Fujifilm X-S10

評測報告

實拍照片

師兄幾乎講晒～

- 機身顏色無得選擇
- 電量和我以前部a7rii 差不多倒水，如果悠閒影，兩粒電影全日剛剛好，我剛剛在一個event 不停按快門影，2.5 小時後原來我影了2500 張，電還有大約其中一粒60-70%

- iso2500 和3200 是一個重要分水嶺，2500 能呈現深色高contrast線條，低contrast 線條也能保留，3200 雖然noise level 唔太高，但高contrast 線條明顯變淡，低contrast的會消失，因此純粹社交媒體分享，iso4000-5000 都ok，如果要有micro-contrast立體感，不能超過2500

- 單次影相每次儲存都要1-2秒時間save，少少慢，但佢可以比返清晰呢個選項比你輕微再將contrast加強而明亮少許，我一般平時用低速每秒3.0 連拍用，因為影完一張馬上可以影下一張，不過無左清晰度調校，如果用高速5.0 或以上，有時快門按重手少少會一連影2-3 張，3.0 is my best

- 以apsc 來說，我覺得色彩和contrast 的確比full frame 如sony 系列好，黑色contrast 層次感係可以有更高要求，我試過用canon 55-250 stm 於a7rii 和x-s10，以前sony時代覺得支鏡幾sharp顏色都算ok，但一放落x-s10和fuji 靚鏡如60 f2.4比較，就發覺點解55-250 stm咁淡色和低contrast 既？好可能就係呢個CMOS 對鏡頭有更高要求， 如果純粹計noise level，我覺得和sony a7ii 差不多

- 機身操控反應的確遠比sony a 系優勝，用家體驗到爽而又能多樣操控的感覺

- 鏡頭群可接受，但一些副廠出色的新鏡都只給了sony而沒有x mount

- HDR 唔知點解，部部牌子機都要拍3張，當環境快速移動這會造成一定鬼影，但手機已經可以做到拍一張就搞掂，歷年來我只用過panasonic 傻瓜機以及聞說samsung nx500 可以做到拍一張出到好理想HDR….我覺得手機如此重視和優化呢個功能，點解相機反而漠視？

- apsc $6000 既機有初階full frame水準，當然還是值得5粒星

1) 解放自家及其他中遠古定焦鏡
2) 解放埋支16-55
3) 有防震唔係重點，係有防震得棃同部xt雙位數差唔多大先係重點
4) 一般size嘅手 , 都唔使再外置一啲配件已經好好揸手
5) 呢個都係重點 ， 就算放埋支16 55上去， 其實都未至於夾手指， 仲有位淨

雖然我明白富士呢部機嘅設計係走緊另外一條路線， 但係我覺得佢iso同Q掣個擺位， 設計都未夠好， 啱啱用都要摸幾摸先搵到個掣

設計上好似比XT雙位數機仲簡單咗

古語有云 燒鵝嘅價錢鮑魚嘅味道 ， 愛嚟形容一件貨物非常之抵 ， 用呢句說話黎形容X-S10， 冇話唔得嘅， 不過隻鮑魚就唔係靚鮑魚， 係普通鮑魚囉 😅

都係嗰句， 明白富士設計呢部機係想走返少少科技化嘅路線， 但係佢科技化得棃佢可以用嘅掣實在太少， 感覺比我部xt20中簡約咗啲…… 所以有人話呢部機嘅定位系響X-TX與X-TXX 之間, 我就唔係咁同意

要走返update少少嘅路線 , 但係部機又得咁少掣…… 仲要個內置模式cut到得番四個 , 感覺個定位上都低過部xt20

總之就係兩頭唔到岸 ， 尷尷尬尬咁囉

作為xt3嘅持有者 ， 見到xt4發佈 ，一直觀望到而家都冇入手， 原因係可能放咗部xt3入部xt4， 只係需要補幾千蚊， 但係花嗰幾千蚊只係買個防震究竟值唔值？🤔
仲要買過啲新電😑



係諗下諗下又等下等嘅時候， 居然畀我等到呢部XS10， 只係考慮咗幾日我就決定入手， 因為自己手頭上有好多舊菲林鏡，又有 speedbooster ,仲有支16 55， 有呢部防震機身就可以解放曬嗰啲鏡頭

同埋比起xt3嚟講呢部機係輕啲 , 不過配支1655都仲係重😅

總括嚟講咁樣嘅價錢 , 咁樣嘅工能嘅相機我個人係接受嘅 ， 但係部機嘅設計嚟講仲有少少高不成低不就囉， 如果唔係真係有ibis我就覺得佢個定位係真係會低過XT雙位數

總括嚟講: xt3喺我心目中仍然係強大嘅 ， 但係佢嘅功能我用唔盡， 所以我入手咗xs10呢部機 , 純個人角度嚟講 , 雖然機種上係降級 , 但係使用上係升級

總括嚟講小弟就抱中性態度啦
如果呢部幾多返啲制令到用起上嚟可以在方便啲嘅話我會更加推薦

-細部, 輕.
-相片色系獨特, 好有風格, 人地一睇就知係富士機影既相.
-富士復古外型, 好吸引
-操作好大自由度, 尤其係相片風格可以任set, 感覺好似半個photoshop功能已經內置左係部機度. (下面我會有setting 建議)
-內置IBIS防震 (下面會講詳細用途)
-高ISO可用 (我覺得3200多用冇壞, 6400都OK但少用, 再高ISO就唔好用, 但APSC機做到咁, 算係勁)
-有扭mon (下面詳細講.)

