Nikon Z6

評測報告

實拍照片

1. 一貫Nikon調色，顏色方面濃厚，寬容度高，色方面基本上唔洗後製，作為相機呢點確實最重要；
2. 5軸5級機身防震，用係AF-S或新鏡頭落到1/25快門都冇問題，本身冇VR既舊鏡都有唔錯表現；
3. S-Line鏡頭質素高，成象一流，35mm、85mm出黎靚到不等了，價錢或許比其他廠貴，但確實係一分錢一分貨；
4. 高ISO表現良好，相信好多用家都有同感；
5. 實體快門12fps連拍，快門震盪細、清脆利落，如果要追焦都仲有5.5fps，用連拍去追蹤Model及小動物剎那動作一流；
6. Time-lapse結束後會自動製成4K影片，幾方便同有玩味；
7. EVF非常清晰，冇lag；
8. 新操作系統易用，FN多自訂功能，Wifi過相落手機APP好穩定。

1. 面部、眼睛追焦有少少蠢，簡中會甩；
2. 峰值對焦有啲模糊，用手動鏡有啲辛苦，如果Nikon想留住舊鏡用家要改良下呢點；
3. 耗電量比較大，出去時一定要帶多粒電；
4. 新Nikkor Z鏡頭係靚，但尺寸同重量都比對手既笨重，作為無反係呢方面有點本未倒置；
5. EVF起動比較遲鈍。

其實Nikon既FF無反真係出得太遲，Z6作為Z系列既初代，其性能表現確實合格有餘，可以好放心去用，佢承傳左Nikon F系好多野，新加入既既操控模式都好易上手，而且機身既設計明顯下過功夫；不過比較失望既地方就係FTZ接環，好多人話Nikon遲遲唔出無反既原因係放棄超過半世紀既F mount代價太大，所以佢要留住舊鏡用家一定要係接環方面著手，但個FTZ做一半唔做一半，做到牛龜咁大個都只支援AF-S、AF-P既自動對焦，咁我寧願佢再做大個支援埋AF-D個摩打，如果Nikon既歷史資產係佢多年黎既鏡頭群，希望佢可以為舊鏡既用家諗多一步。

Nikon Z6推薦10大理由:

1.Nikon首台無反光鏡單眼相機，給一個Nikon忠實愛好者更換系統又不想更換信仰的理由。
2.機身相較於單眼相機輕巧，更適合外出攜帶。
3.官方也主打Nikon Z6是給風景攝影愛好者的首選，出門/出國旅遊不用再扛一堆很重的鏡頭。
4.整體外觀質感很好，和隔壁棚的Sony A7III系列還是有很明顯的差異。
5.按鈕配置與操作承襲Nikon單眼的設計，古董級玩家不用擔心適應的問題。
6.截至目前發表的S鏡，整體評價都比F接環的鏡頭表現好。
7.已經在2019年5月發表的眼部偵測對焦(Eye AF)，以及後續可能會陸續更新的新韌體功能(?，讓Z系列更強大。
8.很適合喜歡攝影（錄影）的愛好者作為工作機使用。
9.可以讓使用者自定義的寬容性很大，即使是原本使用D750的用戶，也有明顯升級的感受。
10.握感依舊很好，單手拿在手上也很合適。

Z6優於D750的地方不少，但Z6仍有些許不及D750的地方，像是支援AF-D這類的手動鏡，Z6完全不支援，如果原本家中有大量手動鏡的玩家可能會是不會入手的主要原因。另外，Z6因為主要是用顯示器進行構圖與取景，即便與D750使用相同的電池，但電池續航力卻可明顯感受不足，基本上出門一整天還是需要額外準備備用電池比較不會有電池耗盡的窘境。

- 12 fps連拍爽快，沒有黑畫面延遲，2450萬象數 令可一直連拍的張數有差不多50張，XQD寫入及清相機buffer 都快；

- 雖說對焦點比 z7 少，但我覺得夠用，重點是同樣有90%覆蓋畫面；

- 用 F-mount 鏡對焦速度有 DLSR 9成以上；

- 金屬機身造工紮實，手柄大小適中，四隻手指能舒服地抓實機身，而半隻手指尾則放在近機底位置；

- 按鈕編排集中在右手邊，位置適中，四隻手指負責的位置皆有特定功能，可以單手操作及拍攝。而拍片按鈕，控制杆中央，Fn1，Fn2 皆可自己設定功能，因此我已將測光模式，AE-L，白平衡，Picture Control 設置於這些按鈕，即是將所有在單反常用的功能完美地由左至右融合。左邊的轉盤除可設定 M，A，S，P，還有三個用戶特定的拍攝設定，相對以往單反的拍攝選單庫，用戶設定庫，我覺得這個在機頂轉盤的設定比較方便；

