優點:
1.因為比A7Riii遲多半年推出,呢部A73各方面都比A7R3強或者一樣!!!就除左個廢芒同粒CMOS差幾皮.
2.呢部機真係集合左A9的速度同A7sii高感光GA大成!!
3.好多優點人地都講左,唔想太長氣!!
缺點:
1.個芒廢到令人懷疑人生,影風景下下都以為佢爆,但睇EVF先知無出事.
2.因為個芒太廢,所以拍片一定要HDMI外接芒.
3.因為個芒太廢,所影左相都唔敢比人睇芒,只敢比人瞄EVF
4.個Manual太反人類,中文譯得又差,要用長時間熟習.
5.小心D掣唔好太粗暴,D轉盤己經有卡卡地,掣又無左彈力.
6.影RAW點執都無所謂,影JPG直出見得人真係好挑戰.
7.如果由任何單反轉過來,要承受法蘭距縮短散景變弱既命運.
8.如果由Canon單反轉過來,要承受接環細左入光減少的現實.
9.記得要帶吹氣球,塊CMOS完全無遮無擋架!!
評價:
我係Nikon的忠粉,早早賣左部750留返部810孤軍作戰左一段日子,都未見750的後繼機出,見岩價就買部A73頂住先,諗住接環流頂一頂.
但第三代機真係咩野單反ga感覺都比到晒我,連閃光燈都可以用返Nikon的.
外接閃光燈買多粒S版引閃就得,真係無痛雙修,返唔到轉頭.
好多人問我A73同A7R3點揀好,其實而家呢兩部機價錢差三千幾唔夠四千.
呢兩部邊部都無咩錯,呢兩部機係完全唔同定位唔同用途,分開兩邊講.
拍片,打雀,舞台,運動,Event大量相,夜間抓拍,新聞...................A7m3
人像,日間風景,夜間腳架風景,影樓,產品,大合照.....................A7r3
細佬都係影相多,而家兩部機都有,唔同情況帶唔同機好合理.
但追開寛容度執慣36MP相.....A7r3有42MP執起來當然爽度一流.