇D300s ,(D7000重平少少) .而自己亦好滿意呢個决定.沒有揀錯 (D90及D7000都係好機, 呢點我要補充) ,但我都係鍾情於D300s .而家都係在摸索,適應部新機期間 ,但感覺好正 ,好爽 .最近重入手原廠 MB-D10 ,(加理更重呢) ,但手感更佳 ,
總括 : D300s比倒我想要的 !!!謝謝!!!

- 51點對焦
- Liveview 方便叫人幫我影合照
- 我幾鍾意個外型
- 雜訊控制不錯
- 雙插卡

- 本人有用埋原廠直倒, 都幾重下...

無完美的相機, 只有合不合用的相機吧, 本人之前用D40, 朋友同親戚們的D60, D80, D90, D300 都試過, 最後都揀了D300s, 因為D300 沒有再出了, 如果同D90 比, 真係玩過D300/300s 之後再拿D90 會覺得無乜手感, 可能係習慣問題, 其實D300s 設定都幾全面的, 我睇過除左重同貴係最大缺點之外其他都無乜投訴, 拍出來的相都很有質素, 如果比我揀多次都係買返呢部, 但如果入門用呢部OR 之前用入門單反時用AUTO 多的話, 上到呢部會覺得有點吃力, 但始終都係一部中階單反, 多睇說明書便很快上手, 不可以說用得好, 但起碼會滿足到自己要求

1 全鎂合金機身，防水防塵，可以係遠旅行嘅時候唔使擔心刮到機身，而且機身相當有份量，好有手感。
2 51點對焦好好用，好隼，呢樣C仔真係差些少，不過各有各好姐
3 一秒七張好好用啊，尋日去打雀加支長炮影出嚟D相大約有九成都中，當然要睇你點樣影啦。
4 內設虛擬水平儀，呢個都好好使！如果影日落呢D景，可以避免傾斜。
5 有雙插卡槽，CF+SD。自己就較鍾意用CF card，幾貼心。

1 拍片D時間太短，不過我唔會用相機去拍片。
2 加直倒都幾重，對我呢D身型較細粒嘅女仔嚟講都係一個幾好嘅鍛鍊，哈哈⋯
3 個IS0按鍵唔係好就手，搞到我有時㩒錯。
4 泰國制造真係讓我無言，點都係DX機皇好心就日本制啦，不過可能大陸人比較鐘意啦。
5 像素可以多DD就好啦，but都幾夠用。

之前一直用C仔，想換下陣營，就過咗嚟老尼。本身想入部全篇幅機，但之前都未玩過DX嘅機，加埋老豆有又幾支DX鏡頭咁就買咗呢部機啦。本身考慮入D7000，但係去到某大相機店一試就發現D7000唔係自己杯茶，真係唔明老尼可以改D咁多就話係新機,價錢亦都唔合理！仲要係半鎂合金機身，同埋點解要用S0NY嘅CMOS？！老尼技術咁好需要用其他對手嘅嘢咩？之後我再試咗D300s之後，就即刻俾錢入手！
雖然話呢部機出咗有一段時間，但係居然佢嘅性能到依家都一D唔見得差過新機，可能更比某D新機要好添！

首先操控性一流！佢嘅常用設定掣全部都係機身度，好方便。小女子本身係一個攝影師，經常要影人物照，呢部機唔駛我成日較設，好方便！加埋一秒七張連拍好正，對焦又快，D雀實影到！

ISO方面雖然去得高可能見粒，不過影相係吃腦嘅藝術，可以用其他方法平衡返，好小事姐。

見好師兄話佢重，自己係女仔覺得幾好喔，如果唔夠重嘅話我反而揸得唔夠定！用料又足，同專業機都幾接近。鏡頭新老DXFX全部都用到，仲想點？

又果你手上有一兩支鏡皇嘅話，呢部機真係可以變得好勁！D相影出嚟色彩濃厚，但不失自然，唔會似同牌子嘅D800影出嚟D相嘅假，一部出左咁耐嘅機，個價跌得咁少，就知道佢一D唔簡單！老尼DX機皇嘅稱號當之無愧^_^

DX機皇之名當之無愧, 朋友用D700, 相比過機身設計、機能99.99%相同(規格上300S好似仲高級過700...), 人性化介面一手操控, 51點自動追焦更加係係神器級, 影人影動物實無走焦!!

自動白平衡的確係差左少少, 始終4年前既產品...

由D90反向行到D3100, 到用盡左部D3100之後(全時手動, 連白平衡, 色温都全時手動), 無內置摩打既機身的確會成日出現走焦情況, 於10張得6張中, 功能上亦滿足唔到小弟既情況下定決升級, 於D700 及D300S之間考慮良久後, 於影人為主既大前提, 以及D700既二手SC數大部份都好驚人(下下都過50K....), 最終決定入手D300S.

