[tinmingw]

唔知大家ching有冇發現一個怪現象,已50d為例,新機出面明明賣緊$7850,d人夠膽死二手放$7200,7500...我自已認為,但凡二手貨,已經要先唔見三成大概$5500,保養得好能75折,約$6000吐現方為合理.

偏偏有的阿醒,第一二水,$8900-$9xxx甚至過萬元入貨,半年至9個月,新鮮感過後,想放機,但又唔想蝕,用平市價$200-$300蚊,仲攪到好似割價益老友咁,妄想可已賣出.什麼9成5,9成9新,語無倫次.

有個post好好笑 : 50d連18-200kit鏡,竟索價$12000,心水清的ching算算手指,街價$7850,當你部野新淨,$6000銀好未?咁另外個支18-200kit鏡出面先至$4500,你賣我$6000銀呀?!....$12000不議價...講笑我就可以陪你笑下!!

呢d post通常放到發毛,時間一長,到最後連原先打鐵價7折也放不到...活該.
這是個簡單道理,能較別人便宜$500-$1000放售的人,機會是屬於他們的.

再看看另一個阿醒 7/5/09 post :
"D300行貨, 99% 新, 快門為2400次左右.$9000不議價"
"好少用... 快門只開左2400 以下!"

二百9幾個人睇個個post,個個指功向下,呢個阿醒都仲未訓醒,出面新機$10400,佢仲走去開$9000,係office食飽飯,叫d同事過來睇,真係可以笑足成個晏就架陰公!!

今晚鬧到呢到,byebye.

[rickysuper]

咁都有得鬧？佢開得貴咪冇人買咯。如果有人唔揾post 唔格價唔做功課買左，咁佢咪執到咯。

賣既人想賣貴d, 買既人想執平貨。都好正常姐......

[khadafy]

我就覺得 2手野,照現市面新貨價8折,再睇幾成新就較為合理...
但見很多放貨人仕...
都係叫價9-9.5折左右...平出面3兩舊水.....
仲話係乜野益街方添......真係當人係豬丙....笑死!

[大熊貓]

我都認同不過只係機身，鏡就另計

[Louis @ Gooner]

咁都有得鬧？佢開得貴咪冇人買咯 x2
市場會決定一切架啦...

因為香港人有理冇理都講左價先, 合理價錢預多少少俾人壓囉
根本冇咩值得勞氣, 影多幾張靚相啦^^

[lmichael]

係o羅, 貴就無人買, 現買現賣, 不過機就真係好難賣得貴, 鏡就反而可以企硬o的.

[wesleyyau]

你睇yahoo / ebay 仲搞笑... 有d product 貴過街賣都有人買啦...
明買明賣... 冇得咁計喎... 所以要做個精明消費者...
p.s. 2400 快門對我o黎講真係好少... 半日都影700-800... 所以因人而異...