[hlcmarco]

我已從西藏平安返港.
相片已整理妥當,並已放上Facebook內.
因為受到每本相簿相片的數量限制於最多200幅,所以劃分為九本相簿,每天一本.
故此,西藏九天遊_第一天至第九天(總數為1,327幅相片,當然有啲相簿係唔夠200幅啦.)
其實真正拍攝總數當然係不止之數啦.

都係唔鍾意放相上討論區,故各位師兄、師姐,

不 論 是 敵 是 友,

只要曾經有回覆過我在海螺溝旅行或西藏旅行的出貼者,
如蒙不棄,想睇下我啲粗製濫造嘅旅行生活相片的話,
可以給我訊息,內附上個人真實電郵地址,

免 費 電 郵 地 址 則 恕 不 接 受.

皆可收到我以真實電郵地址回覆,內附上9個Facebook相簿的連結,就可以直接到我的Facebook睇相.

希望各位師兄、師姐抱著平常心,唔好抱太高期望,相片只是普通旅行生活相,
平淡如水,絕對沒有半點令人驚喜之作.
預先聲明,不喜勿插.

在討論區的師兄、師姐,恕本人由於Facebook內,有太多個人及家人朋友的相片,
故不便加入各位師兄、師姐做朋友,懇請見諒!

至於眾多塘邊鶴和唯讀光碟機,則要再等下一次機會了.
至於臨急抱佛腳,立即回覆此貼者,亦要再等下一次機會了.

==================================================================================
去完西藏回來,頗有感觸.人的生存意義,確實值得我再重新去衡量及反思.
其實全個行程的評價,是:美景在途上;並不在景點.
少許高原效應,令我疲乏不堪,很累,至今還在適應之中.
政治氣份太濃,局勢令人不安,有點乏味.

一生人,曾經可以到過青藏高原一次,飽覽未曾想像過世上可以有如此的風光,確實不枉此生.
我會否再去,則要三思再三思了.

曾踏足過海拔五千公尺以上的岡巴拉山口,目睹羊卓雍措之美,總算不負此行.
五千公尺有幾高?你可以想想,以一樓層三公尺去計算,即係可以身處1,667樓的高度上.
全港最高的山峰大帽山只是957米,亦即是大帽山的五倍高度以上,
空氣稀薄,稍為行快一點,個頭立即就痛,呼吸亦見困難.
可能由於我背囊負磅的關係,一機,三鏡,一外閃,一部DC,一個潛水殼及小量必備品.

今回其實唔應該帶部D3s去,應該帶部D90,唔好加直度就會更好一點.
支24-70mm f/2.8都唔應該帶,應該帶支18-105重會舒服一點.
如果有支18-200,就真係帶一支算數好過.
真係好重,加上高原缺氧,拎得特別辛苦.

帶一機,要經常換鏡,好煩,心諗如果帶三機去就唔使咁麻煩,但係諗一層,真係隨時有生命危險.
反而部S90就真係好好用,記得要配潛水殼,在第八天晚上去成都寬窄巷子,
又黑,又下著大雨,幸好我素來有兩手準備,在大雨中拍攝,別有一番樂趣,切記帶多兩三包TEMPO紙巾喺身.
唔係用嚟抹身,而係用嚟抹潛水殼的鏡頭膠片.
唔好帶雨傘,但要帶雨衣,方便拍攝.

很累,還未適應過來,今晚要返夜,總之我收到訊息後,會儘快回覆,不再多寫,就此擱筆.

