[ray_pong_2555]

昨日行過九龍灣德福商場，係二期等人既時候，見到一對著校服既中學生情侶係度影相，果位靚仔好搞野，自己拿住40D配支小白（好殘既40D同二手小白，鏡身花晒），放左支單腳架，叫個女朋友企係呢度企果度，點知距離太遠，又有人行黎行去，影一張相搞好耐，影一張，比女朋友睇一張，影一張，又睇一張，影左十幾分鐘，影出黎既相唔知係咪麻麻地，個女仔有Ｄ唔耐煩，講左一句＂唔影啦，算啦＂之後個男仔又搞一輪，先至收埋晒Ｄ野！
見到Ｄ人影相真係搞笑，好明顯全部二手，都唔係問題，最搞笑既係同女朋友出去影相就唔好咁麻煩啦，又唔無專業，又賴係專業，又賴係型，但影相又唔係影得靚，仲搞到個女朋友鬼死咁老監，又要等男朋友，真係搞野！
各位ＣＨＩＮＧ，有無見過Ｄ新手咁影相。。。
單反真係毒人不淺。。。

[heeae]

係大/小/小小白太出名姐
d 人見到白色的鏡頭就覺得係貴野, 好野....

[Ison]

其實又唔可以咁講，每個人都有新手期係唔係？大把人就咁用AutoMode影。咁未快囉。

[hksawing]

樓主你在隔離台POST完又過來POST，你不覺得悶咩

[中华英雄]

楼主取笑人地用二手的心态唔要得　取笑新手的心态更加唔要得

[bzboy]

ray_pong_2555
What do you want to give us this message?

[lamlam10]

樓主未做過新手咩！人地新手就笑人！
重要標榜（好殘既40D同二手小白，鏡身花晒），可能人地學生同學校攝影會借機都唔定！
你映相咁勁，見人映左影左十幾分鐘都唔得，你又唔去指點下人地？

[tam_dominic]

椅..留煮嘃人嘅

[wesleyyau]

難道樓主係o個位ching 肚裡面條蟲...? 支鏡係唔係二手都有得睇?
定係用舊o左/花o左/殘o左就係二手? 定係借支一手用o左好耐o既鏡俾人會突然變二手?
"好明顯全部二手，都唔係問題"... 唔係問題... 但係樓主又再三強調... 真係費解...

[Ison]

如果見到人用全新1DM4 手震震影相樓主未笑到人收唔聲?

正如樓主講果位師兄全部二手野, 又有咩野問題呢? 好多新牌仔都係渣二手車

啦, 一樣樣.

[calwkf]

個個人都有新手既時候架啦, 你新手既時候淨係收埋自己係屋企影相架？

同埋你駛唔駛咁賤呀, 係幾個 forum 度講, 真係覺得個學生哥有d可憐~

[calwkf]

唔好理佢啦... 拿人d事黎當趣事...

佢仲有趣啦, 出左世咁耐先識用相機~

[lamlam10]

不如話佢孭住個臭皮囊廿幾年都唔識做人！重笑人揸舊機映相！

[stone石頭]

唔好介意,我成身都係二手野啦,你不如笑埋我啦!同埋你上埋二手買賣果度笑晒咁多個人啦!唔係一定要下下拎幾萬蚊出O黎先可以影相嫁?你意思一定要做而家D潮童,成身新野,用晒MARK II ,L鏡咁,但個快門得果一二千下先可以出街影相先?

[leokaiho]

人地同女友影相又唔影響到, 有d咩問題? 出呢個post笑人我先覺得係最有趣...