- 電子觀景器清晰明亮，顏色自然，更新率高，取景舒服，只有使用長焦鏡而又快速Pan鏡時會有少少延遲，我覺得可以接受。當單手操作熟練時，可以直接在觀景器來調教setting，而不需要將機身放下。我在電子觀景器內設定好測光模式，曝光設置，光圈景深後，所見即所拍！感覺跟以往單反的 live view 不同，就算設定好，拍出來的相片總是有點不同；

- 電量平均可以拍攝六百多（用FTZ＋F-mount 鏡）；

- 無線傳輸可以連接手機或電腦，傳輸穩定及快速！如連接手機，可以在過相時將相機在關機的狀態下繼續連接，完成後真正自動關機，非常方便及慳電，滿意！

6K超採樣4K VIDEO
12 bit Prores RAW格式輸出 (雖然要加錢)
好正既五軸防震，SPEC難睇到，要親手試
firmware3.1對焦功能勁左好多，有口罩對眼都完全無問題
EVF唔會似SONY AFC會變blur
XQD夠快，過相過片唔洗似SD卡咁痛苦
直出用video D-lighting拍片仲好過用slog拍

單卡

之前用A7iii，試完Z6跟本唔想再拎番隻sony
Z鏡係好痴線地靚，所以成個價性比係無敵，期待佢出二代機
D人仲係好傳統話sony先拍片靚,以前單反NIkon又實係差D既，但依家我用過A7iii同Z6 2部機，覺得nikon依家更加正,顏色又影處理，尤其防震同10bit,12bit輸出

一出用到而家，優點好多：

1.好輕，淨機身真係好輕
2.手感扎實,無膠膠地既感覺
3.防震勁（比起Sony A7III 完全係兩個級數）
4.EVF 真係好清，同埋無Delay(郁左郁右唔會有扯住去既感覺）
5.Mon 靚同色準，基本上影完過落iphone 度，d 色係一樣，唔洗好似A7 III 估估下
6.用iphone 過相好快，不過壓縮到好細，所以如果你想原圖，建議用Basic ,3MB 一張度，1秒1張
7.防水勁，試過淋住雨影都無問題，不過最好用熱靴蓋擋住接點位
8.口徑大，就算係用4光圈既鏡頭，個散景會比之前用單反再Blur d
9.好揸手，個手把夠深，不過如果想再好d, 加個皮套連底座，就可以連手指尾都抓實
10.細節位做得好，d 制好實用，而且可以自定
11.自動白平衡好準，仲要有幾個選擇，睇你想保留氣氛定要白淨d, 另外自定白平衡有6個，轉換超方便。
12.選單清楚簡單，就算岩岩上手都唔會難用
13.XQD 卡 (雖然好鬼貴，但係好鬼快，15GB既相，2分鐘內過完搞掂）
14.拍片畫質極好，就算係1080,佢比起A7iii 都係再清d
而且外錄仲有10bit 色，岩哂後期用，防震更加令拍片如虎添翼，拍屋企人同小朋友一流
15.影相/拍片 轉換快，一隻手指搞掂
16. F4光圈鏡頭細又輕，定焦鏡高質，價錢合理
17. 色水變左似Canon, 靚左好多

當然亦都有缺點：

1.單卡槽（好多人都嘈呢樣野，不過睇過好多外國既討論，通常係因為用左D800 黑色粒電，令到部機讀入有時會出問題，但我一出用到而家感覺都好可靠）

2.AFC 追焦能力爭dd, 佢其實已經好快，如果唔係影高速，變化大既野，一般都應付自如，始終呢部係第一代Nikon 無反

3.手把位d 皮易爛，聽聞係用環保皮，所以容易磨爛，尤其個凹位，指界會抓爛

4.無個快速鍵 lock 實個Setting, 以前用單反，一個制就可以lock 到，但佢要入選單搞，唔方便

5.格線有個小問題，d 格線係白色，當畫面係白色或淺色或強光下就好難對d 格線，以前用5d mark IV, 半按一下，佢會變紅色一下，俾你睇清楚再變番白色，但呢部半按時都係白色

