Nikon Z6

評測報告

實拍照片

對焦反應快.
初初以為反MON係多餘, 原來勁實用, 最後變成經常用.
NIKON無反鏡頭, 質素高, 冇晒以往舊鏡果啲光斑之類既問題, 一步到位, 鏡係貴, 但佢集合晒所有最新技術同COATING於一身, 咁計就唔貴喇.
電量完全接受, 買咗兩粒原裝電, 最後實測每次影一日, 都未試過要換電.
SNAPBRIDGE WIFI過相終於可以揀原圖

背光果陣, 好多時辨識唔到人面.
人多擠迫既景點, 人面對焦係幾痛苦.
鏡頭惡過部機, 跟機支KIT鏡唔好當佢流, 解像度超越咗部機, 有少少唔平衡, 直上Z7就冇呢種唔協調既感覺.

買之前最頭痛既係, 罪大已經第三代, 第四代都嚟緊, 呢部先N記第一代, 好驚做白老鼠, 但一用落, 先知道係一步到位既完成品, 絕對唔係DEMO UNIT, 影小朋友既效能同成功率, 我試上手仲高過A7 III.
影小朋友除咗對焦反應要快, 其他功能一樣重要, SET好晒min. shutter speed, max. ISO, 全域人面對焦, 拎上手, 撳掣影相就得.
構圖比起以前既DSLR方便, 全域人面對焦, 根本識撳SHUTTER掣就影到靚相, 唔洗對完焦, 又移位又重新構圖, 一陣又要校測光, 你當佢傻瓜機就得, 因為乜都唔洗諗, 但佢係又高質, 又快既傻瓜機.
佢既功能同重量, 都可以令你既家庭日, 變得更輕鬆.

1. 一貫Nikon調色，顏色方面濃厚，寬容度高，色方面基本上唔洗後製，作為相機呢點確實最重要；
2. 5軸5級機身防震，用係AF-S或新鏡頭落到1/25快門都冇問題，本身冇VR既舊鏡都有唔錯表現；
3. S-Line鏡頭質素高，成象一流，35mm、85mm出黎靚到不等了，價錢或許比其他廠貴，但確實係一分錢一分貨；
4. 高ISO表現良好，相信好多用家都有同感；
5. 實體快門12fps連拍，快門震盪細、清脆利落，如果要追焦都仲有5.5fps，用連拍去追蹤Model及小動物剎那動作一流；
6. Time-lapse結束後會自動製成4K影片，幾方便同有玩味；
7. EVF非常清晰，冇lag；
8. 新操作系統易用，FN多自訂功能，Wifi過相落手機APP好穩定。

1. 面部、眼睛追焦有少少蠢，簡中會甩；
2. 峰值對焦有啲模糊，用手動鏡有啲辛苦，如果Nikon想留住舊鏡用家要改良下呢點；
3. 耗電量比較大，出去時一定要帶多粒電；
4. 新Nikkor Z鏡頭係靚，但尺寸同重量都比對手既笨重，作為無反係呢方面有點本未倒置；
5. EVF起動比較遲鈍。

其實Nikon既FF無反真係出得太遲，Z6作為Z系列既初代，其性能表現確實合格有餘，可以好放心去用，佢承傳左Nikon F系好多野，新加入既既操控模式都好易上手，而且機身既設計明顯下過功夫；不過比較失望既地方就係FTZ接環，好多人話Nikon遲遲唔出無反既原因係放棄超過半世紀既F mount代價太大，所以佢要留住舊鏡用家一定要係接環方面著手，但個FTZ做一半唔做一半，做到牛龜咁大個都只支援AF-S、AF-P既自動對焦，咁我寧願佢再做大個支援埋AF-D個摩打，如果Nikon既歷史資產係佢多年黎既鏡頭群，希望佢可以為舊鏡既用家諗多一步。

