Canon EOS 1D X

評測報告

實拍照片

我用過5D3,6D,5dvi,發覺1dx的相片最有立体感,操控也昰最好和最可靠

重但操控佳手感好

我二手買入,以萬多元就可一嘗一系相機感到十分扺玩

每樣function都可以fine tune得好仔細，仲有好多custom function俾用家自訂，方便每人不同既用法、手勢。
對焦、測光精準無誤，快靚正。
一如以往既一仔，反光鏡震動極少。
握手位設計得宜，可以穩握相機，即使手持時間較長亦不容易出現手掌/手指疲勞。
雙joystick方便直倒使用。
mon靚。
dynamic range靚，成像實淨銳利，貫徹一仔作風，其他型號難相比。
快門壽命由以往30萬增加至40萬。

可能我比較hardcore，身為一部旗艦機，我搵唔到佢既缺點，各方面都係為專業而度身訂造出黎。
重量？無咁既重量可能無咁既穩定度。
價錢？用黎工作既話，賺到既錢、名氣已經遠遠超越佢既身價。

自從去年試用過1DX內部測試機在澳門影賽車後，決定一定要擁有呢部神器既量產機，但發現而家量產同當時既內部測試機有些少出入，包括快門聲浪明顯降低左，menu亦經過修改，現時賣街既版本則較為簡單。
我係由5D2跳上黎，本來5D3系統已有不俗表現，同5D2比係一個巨大躍進，但基於反正都係洗錢換機，點解用完5系仲要再換5系？做完二奶係時候要做大婆，所以跳過5D3、6D等較新機型，一步攻頂永無後顧之憂。

我喜歡1仔個種「快、狠、準」既特性，特別係暗位對焦幫到我手，較高既dynamic range(同5D2比較)亦幫助不少，始終透過後製去谷、去渣番d detail出黎係有代價同唔完美。由菲琳年代至現時為止都係對住135格式既底片，唔想用APSC係因為個crop問題，唔想成日計黎計去，況且高像素FF對我工作有幫助，因此進入數碼年代後一直保留係FF機種。但對上一代既FF 1仔已經係1Ds MK3，年紀實在大，買部2手番黎亦要心驚膽跳，1D4當時都只係APSH，卒之等到1DX有FF出現，試用完非常滿意所以去馬。

像素的確「只有」1800萬，但去到呢個level既機種，已經唔係單單追求其中一樣特點咁膚淺，唔通好似入門機咁，部機多100萬像價錢就賣貴多$1000？對焦系統、成像質素等等，係全方位機能既追求，所以1DX綜合番各方面機能黎講，佢係能夠滿足到好多攝影範籌既需要，係一種平衡度，你無需要再擔心部機做唔做到呢樣、頂唔頂得住個樣，只要你正確使用，佢一定交足貨俾你，影唔到就應該諗諗自己錯係邊。

四隻大字為總結：物有所值

完全冇迷焦！聖誕影夜景燈色一流！極暗位對焦快！
ISO 雜訊可以接受度可去到12,500 - 絕對夠用（不用閃燈情況下）
電量持續力超強-可連續拍4千幾張
對焦快狠準！

重、但專業機就係機身堅固耐用！
暫時冇

冇後悔轉回一代！不過一代最後期機（最好係2016年生產版）因所有機內bugs已經解決了，完美操作！靚！值推薦！
想升級去mark2嘅師兄最好等多陣， 一般bugs都要等新款出左兩三年先可完全解決！

1) 12FPS 連拍速度
2) AI Servo 有6種模式，對應不同情況
3) 有C1 C2 C3既Custom Setting，轉換Setting快左好多
4) 雙CF卡儲存，唔洗煩用兩種卡，但就必須隨身帶Card Reader
5) 可以自訂檔名，睇檔名已經能夠分辨出用咩機影 (我用雙機，Prefix set左1DX_，另一部set左1D3_)
6) 61點對焦點，可以更細緻移動選擇對焦點
7) ISO 抗Noise能力高
8) 連拍Buffer唔多(OVF顯示Raw+Jpeg只有16張)，但Buffer回得好快，相對連拍張數多左好多，唔怕要等Buffer
9) 螢幕像素高，終於唔洗將啲相放入另一部相機篩相
10) 對焦速度好快
11) 可以鎖定某啲唔用既功能

1) 18.1MP算係夠用，不過多少少到22.1MP會更好
2) Full HD拍片只有30FPS，希望有120FPS Slow Motion
3) 拍片無Auto Focus
4) 不能夠只靠JoyStick去移動對焦點，必須撳右上角粒制先可以移動，太浪費時間
5) 61點對焦點太集中，無辦法做到好邊緣既對焦
6) 無GPS & WIFI Function，逼人買外置
7) 電量比想像中消耗得快
8) 靜音模式都係咁鬼大聲
9) 1530g重量，平時影運動落單腳都無乜所謂，但當你手持(1Dx + 70200 + 600EX-RT)，拎一陣已經想投降
10) 暗位對焦完全唔掂，不斷拉箱
11) 落外置閃燈，Auto ISO只可以上到400，再上就要手動Set