一拎上手...全鎂合金機身、專業級既機身按鈕設定, 俾你一手撐控既感覺!! 任目標點走, 白平衡、ISO都可以用左手一手操控, 再加上51點自動追焦...

即使場景、背景燈光突變, 內置記憶模式可以俾你記得不同燈光下既設定, 即時改變感光設定...

簡單D講, 只要你識影相, D300S一定影到你想要既野

大部分都俾師兄講哂 總結一下

對焦
- 反應快 正常情況下都沒有半點猶豫
- 連續伺服51點 3D 追焦命中高
- 單點有51點比你揀 但我單次伺服用返11點
質素
- 測光 AWB準確 (呢樣見人見智)
- ISO 800 1600 相片差不多無雜訊
- 可以影TIFF 無壓FILE
- 高快門(最高可達1/8,000秒)
控制/功能
- AF ON 同埋AE/AF LOCK 分開 好方便
- 可以CUSTOM SETTINGS, 有4個位, 8個配搭比你用
但我係用唔哂D位嫁 (見缺點) ..不過NIKON真係好人性化
- 按鈕一步到位
- 副廠直倒 都有十字制AF LOCK用
- 雙卡 CF+SDHC
- AI或AIS鏡頭可以使用相機測光
- 虛擬水平
- AF微調救左我一命
機身
- 鎂合金大包圍 防水防塵
- 大而有手感 ..配長焦 大口徑 型
- 十五萬快門
- 100% VIEWFINDER 有利於構圖 用過就知點解要係D300s

缺點只係係雞蛋挑骨頭啫
- 食電
- LIVEVIEW可以當佢唔存在 LIVEVIEW時冇得按播放鍵睇相?
- 調教ISO唔方便
- 八方向獨立OK十字掣好係好用 不過感覺好虛無
- CUSTOM SETTING SET既野其實本身都有制俾你 ..所以我係用唔著咁多位
- 快門制好似無底深潭 半按快門感覺唔明顯
- 對焦蜂鳴音DiDi聲幾乎聽唔到
- 調較某些功能手續繁複 (如有興趣PM研究)
- 錄影功能是**** 使用拍片功能時 "是不會自動的自動對焦的"所謂的自動對焦只不過係係錄影期間按下AF-ON ..咁佢會由最近對焦距離開始慢慢的尋找對焦點 ..而只可以使用一次 ..如果想對第二樣野麻煩重新按下AF-ON ..而且會連鏡頭對焦聲音都錄入 ..相信你的眼睛用手動對焦吧 可是本人覺得作為一部相機 有高清拍片只是驚喜 我都係專心影好D相 有心的師兄好好練習 D-movie needs a lot of skill to make it perfect.

D5000 > D300s

用左唔係好耐 ..作為一部定位中高階的 APS-C 片幅機好老實講優點缺點其實都唔係D咩大問題 功能上已經好夠用 完全唔係入門機咁玩玩吓 有能力既話一定上D300s(係呢邊唔講FF)
有些人會拿 NIKON 與 CANON 機比 實屬正常 我買之前都會對比吓 但係你有既野人地都有 ..對面DX王ISO 像素 拍片仲要再勁D添


我只能夠講 我鐘意NIKON因為我覺得佢型牙 吹牙

快門鍵的反應夠快
中央對焦精準
八方向十掣十分好用
AI或AIS鏡頭可以使用相機測光
對焦摩打夠快
高像素(1230pixel)
高快門(最高可達1/8,000秒)
有雙卡槽(CF卡及SD卡)
機身是鎂合金制

雜訊控制比D3或D700差
調較功能手續繁複
功能表裹有太多項
錄影功能沒什麼用
價格不低但可接受
Q模式不常用
除了中央對焦區對焦精準(9點)，其餘對焦點都不是太準

由D40x、D80升級到D300s，令我感受到高階DSLR的威力。金屬機身、雜訊控制、防塵防水滴設計以及相機功能都是入門或中階機無法比擬的。3吋大的LCD熒光幕更加方便用家睇相，一些外置的功能鍵更令用家攝影時得心應手。握手位的設計十分舒適以及達到防滑的作用。高像素(1230pixel)及高快門速度(最高可達1/8,000秒)肯定是這一部相機的賣點。整體來說，D300s可算是一部有質量的DSLR。<而且配合AF-S 17-55mm或AF 50mm f1.4來用簡直是無得頂！>

-快, 準
-新鏡老鏡全部no problem
-微調改良d300的誠意

-沒什, 如果相機帶可以厚料d就好~~

用D80 Trade In 去 D300s, 感覺連upgrade 幾個level,
trade in 這個決定是冇錯的
有次去機場影飛機, 用8 fps 去影, 真係全中, 一張不留, 可見d300s 的功架
以呢個價格來計, 真係一部"機皇"