[千紅]

把7D + 28-70L 借比2個妹妹去影老師婚禮
結果係她們影左40幾張..
之後我部愛機就成為了一大班男仔的玩具!
一大堆不名意義..炒曬...的相在我記憶卡中出現...感覺上好似仲比人玩埋高速連拍....救命...!
我甘錫器材....平時連自己的朋友(沒有玩單反的)都不借..
今日竟然被十幾人傳來傳去!
亂按快門 改我的設定!

救命!!!!

[kwong3166]

千紅兄~~~溝女係要付出代價架了!!!

[千紅]

我借比2個妹妹..算什麼溝女 =.=

[look_yau]

依家你講道有啲俾人輪 feel..... LOL
之前叫左你唔好借咖啦。

[千紅]

唔借...傷感情.=.=

我寧願傷身外物算... >,<

[nwt15]

返到屋企已經執番身彩!

[yung2]

我d機同鏡係唔會特別鍚住用, 雖然係咁,

手中最頂級果部主力一定唔會俾人借走~

[look_yau]

相機唔會俾人借走 x2
要我可以幫手影，借得機就要借埋人 LOL

[paperskin]

唉.......
聞者傷心.........
下次唔好借喇！

[soonerorlater]

一双玉臂千人枕，半點朱唇萬客嚐！
我一向都有部最平最舊嘅儍瓜機，邊個問我借機就借嗰部比佢。

[iso100000000]

淪為毒氣室的demo機㖭，不過唔使愁，錢財乃身外物，最多shutter短幾百下壽命，比起家人嘅關係，真是微不足道，我有個提議，就將部7d比妹妹，自己買過部1D X咪仲好！你話係咪？

[postman88]

留意2手區,仲有幾百蚊呢350d,整部...啦!!一定仲有下次

[henrycwm]

算吧!! 借得俾人,就要預左俾其他人玩你部機啦!!
如果有下次,你咪千叮萬囑叫佢地唔好借俾人玩囉!!

[千紅]

我已經叫她們鍚機,機不離手....

點知男仔既一句....''借來玩下'' 竟勝過我的千言萬語.......

原打算借支L 鏡比她們 光圈大的...容易影的.....

點知....唉...

千里馬辱於奴隸人之手,不以千里稱也!!

[Peterpan2046]

我一向都不借機鏡比人用, 你話我衰都係咁講。兄弟都無情講, 幾年前借過支龍仔70-300 比個 FRIEND 去地中海旅行, 回來時發現支鏡發霉, 抺都抺唔到, 結果報消, 我話過以後不借機鏡比人用, 一係送比佢, 絕不借。