其他暫時未諗到，但優點實在太多

其實我本身係Canon 用家，用左10年單反，
由Canon 30D 用起
曾經轉過去Nikon ,D200,D300,
結果體驗好差，顏色青，影人唔掂，用左一年頂唔順轉番Canon,最近一部係5D MARK IV
除左重，其實所有功能都唔錯，
但係近年無反越來越勁，
最迫使我轉無反係因為個對焦，
單反就算旗艦級，都對唔到邊位，
無反係差不多全覆蓋，你可以揀定對焦點再影，變相你係諗定個構圖就直接禁制，直覺好多

另一樣就係重量，實在差太多，拎出街無負擔，一個袋可以裝哂一機4鏡無難度

於是我就開始諗定買邊部無反好，
最初Nikon 發佈Z6, 我係一 d 都唔感興趣
點解，因為價錢偏貴，單卡槽，電量官方話300張相，種種都令我卻步，差唔多既規格，A7III 平$3000, 仲要雙卡，都9 成買硬A7III

直到買之前幾日，有個朋友買左Nikon Z6 ，俾我試玩，完全改觀
可以睇番上面我講果d 優點，
其實佢粒電 最少都影到700張，我係勁preview d 相，長開防震，唔知點解Nikon 咁保守寫300張
外國有人影左1500張先無電
另一樣野就係防震，勁痴線，最慢1/5 快門都hold 到，影死物或影景一流，
仲有d 色水靚左好多，影人已經無以前果種蠟黃，青青地既感覺
個mon 同 evf , 十分出色，個mon 個靈敏度好好，你篤邊度，佢都好準反應出黎，顏色精準，
用過A7III一陣, 最大問題係MON 唔準，曝光好難睇，
你以為無爆光，返到屋企爆哂，你以為準色，原來A7iii 個mon 偏色，激死，你如果做野，俾個客睇，佢會覺得個mon 係咪有問題😂
同埋A7 III FING 左 FING 右， 係會少少扯住去，DELAY 感覺，呢樣係令我由原本想買A7III 變左買Nikon z6 既原因
呢部機一出用到而家，好鐘意，唔係完美，
但已經好好，你會想日日帶佢出街
暫時分享係咁多先😁

1)功能齊全(如:多重曝光,間隔定時拍攝,微時短片及對焦移動拍攝等)。
2)升級到firmware 3.0後, 對焦及追焦功能快了不少。
3)影像質素十分之好(直出色彩還源十分之好)。
4)機身全日本制, 手感十分之好。而且電子觀景器及LCD十分之高質(相對其他品牌)。
5)機身防震十分出色。
6)電量超出自己所想像(每次都可影到過千張)。
7)可以說係手動鏡的萬能機。

1)只可用XQD咭(不過用過後十分快,特別係影爆120GB後用CARD READER過相去電腦。爽)
2)相機休眠後,起動時間較單反慢。
3)始終無反快門時滯不反單反。

Z6是一部十分全面及全能的相機。用了差不多大半年, 各方面都十分滿意。

1-高iso可隨便用
2-高速連拍一秒12張raw
3-機身輕巧紮實、made in Japan
4-機身有好強防手震，可用舊鏡更勝一籌
5-也有峰值對焦， 手動老鏡更勝一籌
6-新Z接環入光更多冇得輸
7-對焦快狠準

1-張咭貴
2-我本身用開D5，Z6影完回電係慢單返小小
3-電量麻麻，一電量大约500、600張，同D5叉好遠
4-鏡頭未算齊要慢慢等
5-原創nikon轉接環樣衰

我本身用的Nikon D5 。近日5月份Z6減價價錢真係好吸引， 入手一部玩下。Z6 iso 控制得非常之好，可勝D5。 這個價錢，高速連拍同D5有得揮， 係拍攝完回電始終慢D5多少。 但係明白的始終係無反， 可以換來輕巧裝備。 如果大家想要一部高iso高速連拍嘅相機可以推薦這一部Z6給大家