Leica M-Monochrom Typ 246

評測報告

實拍照片

1) 黑白灰出得好: 雖然黑白後製係好平常，但如果想懶, 用相機直出黑白相已经有好效果，暫時全片幅恐怕得monochrom做得好。好多其他数碼相機出黑白有偏色問題，藍籃青青咁，見到就想delete。
2) Leica M鏡非常優質：用M機最好配返原廠M鏡，不是因為副廠鏡唔夠sharp，而係原廠Leica M镜立體感及層次超班，用monochrom 黑白更見分別。而且各大镜廠近年造鏡越出越大支，又重，但M镜細支得來有質素。
3) 當然不能不提 leica 造工精美。
4) Shutter 觸感及機械shutter 聲響剛好(好個人)，好實在，有使用滿足感，好怕某些無反扮shutter 聲。
5）外形靚仔又復古，全機無大大隻Leica logo字樣，低調中有一種雅緻。

比起現今功能齊備，盡善盡美嘅各大日本相機，Monochrom 功能上缺點多到唔想寫。而且機身連鏡價錢之高，可以以一換二甚至三套日本系统，所以真係要諗下是否適合自己。
不要誤會M機細部會輕d，質量伴隨重量，好似揸塊鐵影相，一機一鏡差不多1Kg。
總之如果你想有一套機用起嚟，快靚正又多功能，千祈咪搞 Leica M。
最低iso 320 而最快shutter 1/4000，大白天想用大光圈好易超出over。
Sensor 無除塵功能。

對於用了20年高性能單反轉用M機，我很難用一般使用心態去評價M機，仲要只影到黑白。但但但....電腦睇Monochrom 影嘅相係好開心，係個種深沉黑，豐富灰階，Leica镜帶出立體感，使整件事變得吸引及有別於其他系统。

1. 傳統M機身外型典雅
2. 直接拍攝黑白數碼影像, 毋需後製時受彩色像素偏色調校的影響
3. 黑白灰階豐富, 層次表現極佳
4. 隂暗低光源及高ISO下, 影像質素極優秀
5. 黑白拍片帶出復古懷舊感覺

1. 機身厚度及重量相比傳统菲林機身或M-10較厚及重, 但使用感覺亳無差異
2. 雖然未能支援 Leica Foto Apps 使用 WiFi 上傳相片的功能, 但可選用
FlashAir Wireless LAN SD 咭能夠上傳影像至流動電話

這是一部非常獨特的純拍攝黑白數碼影像的 M 機身, 尤其配用中古鏡頭去拍攝景物, 能夠充份發揮古老鏡頭的影像特質, 省卻將彩色變更黑白後製的時間, 收立竿見影之效! 同時又是拍攝愛好者重新回歸基本的光與影及黑白灰階, 可以藉此再加深對光線變化的觸覺及認知, 暫時從耀眼的色彩空間釋放出來, 進入更令人着迷的黑白影藝領域!