-其實, 唔算平 (當然對比XT4, 佢畫質有85%功力, 但價錢平一大節, 有比較之下, 才會覺得XS10平.)
-Wifi連得唔算快, 如果影完相心急share上網, 建議選擇少D相, 因為有排等.
-有富士外型, 但冇富士操控
-動態對焦同靜態對焦要分開使用, 不能一招打天下 (下面詳細講)
-電池用得快? (唔怕, 我唔帶尿袋, 一粒電可以用一日有餘, 下面詳細講)
-冇色可選, 只有黑色(但可以解決, 下面詳細講.)

XS10, 我敢講係富士直至2020年12月為止既最新科技都放晒落呢部機度, 呢一部機可以話總結富士科技既一個timeline. 2021可能會再開發其他更新技術…

本人由EOSM50轉用富士, 之前用左XT30兩個月, 最後忍唔住換XS10.

感覺XS10外型好似肥仔左既EOSM50, 有扭mon, 有手握, 又EVF.
當然XS10比EOSM50好處多好多, 例如有五軸防震, 一秒20張連拍, 兩個獨立轉盤全手動操作, 等等.

內置IBIS的應用:
我係XT30評論講過話內置IBIS冇乜用, 但我今日要收返. 尤其你用細光圈鏡頭時(例如15-45 f/3.5-5.6 或 16-80 f/4), 黃昏或者晚上街燈環境影相, 內置IBIS直頭係救左你一命. 我試過用f/3.5, ISO1600, 個快門可以放膽set到1/4秒都不捉為懼.
(條數係咁計, 5級防震可以抵消 2^5快門震動, 即是抵消32倍快門震動, 即是如果正常用家, 佢既安全快門係1/60s, 理論上同一個人拿著有5級防震既機, 安全快門可以升至32x1/60s = 0.53s). 所以內置IBIS對低光拍照大大有幫助.
至於內置IBIS對於拍片有冇幫助呢. 一定有啦. 本來落腳架拍片, 而家可以帶少支腳架出街, 改為手持相片定點拍片. (但強調只是定點拍片…)
手持相機Plan鏡都冇問題既.
不過如果你似住部機有內置IBIS, 諗住可以當gopro咁樣邊行邊拍, 追住個主角去拍, 咁你可能會失望, 因為內置IBIS唔太滿足到邊行邊拍. 我試過, 效果仍然睇到頭暈.
如果你真係想追住個主角去邊行邊拍, 我有兩個建議:
1. 加三軸云台, 我試過, 好smooth. (我用智云weebill, 平,靚,正,輕)
2. 改用gopro.

富士獨有色系, 以及多種菲林特效, 令到用家可以建立自己個人色系去影相, 而減少好多後製時間.
我其實仲有玩canon機, 我仲有部全片幅既EosRP, 我試過跟住我部XS10去set同樣白平衡, 同樣既色彩座標. 影出來都唔係富士果種感覺, 富士就係富士, 冇得取代.
我都參考過一D網上建議, 我覺得set做日系淡奶油風格會較為適合自己. Link如下, 有興趣可以跟住set:
https://www.youtube.com/watch?v=6PU9Kbi-x4Y&t=244s
因為部機有4個自定風格任你用, 所以我自己已經set左三個.
又例如我會base on 以上日系風格, 自己再調高色彩, 再係色彩座標推高一格紅色, 去大棠影紅葉, 會更紅, 但又唔會覺得誇張, 效果好自然. (起碼唔會好似上網成日睇到人地後製到人臉同紅葉一樣紅既唔自然效果.)

擁有了XS10 + 15-45mm鏡頭, 還需要什麼鏡呢? 我唔中意換鏡, 我中意半天涯鏡, 16-80 f/4係我下一枝想買既鏡. 包攬晒我95%既題材.
再需唔需要大光圈鏡呢? 見但見智. 我會建議FUJINON XF 35mm F2 R WR

另外, XS10動態對焦同靜態對焦要分開使用.
我用開canon, 例如我部EosRP, 我會長期用servo對焦(如果電力充足情況之下), 因為EosRP係雙像素對焦, 其實已經好出色, 半按對好左焦之後, 個對焦格仔仍然跟住主體, 靜態主體唔動, 對焦格仔lock到實一實, 一齊唔動. 以上係EosRP既情況…
但如果XS10動態對焦來影靜態野, 又係點樣一回事呢? 我影靜態野, 如果用動態對焦, 半按快門後, 部機本來已經對好焦, 但又不停咁樣focus前focus後, 焦點前後前後咁樣不停跳動, 唔穩定. 最後快門完全按下去… 結果有機會out focus左… 頂!!!
所以, 受到呢次教訓後, 我會將XS10長期set做靜態對焦, 真係影移動中物件時先使用動態對焦. 唔似得我用EosRP, servo對焦直頭可以掛機用.

