[tonykafai]

各位師兄師姐, 小弟柏拉夫, 正準備前往俄羅斯旅遊, 據說部份地區氣溫可低至零下50度, 小弟正使用Canon 7D, Tamron 28-300mm, 15-85mm 若在戶外拍攝, 應如何是好？

1. 怎樣可確保機身, 電池和鏡頭正常運作？
2. 據說在極地拍攝, 電池損耗速度驚人，該如何省電之餘, 又能順利拍攝？
3. 小弟去過深圳世界之昌內滑雪場經驗, 當走到較暖地區時, 鏡頭會矇矓起來, 該如何是好？
4. 聞說攝影器材有種叫thermal 袋的東西？真的能保暖嗎？還是我要全天候把相機放在身內, 到拍攝時方能使用？真的需要嗎？

因為這次旅程將是我對於自身體力和環境攝影的最大挑戰, 故請各師兄師姐能提供各方意見，謝謝 柏拉夫

[cowlau]

我只去過 -10 度左右的北海道最北地方影相，處理方法僅供參考。

1.用絨布 / 袋包好放在相機袋，用先拿出來。布 / 袋幾十蚊至百零蚊都 ok。穩陣 d 或怕機身受飄雪 / 大雪影響，包住布 or 在機頂擋一擋咁影都要架啦。
2.係會有影響，不過我果時用 1D 果種大電，襟用 d，一日幾百至一千張都無問題，7D 用細電九成要後備，仲有去到比較暖的地方先慢慢 play back。如非必要唔用 live view係咁咦講聲。
3.最好等自然散去，急用就先用氣 pump 吹下先用鏡頭布 / 只抹鏡頭的眼鏡布輕輕抹。
4.果種袋唔清楚，不過第一點講的方法一般 ok。每次影完穩陣 d 就整走晒機身上的飄雪 or 積雪（XD）先放入袋保暖。

如果露天拍攝時間好長的話，2-3 舊後備電都要架啦。卡方面就唔好慳，盡量要快卡、pro D 果 d，點知 d 二線廠係惡劣環境無咁好保證。

由於只係 -10 度環境，樓主要自己加 d 減 d 去計了。或者等有實際經驗師兄講下。

[wllui]

放心，現在連北極仍未有-50度
我曾住在加拿大內陸好一段日子，只有部相機兩三小時曝露係極冷空氣先會唔著，正常使用亦不太有問題的，否則所有有電子設備的車咪死晒火

[h0001244]

Put it into the big cloth you are wearing when not using it. Then it will keep to have body temperature.
Another way is to paste a warm pack onto the camera battery cover. It works perfectly.

[cowlau]

暖包我有小小保留，電池一直太熱始終有 d 危險，因為有 d 暖包真係可以幾熱下，即使要用，隔住布，當係 keep 住相機袋入面溫度黎處理，而唔好直接 keep 住電池溫暖或發熱。

[wllui]

相機唔用時, 我覺得放番入袋已經夠

不過要留意係, 在室外逗留一段時間, 由室外入室內, 由於有溫差, 相機會凝聚水點, 等十分鐘才好用機

北半球寒冷的地方, 一般都係長處於零下十零廿度左右, 暴風雪才會再凍D, 暴風雪時能見度很低, 影唔到D咩