優點:
1.整部機好solid,好金屬,感覺內部零件迫得好實,因為舊款機有空心感覺.
2.皮手柄好拎,好就手,支持到整部機重量.
3.整個設計復古簡約,實體掣多,應該唔會好快有過時感覺.
4.掣方面最值得一讚係zoom掣有兩個,同舊款一樣快門掣前一個,鏡頭亦有一個轉環,啱晒唔同習慣嘅用家
5.另外,光圈,快門,曝光全部有直接轉輪,對於有影相concept嘅人好方便,setting仲方便過GH3,如果set亂晒或初學者,按一個掣又可返去ia mode
6.快門可以按情況自動switch機械/電子快門,可以全靜音,設計同GM,GH系列一樣聰明.
7.鏡頭可變焦距長但鏡頭體積細,因光圈大但只比14-42電動鏡大小小.
8.EVF超靚,感覺比機外3吋mon仲要清,而且四個角位冇好似GH咁會變形,而且睇入去完全唔覺細
9.電量不錯,比GM好好多,唔拍片都用到一日,而且個叉電器同GM同款,唔駛放多個嘥位.
10.終於有原廠自動鏡頭蓋,應該廠方應用家以往要求,唔駛驚跌同用條線吊住.
11. 相片質素方面同其他m43機好難分辨,好接近.
缺點:
1.用開舊款會覺得佢重左好多(老婆意見,因為佢唔明白內裡嘅改變,當佢傻瓜機用)
2.冇左touch,screen,用慣左touch會覺得揀相同delete相麻煩左,要重新適應十字掣,不過好處係影相時唔會唔小心touch到改變左對焦點(老婆意見:冇得掃相)
3.光圈轉環有d 緊,好容易同變焦環一齊轉.
4.價錢水貨可接受,行貨係天價,不過都習慣左.
5.Made in China,雖然造工好好,但點都需要少少Made in Japan嗰種虛榮
6.雖然我鍾意實體掣,但機頂有個獨立filter掣有d多如,不如改造轉輪仲好.
7.相片質素方面,雖好過晒所有LX,但未及可換鏡嘅定焦鏡,因為冇可能set到20 1.7,25 1.4,所以都唔駛比咩散景,不過同變焦kit鏡比就真係難分難解,所以如果要求高質,都仲係要用返換鏡機款.
8.zoom得好慢,推掣都要兩秒先zoom完,轉環仲要轉好多先zoom 少少
9.Wifi傳相一般,用wfi direct detect唔到,要用網絡連線.
評價:
我係Lumix死硬粉絲,同時擁有LX3,GF1,GH3,GM1,LX100,所以以上部分係同其他系列去比較,(同埋加入老婆意見,因為主要係佢用)希望幫到大家選擇.今次係第一次擁有同一系列第二代,LX100比前5代有革命性改進,可以肯定唔會再用LX1-7(因為另一邊箱,每次GF一出反而令人更懷念GF1).佢第一次將M43 sensor放入compact相機,而且第一次用較復古操作,呢一部應該會是Lumix另一經典革命相機,問題只係要等待時間去證明.
各系列特色:(個人感覺)
LX:一部機攪掂晒,質素已好接近M43kit鏡
GF:最初出係高性能加細體積,但係依家兩者都冇晒,變左女性自拍神器
GX:取代GF高性能加細體積,而且型仔.
GM:最小體積做最多嘢,不過電量同外型最好做消閒相機.
GH:操作最就手,電量最好,用重鏡都好平衡.
G:細版GH,掣冇GH咁方便同咁型仔.,已好少見人用