[hlcmarco]

西藏九天遊_第一天至第九天(總數為1,327幅相片)

110521_西藏九天遊_第一天_香港至成都熊貓基地(122幅相片)

110522_西藏九天遊_第二天_成都至青海省塔爾寺(101幅相片)

110523_西藏九天遊_第三天_西寧至青海湖(103幅相片)

110524_西藏九天遊_第四天_西寧清真寺至青藏列車(200幅相片)

110525_西藏九天遊_第五天_青藏高原至西藏拉薩市(200幅相片)

110526_西藏九天遊_第六天_布達拉宮和大昭寺(200幅相片)

110527_西藏九天遊_第七天_岡巴拉山口看羊卓雍措(200幅相片)

110528_西藏九天遊_第八天_拉薩貢嗄機場至成都(192幅相片)

110529_西藏九天遊_第九天_成都機場至香港(9幅相片)

[Taihung007]

弓起弓起!!

CHING可以考慮將D精華相放上黎,比大家分享一下.

[hlcmarco]

Taihung007師兄:
個人意願.
總是對放相上討論區有所保留.
我肯開放Facebook一部份相片給各位師兄、師姐們,
其實我已踏出了心理關口的一大步了.

[look_yau]

welcome back. 我仲諗唔見你一排，去左邊呢？唔記得你去西藏

[hlcmarco]

look_yau師兄:
我在成都、西寧、西藏全程八日都可以上網,
當然係除左喺青藏列車入面嗰日就冇辦法上網啦.

青藏列車,準時於15:02在西寧西站發車,於翌日14:55正點於拉薩站抵達.
真係要坐足二十四小時.
反而坐國內內陸機,由成都至西寧,就晚點三小時有多;由拉薩至成都,亦晚點一小時以上.
幸好有吸煙區補飛,又有手提電腦傍身,至可以打發下時間.

我日日都有睇C記和N記討論區,只不過我忙於備份相片和洗衣服,
未能抽空出貼而已.
N記討論區都有少少火藥味喎........

高原缺氧,個人很攰,返到香港都係提不起勁,
睇怕要過多兩三日至會回復正常.

希望今晚碼頭唔使開咁多車,可以給我多一天休息,
我就會去紅十字會損血,令新陳代謝加快,讓身體可以更快復原.

[飛哥仔]

呵呵呵, 外遊完返來真係very good啦, 不過我本人沒真實e-mail, 只有gmail哥d, 所以無辦法睇相lu~ anyway啦~~

不過你話n區重火藥味, n區一向都唔重火藥味架.......又發生左事? (返工無時間追post)

[h0001244]

pm 左，請check下

[火Ken]

師兄~ 我都有興趣，可以look look 學下野！thanks~

[hlcmarco]

h0001244師兄:
真對不起!
雖然知你經常回貼,但你郤未能符合下列條件:
《各位師兄、師姐,不論是敵是友,
只要曾經有回覆過我在海螺溝旅行或西藏旅行的出貼者,
如蒙不棄,想睇下我啲粗製濫造嘅旅行生活相片的話,
可以給我訊息,內附上個人真實電郵地址,

免 費 電 郵 地 址 則 恕 不 接 受.》

但我一定要收到你的真實電郵地址,
yahoo.com.hk為免費電郵地址,我郤恕不接受.
因為我是以真實電郵地址回覆各位師兄、師姐的,懇請見諒!

火Ken師兄:
我還未收到你的真實電郵地址,你有興趣又如何?

各位師兄:
我會於晚上22:20離開屋企去返通宵班.
如果PM於22:20後,我會於明天早上下班才會回覆.
請各位師兄PM真實電郵地址給我,免費電郵地址則恕不接受.

[nwt15]

hlcmarco 大大, 歡迎回來!!

[h0001244]

Oh, I am not qualified to see the photos tim.... what a pity

[Peterpan2046]

Marco 兄,

未收到電郵, 請重發一次。謝謝。

[hlcmarco]

h0001244師兄:
山窮水盡疑無路,柳暗花明又一村.
你收一收電郵先至講啦.

Peterpan2046師兄:
我份人做事,必有兩手準備.
我凡用電郵寄給別人,一定會郵多一個副本給自己.
如果你提供的真實電郵地址是正確的話,一定會收到我的電郵的.
但無論如何,我亦再發多次給你.

[h0001244]

收到了，多謝hlcmarco 師兄