[好奇者]

因為在大約2萬左右,想入d3s因為佢多功能及有一定水準,追焦快,但d800我不需要咁高解像度,本人不是聞相一族,而且它的評語一般,希望各方好友比比意見,謝謝,

[好奇者]

更正是 Nilon D3s

[kingkonghk]

我會揀d800e

[V3.1]

都係講果句，睇吓你要乜，我都啱啱盤算究竟入D800E，D3s，5D3，因我影小朋友為主，亦有風景，着重質素，銳利，有新買新，之後揀咗解像力強勁及高銳利嘅D800E(因我以前用過D700,放大麻麻)

[好奇者]

多謝各位師兄提供意見,真係難以取捨,D3s怕入左部傷殘機.新機有保用.

[Wilson111]

D3s都3年幾機…我上個月入左部D800，ISO都唔差AWB都好準。
點解要買部無保又舊既機。

[好奇者]

因為D3s有高速拍攝,因本人間中會在大團體幫手攝影,所以會情迷D3s,而且D800在日常攝影中,也不需要使用咁高像素而已,多謝師兄提點.

[leeson1988]

入D3s 吧！玩高一線非同凡享！

[jc1021]

我冇D3s,只有D4同D800&D800E.
其實係先買D4,兩星期後入D800,結果一年内D4只用了兩次.一年後更多買一台800E.
可以同樓主講D800絕對揾唔到唔好嘅地方,對焦快,準.用心調教顏色漂亮,連直出jpeg客人都大讚,解像度更加唔駛講.
D4當然係D3s嘅檔次,對焦比D800更快,有職業影師同我講比較喜歡D3s嘅顏色,不過如果做嘢D3s暗位對焦就會激死,至於像素兩者差不了多少,但同800比較就真係冇嘢講!除咗去影一啲有速度嘅運動同較黑又唔用閃燈嘅環境,我諗樓主應該明白點解我用D800比D4多咁多.D4s快到了,D3s應唔應該買,自己好好想想吧!

[好奇者]

其實我在2月中時問過D4,拆實都4皮過外,我唔係買機做攝影師賺錢,只不過我自己差不多退休人仕,希望在退休前重皮一點買部終極機而已,玩得10年之後,我想自己都無氣力再攞部好機啦.最主要是無銀兩收入.
現時我手上有70-200小黑六,85 1.4定焦鏡及180定焦鏡及其它雜鏡.
所以考慮D3s平一点 D4價錢下調也不少錢,我估計都3萬尾, 最後考慮D800 真是很煩惱
多口問一句,800e是否值比多3仟投資落去??謝謝幫忙.

[tonysung]

除非搵到部超新淨嘅D3啦，唔係都係買新機啦，反正你諗住長用。

[bg--__--bg]

我用開D3s再轉去用D800E. 我覺得淨係論畫質係升級嘅，而其他野我又揾唔到缺點，暗位對焦又快和準，用過D800E係返唔到1600/1800萬像嘅機，唔好以為一步到位上旗艦D3s/D4就一定最適合自己，其實係兩類唔同嘅機，如果買咗旗艦快機少玩連拍，又見到人地高像素係度數毛你可能又會想升級。我都會有嘅就係，心魔要用旗艦嘅虛榮感最難放低。

[好奇者]

心魔要用旗艦嘅虛榮感最難放低。是的, 其實心理多過實用,會重新考慮D800,始終D4真的難承担個機價問題,D800加理24-70約3萬可以理單,如以往師兄講過,不如學好攝影及運用機器技術,才是樂趣.多謝教導.

[tom64]

寶藥黨口吻會話呢隻藥勁過仙丹, 絕無缺點。

[好奇者]

我想大家都是講出自己心聲啫又或者提供正確使用各種攝影器材,希望不要互相攻擊,
不過信也好不信也好,本人真的是將退休人仕,只希望在退休前買部好終極相機,不希望買咗部會後悔的相機而已,真的在正式買機前是很花心思時間選擇,相機不會是最好,只會有更好.多謝各方好友提供意見.謝謝.