電池用得快? (唔怕, 我唔帶尿袋, 一粒電可以用一日有餘)
好簡單, 唔算係乜野秘訣, 用EVF咪得law…
經過我多次出街拍野/行山等等既活動, 經驗話比我知XS10用EVF影相真係省電過用mon影相好多.
我用mon影相, 只會高低炒, 或者無可避免一定要用mon拍既角度, 我先會睇mon影相. 其餘所有時間, 我都係反埋個mon, 用EVF.
不過如果你又要影相又要拍片, 咁你一定要帶尿袋/備用電池啦…

有扭mon (扭mon好過反mon, canon首先係無反m50改用扭mon, 結果m50銷量大增, 而家sony都開始改用扭mon, 某些品牌, 開埋名都唔驚, 例如nikon有唔錯既機動性能既無反推出, 但打死都唔中意用扭mon, 吹咩?! 註定玩讓賽.) 扭mon, 功能就好似周星馳破壞王果套戲-台拳道主將咁, “可以係不可思議既角度踢中對方.”
有幾不可思議? 無論打樣打直都可以高炒低炒, 點舞佢都得.

部機得黑色?
睇睇下面條link:
https://item.taobao.com/item.htm?spm=a1z09.2.0.0.67122e8duUimfI&id=630402061276&_u=nh0sf3c86f
市面上好多呢種相機貼紙, 好處是平($100之內), 唔易甩, 仲多左個保護作用, 顏色自己選, 我就選左深灰間條色. 成部XS10個look文青左D…

以上全是本人用左XS10幾個星期既心德, 大家如果有唔同意, 可以私信通知.

有機身防震
手柄位非常好
多角度反Mon
有內置閃燈
設計適合轉會用家

外型欠缺富士傳統復古味道
電池用W126S，續航力一般
Film recipe由7個(C1至C7)減至4個
只有黑色機身(希望日後會出碳灰或銀色)

期待已久，終於等到一部機身較輕而有防震的機身。防震不是萬能，但有一定好過無，可將(無防震功能)鏡頭發揮得更好。
手柄位真是非常合手形，長時間手持亦感舒適。
反MON一改以往中階機的設計，在創意角度拍攝時更方便。
機身設計一洗傳統富士復古味，適合轉會過來的新用家，但相信會令一眾忠實富士用家失望，或者富士是想吸引其他新用家吧。
電池續航力一般，試過在一個景點影了兩小時後只餘10%電量，若是長時間使用就要準備定後備電池或充電袋。
個人喜歡用富士，就是喜歡有多種模擬底片而且易於設定，而本機有齊各種底片模式選擇，一流！過往都會用滿7個的個人設定(C1-C7)，可是本機現在只有4個，真是多了限制。
作為舊的富士用家，起初用起來真是有點不習慣。沒有了快門機頂扭盤、沒有了機身前的S/C/M按鈕、沒有了機頂的曝光補償轉盤，換來的是新一代的富士設計。是好是壞，就讓大家來決定。
對於忠實富士迷而言，這部機的外型可能會令人卻步。
但對於追求實用的用家，必然值得一試！

對比XH1
1.耗電有改善,唔似XH1 倒水
2.對焦快左,眼追焦咬得緊同準左
3.更多預設picture style
4.輕便
5.側反mon (買機一大主因)
6.操作靈活左

對比XH1
1.略貴,當初買XH1有優惠 連直到 3電都係 8千中,呢部淨機已經近8000
2.高ISO 同 顏色 處理反而無 x-tran 3塊cmos好
3.同Iphone一樣無跟充電器?
4.外形無咁復古

之前用開xt-10 同埋 xh1, xs-10 個反mon對構圖係方便左,轉盤同機背按鈕執哂位,但操控上感覺更靈活.對焦上亦相對算快同咬得準,唯一比較失望係對比xt10同xh1 後,發現相片既Iso . 顏色 演算處理反而無舊既x-tran cmos 做得好,失去左原有轉會fuji希望能夠簡單出JPG相既追求.

平
輕
有防震
個grip好渣

冇WR
電弱
EVF唔靚

中完XT4伏後，Fuji終於出到件好野。
鎂合金屬機身，個grip好渣，配xf18-55一流，但插紅圈會嚴重頭重腳輕。對焦就不過不失啦，同Sony比都係輸幾條街，影動態10幅中7幅啦（Sony10幅中10幅）
富士通病係拍video對焦唔可靠，成日認唔到人眼，如果戴眼鏡會仲衰，有時拍景仲會不斷咁對 不斷咁失焦，所以拍video都係乖乖地用返MF啦。7千幾算係咁，但富士鏡貴，我係講等效，如果你地忽略等效 咁不如話電話個鏡頭啦，好多都係1.8光圈，唔通電話支鏡個光圈可以同FF鏡支光圈比咩。
用落冇投訴，但可惜我最近要用到拍video個AF，玩多一排會放部機，到時可以睇返我係二手買賣啲post.