某一日比一班魔鬼同事引誘買左架雙星牌TT01遙控車,自己第一次玩,一手一腳由組合至噴油及貼紙,完成左之後真係幾有滿足感,當完成左之後,第一時間就係想幫愛車影一影相留為紀念啦,因為自己都知道裝好車後就係要拿出去同班友仔來一場火拼時速,架車分分鐘不似車形架嘛,好啦,要開始影,因為自己好好好懶,唔想出街搵靚景,咁就唯有係屋企影啦,係小小既空間點影好呢,沒背景,地方又唔大...咁我就用左支大光圈鏡,用散鏡代替無聊既家居背景,就好似下圖咁盡量突出車身美好的一面,HAHA
咁之後又覺得D燈光有D悶,咁我就開左幾支燈仔,落支腳架又影一影,好似下圖咁氣勢即刻好似唔同晒,唔知你地覺唔覺呢=0=
影都沒乜靈感.....突然間俾我發覺自己屋企有一個得天獨厚既地方,就係我既地板係磁磚地板,可以反光,咁我就諗到.....如下圖..
WO....第一眼自己睇到仲以為真既一樣,嘿嘿
最後,點都要影番張全身相,模型車始終都係模型車( Ps.下次我會影番次真車留念下 :P )
飄移好難影呀,屋企影唔到呀,要拿出街先得啦