[ive995]

師兄們，小弟第一次去紅館陪人睇演唱會，有朋友幫買飛買到第五行，但我唔係好識，因聽聞前面會加行數....想問問實際距離有幾遠呢??
因為個距離問題，所以都唔知帶7D去好定5DM2去好???
另想請教有無人試過用日光ISO1600隻菲林去影過演唱會@@?? 成功率高唔高呢??

[bananawong]

帶乜鬼，比d食蕉見到就趕埋你走！個到唔準影相架啦...要影就要預先同主辦單位申請.....要囉牌架.....好Q煩....

[投名狀]

邊個話睇演唱會唔俾影相?! 我已經影過好多次, 仲次次帶埋單腳入去...

[twp9584]

我見很多人係咁影都冇人理

[william_lau]

香港歌手的演唱會係可以影相的，只係唔準拍video。

第一行前面會再有ABCDE行，Row A先係真正第一行，但個英文字去到邊先輪到row 1就真係個個演唱會唔同。你預你的第五行其實係第十至十二行左右啦。

[hizaku]

5DII better. It has better noise control over 7D.

[kaffee]

大部份演唱會都比影相的. 我只有試過一次學友唔比影.

不過最怕 D 人唔識影 ---> 落 flash. 一來冇意思, 二來會好影響台上的表演者.

第五行 ... 三面台, 四面台, 有啡色, 都有好大分別. 5D 會好少少. 至少要有 200mm 先可以有大頭相. 如果要影晒個台, 就要帶多支鏡.

以前高 ISO 唔得時就會落腳, 但依家 ISO1600 都好靚, 我唔會落腳 lu.

[春田花]

演唱會地點主要有灣仔新伊館、灣仔會展、紅館同機場傍邊既博覽館。我無去過灣仔會展，其餘三個館只有紅館係影相最free，開場前你會聽到廣播唔可以拍片，拍照的話只係話唔好用閃燈；博覽館最嚴，有可能要求你寄存相機，完場後去領回；伊館會有工作人員勸阻你唔好影相。另外亦關乎主辦單位，外國既歌手同Band絕大多數都禁止觀眾影相，例如上兩星期在博覽館辧既安全地帶演唱會，當然會有漏網之魚，睇下你好唔好彩同臉皮夠唔夠厚。

紅館坐最前幾行用70-200mm已經夠用 (full frame計)，半身相就要300mm，單腳架係必需，有IS都好，此終係影幾個鐘，你試下舉三個鐘2Kg啞鈴就知道。

[ive995]

唔該晒師兄們，睇黎都係帶埋單腳架穩陣.......