[hehe0404]

唔知有冇ching 有相同感受 ? 先不說課程好/壞 , 有時見到依間學校開既課程真係好吸引,好多大師高手開班 , 但係一睇到個價錢真係無奈, 因為讀書時已將CEF用晒 , 佢既COURSE 如果無CEF Claim 全部都Over $6xxx 以上 or $10000, 如果有心報真係好肉痛,相比人地可以claim到CEF果D Ching, 差成接近 $4xxx-$6xxx, 真係唔知報唔報好!!! and 課程真係有用嗎? 上網爬文又唔多comment....,
雖然話買器材唔送技術 , 但係D course 價錢就真係armarm 好1枝L鏡既價錢 , 買枝鏡唔arm用都可以放返出去, 如果報錯course 就真係渣都冇 =.="

[九龍人]

買器材唔送技術,搵名師其實都一樣.咪以為乜都可以用錢搞掂,攝影最緊要都係睇自己.好多名師都冇讀過甚麼攝影課程的.

[hehe0404]

ching 既回覆真的講出本人心中所想 , 每個課程都有人話好/差,
真係視乎自己点發揮 , 因為小弟平時都有跟人做吓助手 ,
用$6XXX-$1XXXX 去買多D書睇 + Upgrade D 器材再練習多d ,可能都ok既.....
但另一方面想 ,如果有人可以Comment 吓D相 ,and 即場提点/教吓技術, 會好好多, 只因價錢真的令人卻步......=.="

[kingkonghk]

任何野只要多做多練就會慢慢進步, 只係而家乜都興俾錢去學, 有冇諗過俾完錢都仲係1舊飯?

[PCChung009]

雖然我跟著名攝影師做三年Freeland攝影助手，但於實戰學到的知識仲多過比起上課知識。有心的攝影師佢會不怕羞地教本人打燈，仲送部Canon印相機。如果你想學不如去圖書館揾攝影書進修下，再實戰，再上課仲好。本人買了二十本攝影書，重複又重複地睇，之後學下剪片，而家攝影唔正只是圖象，仲做埋slide show 攝影加剪片再加3D及2D。
如要學攝影要識下人做下攝影助手。這樣會學到真正攝影。

[hehe0404]

完全同意ching , 助手可以直接學到好多實戰經驗 , Freelance 左大概1年 , 又試過自己負責第三部機既經驗(snap), 書有多買下&多睇 , 但係D相硬係就差咁d 野咁 , 可能真的經驗不足....再努力D..., 所以先會念報個COURSE 讀吓 , 希望可以有高人只点吓 ..... 希望行吓捷徑咁 lor ^^"

[PCChung009]

你想行吓捷徑！你諗都唔好諗，學攝影是由淺入深行的，你想一步登天。打多兩年Freeland 先再考慮下行先啦！之後你想學做邊類型攝影：如結婚攝影、產品攝影、時裝攝影、派對攝影、建築攝影、記者攝影、室內攝影等...........本人拿器材達25公斤以上，打六支影樓燈。跟攝影師做三年Freeland攝影助手走進港九新界及中國大陸，我當學習攝影基本功的。你想學攝影，你俾D相睇一睇評一評。

[hehe0404]

Thx ching 我用錯詞語，＂捷徑＂當然唔係接job 想一步登天啦，及多謝指點，可以pm Facebook account 比我嗎？因為我D 相upload 左係facebook

[look_yau]

我有正職，好難去做攝影助手 - 噤上堂就最好

[roy05]

你既然已經claim左一次CEF,就唔好恨人地有得claim啦,人地其實換句話說係遲過你claim架

總之齋靠上堂又唔得,講真俾果一萬幾千可以變大師有乜可能,但求從中獲得些啟發已經有所得著
如果覺得貴又想學下野,報工聯會啦,都係幾百蚊

[guntank.efsf]

報工聯會不如讀影會的課程, 一樣都係幾百蚊.
UXXXS 成皮野, 我感到不值.

[fathoz]

其實好難去評價人地貴與平, 上堂既野, 依家好多課程都可以好貴, 幾萬蚊去到十幾萬都有, 幾百蚊我既上過, 萬幾蚊既我都會去上..

有時我既感覺係, 玩左數年, 唔甘心只係一個業餘者, 而且覺得自己去到有個樽頸, 進步唔及自己預期, 自問係個睇書睇不懂既人, 唔知係咪有D 書本學習障礙, 咪諗左幾個月, 決定去上堂囉

樓上師兄去做助手的確係個好方法, 不過人人際遇唔同, 唔係個個都有依種機會喇, 我有個朋友去面試過幾位攝影師做全職助手都唔請, 所以...好難一本通書睇到老

所以依個真係價值觀既問題, 正如一部電話5千蚊, 一部幾百蚊, 你點決定佢值唔值..

[photog]

有很多學問, 是要書本和老師才可以學得成. 如果單靠自己看書就學得成, 那這世界就不會有學校和老師了.