部機係係2018年8月係DcFever二手區買入。

我主要係影Sports同Events，所以都幾需要睇重相機既性能。我平時係雙機拍攝(1Dx + 1D3)。1Dx既高速連拍認真好用，雖然只係比1D3多左2FPS，但係Buffer實在好強回得好快，以往1D3影十幾張就要停低等Buffer，依家1Dx係唔需要你去等Buffer，你一路影佢一路高速回Buffer。

另外AI Servo有6種模式，因應你影咩運動，選擇對應既模式，而且模式內仲可以微調不同項目既敏感度，依樣認真好用。然後係Custom Setting上仲有C1/2/3 Mode，可以比你記錄低特定Setting，只要轉Mode就可以轉到你定好左既Setting。例如係單車比賽，需要隨時切換高速慢速快門，以方便進行Pan鏡，C1/2/3 Mode可以節省好多轉Setting時間。

除此之外，對焦速度好快，用1635L / 2470L / 70200L既反應都係一撳就到，唔會有遲疑。AI Servo好準，對於不斷接近既主體，Track得好好。61點對焦點更可以比我更細緻微調，以往1D3實際可選擇既對焦點只有19點。但1Dx既對焦點覆蓋範圍實在太集中，人地A9可以做到93%覆蓋，可以唔改變構圖下做邊緣對焦，但1Dx唔得。

ISO方面，1Dx既抗Noise能力十分好，唔洗怕高ISO會有大量Noise。相反Nikon D4s既ISO能力好差，曾經借用友人D4s + 2470E + SB910，D4s上到ISO2500已經唔見得人。

像素方面，18.1MP其實唔係大問題，只係係依個世代下，高像素已經係好基本要求，如果可以提升當然就最好，Crop相都可以大幅度啲，因為影運動好多時主體都離自己好遠。

最大問題就係JoyStick揀對焦點，點解一定要撳多個制先可以轉對焦點? 主體黎緊既時候，影完上一個Shot，要立即轉下一個構圖影，咁邊到轉得切姐..? 依點好考人手指公既能力。

總括而言，工作上1Dx係真係好好既拍檔，不論係可靠性上，性能上，都達到頂級水平。如果只著重影相既，其實不一定需要再上1Dx2，1Dx2最大分別就係連拍14FPS，Raw+Jpeg可以連拍大約56張，但1Dx2既Buffer回得超級慢。如果需要拍埋片我先覺得要上1Dx2，否則1Dx已經好足夠日常/工作用。

但建議初入手1Dx既人睇一睇說明書，因為實在太多人性化既功能，即使有用上代1系機身，都唔一定識用1Dx (就算我自己用過30D, 600D, 60D, 6D, 1D Mark III，買完1Dx都要睇哂成本說明書先清楚啲功能點切換)。

對焦快而準（暗位完全冇迷焦，這是轉回一代的主要原因）
ISO 12,500可經常用
手感比其他1仔好握
色彩準
準焦率超高
卡平

重
冇乜

由二代轉回一代感覺穏定有安全感特別係用一代尾期機，可能已用了新硬件作改善所以比前期對焦更快快到同二代睇齊而且絕對冇迷焦！

【勝】 D4:
1. 1810萬畫素
2. 61點AF對焦，21個f/5.6十字對焦點、20個f/4十字對焦點、5個f/2.8十字對焦點
-EOS iTR AF (Intelligent Tracking & Recognition Auto Focus)智慧跟蹤及識別自動對焦
3. 連拍速度 - 每秒14張(使用JPG格式拍攝時)
4. 對焦速度大概是Nikon 的2-3倍。
5. 用D4 的說不去管噪點的話，從Foto整體看還是覺得1DX的片子色彩對比度更討好一點。
6. D4屏幕偏綠明顯，十分不爽～白平衡，D4還是偏綠，1DX沒問題。

D4 【勝】:
1. 高光部分Nikon 更乾淨，暗部Canon稍好一點，總體來說Nikon好一點點。他們還發現相同設置下，Nikon的Foto亮一點。如果都縮到12MP來對比，Nikon還是要好一點，大概好三分之一檔。 但是整體來看，就是說不放大去看噪點的話，Nikon的Foto的色彩和對比度更討好，細節也稍微好一點。
2. 極端暗光下，1DX直接不能對焦，但是D4還可以，並且對準了。
3. 從過曝拉回來的話兩台表現都不錯，D4稍好。從欠曝提亮的話，D4由於CMOS內置ADC的關係，模擬信號到數字信號的轉換過程更短，所以暗部噪點基本沒有或者不明顯。 1DX的是外置ADC，所以轉換距離長，更容易出現噪點。結果很明顯1DX這裡不如D4。
4. D4 雙插槽設計，支援CF、XQD記憶卡格式
5. 貴

Some Nikon 用家覺得D4比D3s有所退步，覺得1DX屏幕更好，手感堅固度也比D4稍好，對焦速度讓他愛不釋手。最後他決定換門到佳能。

我認為1DX是非常好的一部機, 有排都唔洗換新機, 唯一係象素較低, 高iso更乾淨。