1 - ISO 12800輕鬆用,後期除Noise亦保留好多細節(相機Setting要較關閉-低)
2 - Mon夠大夠靚,EVF表現好好,基乎無延遲,極細緻
3 - 操控感非常好,反Mon、觸控menu及對焦點、機身按鈕集中右邊、自訂按鍵夠多, 其實Nikon機身操作一直都唔會令人失望
4 - 握把位夠深,放鬆拎都唔會跌
5 - 防塵防水滴級別同D850同級 (下面會再講)
6 - 對焦算快 , 但比唔上D850 及 D5
7 - 電量不錯 , 當然無得同單反比 , 但最多試過影922張 , 最少影5百幾 , 官方謙虛左好多
8 - 有Picture Control 玩 , 可以上網自己set profile風格檔再擺入相機(其他牌子未玩過唔知有無,當住Nikon 優點先)
9 - 新處理器同Sensor 畫質非常好,影風景好有立體感 (如用Ultra-wide 感覺更強烈)
10 - 拍片質素優異、4k無crop、10bit、後製空間極大 (呢方面會優勝於a73)
11 - 講拍片一定要講IBIS , 手持24mm基本上你慢慢行已經無問題 (IBIS感覺作用好過a73)

1 - 低光對焦唔算可靠, -3EV 唔多夠用 , 暗位會拉風箱
2 - XQD , 單卡唔係問題 , XQD本身比SD 可靠好多 , 問題係支援比較煩 , 又要另外插Card reader, 買多張又貴
3 - 3大廠同級別最貴 ( 但個人覺得值呢個價 )
4 - Z系鏡群未完整 , 要有耐性

6年前買第一部Nikon 單反 D7100 , 一切都唔錯 , 係有次出意外機身連鏡都爛晒 , 所以換機 , 但驚訝係快門同內置功能完全正常 , 真係好實淨

換機時遇上無反興起,同為APSC 所以轉會Fujifilm , 操控唔差 , 好有影相感覺 , 鏡頭質素好 , 發色吸引 , 如果非工作需要影小品生活相 , 首選會係富士。

等到Nikon終於生性出第一部FF無反機,反覆思索下重回Nikon 旗下
一上手所有感覺不變,操作依舊,握持感十足,紮實,你會覺得係一部陪到你去任何地方創作嘅相機 (個人認為Canon同Nikon係呢方面做得最好)

呢個夏天,香港發生咩事大家都明白,Z6 亦陪我走過大大小小場景,不論雨水定其他水,Z6 食完都無扭計,呢方面真係要大讚weather sealing 做得好好
當然我都錫機, 返去會抹乾淨吹乾放防潮箱 , 長用長有

最後呢篇心得係俾舊Nikon用戶 或者 1516唔知a73定Z6好嘅師兄姐睇
因為Nikon單反無反都用過 , 我會覺得Z系列係一個時代革新 , 於質素同攜帶性之間搵到出路 , 保持舊有優點 , 捨去以往缺點 , Nikon明白呢個係不能置身洪流以外嘅決定。

雖然Z系仍有不足 , 但作為Nikon 第一部FF無反 , 已經俾左好多信心用家 , 機身防震令舊有老鏡得以重生 , 55mm巨大接口同16mm極短法蘭距 , 令廠商造鏡 或 轉接環時有更大彈性 , 可見Nikon野心同展望

買機其實唔係睇優點有幾多 , 而係睇缺點自己接唔接受到 , 如果上述所講對您唔係問題 , 或者會適應到 , 咁就可以放心買 , 論質素同操作 , 唔會後悔。

6K超採樣4K VIDEO
12 bit Prores RAW格式輸出 (雖然要加錢)
好正既五軸防震，SPEC難睇到，要親手試
firmware3.1對焦功能勁左好多，有口罩對眼都完全無問題
EVF唔會似SONY AFC會變blur
XQD夠快，過相過片唔洗似SD卡咁痛苦
直出用video D-lighting拍片仲好過用slog拍

單卡

之前用A7iii，試完Z6跟本唔想再拎番隻sony
Z鏡係好痴線地靚，所以成個價性比係無敵，期待佢出二代機
D人仲係好傳統話sony先拍片靚,以前單反NIkon又實係差D既，但依家我用過A7iii同Z6 2部機，覺得nikon依家更加正,顏色又影處理，尤其防震同10bit,12bit輸出

1)功能齊全(如:多重曝光,間隔定時拍攝,微時短片及對焦移動拍攝等)。
2)升級到firmware 3.0後, 對焦及追焦功能快了不少。
3)影像質素十分之好(直出色彩還源十分之好)。
4)機身全日本制, 手感十分之好。而且電子觀景器及LCD十分之高質(相對其他品牌)。
5)機身防震十分出色。
6)電量超出自己所想像(每次都可影到過千張)。
7)可以說係手動鏡的萬能機。

1)只可用XQD咭(不過用過後十分快,特別係影爆120GB後用CARD READER過相去電腦。爽)
2)相機休眠後,起動時間較單反慢。
3)始終無反快門時滯不反單反。

Z6是一部十分全面及全能的相機。用了差不多大半年, 各方面都十分滿意。

1. 各家無反之中最大口徑, 最短法蘭距

2. 基於上述原因, 新鏡畫質因此非常高, 五軸防震也非常強 (試過你就知)

3. 可加錢升級 12bit ProRES RAW, 係真正實用既 12bit 4k 拍攝並無過熱問題, 亦無需再對住討厭的 log 色

4. 機身無 n-log 內錄? Nikon Z 配合全新算法既 D-lighting 拍片, 還需要 n-log 嗎? 還需要對住討厭的 log 色然後曝光估估下嗎?

5. XQD 很貴? 但同等速度既 SD 卡仲貴(如果有), XQD 過相落電腦快如閃電, 用過根本返吾到轉頭...仲SD???

6. 單卡吾穩陣? 1張 XQD 穩陣過兩張 SD, 信不信由你, 炒雙卡吾係無發生過

7. 內置 WIFI+藍芽過相功能, 其他廠沒有的, Nikon 獨家藍芽全時連接, 不但可以為相機無時無刻同步時間, 亦可以無時無刻過相(熄左部相機都仲可以繼續過相問你死未), 無需每次都要做 connect, 因為用了藍芽, 當連接手機時, 手機仍然可以繼續上網, 相片就在不知不覺間由你相機傳送到手機, 而手機亦可以設定即時將相片 upload 上 Nikon Image Space, 而你更可以即時 share 網上相簿連結比你既朋友/客戶, 家用專業用都非常一流!

8. 好多人以為佢電量吾係好夠, 其實真係好夠, 不過 z5 既新電就更加夠!

9. 機身輕, 用料靚, 手柄超好手感

10. z 系既顏色非常討好, 影人影景直出都已經好靚 (本人用了 canon 10年, 但在 z 上完全無辦法感受到前人成日講 nikon 影人顏色吾靚)

11. 非常方便既 3D tracking 功能

12. 非常出色既人面/人眼追蹤功能, 尤其是對住戴口罩既面孔, 都輕易認到眼睛, 對比 Canon R5, Sony A73/A9 等, 完勝呀

13. 不得不讚 Z系既對焦系統, 由FW 2.0 開始支援人眼到 3.0 進入完美狀態, 只需設定為全區域 + AF-C, 基本上你已經乜都吾洗做, 要人眼有人眼, 無人眼我又可以即刻 3D track....方便到吾知點形容

14. 內置強勁既 Timelapse 功能, 可直接生成片或相, 超正既 smooth exp 功能, 當用 a mode 拍攝 TL 時, 可以大大減少 flickering, 佢亦可以將個 mon 關掉, 非常省電!

15. 獨立拍片影相切換制, 拍片影相只需一啪就能輕快切換, 兩邊完全獨立 setting (吾明 sony 主打拍片為何要在轉盤做, 而且沒有獨立 setting)

16. Menu 設計合理亦非常人性化, 用了十年 canon 都可以即日上手, 但我用 sony 就用極都吾知自己做緊乜

17. Z mount sLine 1.8 系列超強定焦鏡頭群, 支支都非常出色, 比 1.4 輕, 但畫質卻高好多, 在輕量化年代, 此設定非常正確

1. z mount 鏡未夠齊,期待各焦段既 1.2, 1.8既仲有 105, 135, 長焦既仲有 100-400, 200-600
2. 單卡, 好多人都係好擔心, 明既, 你 z6s 出返雙卡吧!
3. Cmos 易入塵, 法蘭距做到咁短其實都有缺點, 如果要做到好似 EOSR 咁換鏡時有快門簾擋住d塵, 官方解釋話擔心用家會不小心於換鏡時鏡尾撞到快門簾就會即刻炒粉
4. 如果有得做埋直度反 mon 就更完美了

使用剛好一年, 第一次用 Nikon, 從來未試過咁滿意一部機