[scoffee]

小弟一直用開 SB-800 TTL 影室內照。
剛入左部全手動底片相機 (mamiya 645)，打算加支 SB-800 用內置的 A mode 影。
但係 SB-800 在 A mode 唔需要輸入快門資料，支閃係點樣調整出力？假設相機快門慢了4倍，即環境光多了4倍，SB-800 可以根據甚麼資料給主體正確曝光（減少出力）呢？

（第一次用 non-TTL mode，請多指教。）

[micros]

唔 ...... 似乎你一直都無搞明白閃燈係點用。
簡單講﹐iso 同光圈決定出力多少﹐控制主體曝光。
快門決定要幾多現場光﹐控制背景光暗。
閃燈行 ttl / auto / m 都一樣用呢個原則去諗。
你用m mode﹐set 死光圈﹐用唔同快門影﹐就會明白係咩一回事。



最先進o既系統﹐聲稱會考慮背景光暗先決定閃燈輸出云云 ...... 可能係咁所以你無理會啦。auto 就可以話只考慮主體﹐要幾多現場光係你自己決定﹐跟閃燈輸出無太大關係(當然閃燈有機會輕輕打光背景)。

[scoffee]

micros :

謝謝你的回覆。

我明白快門係決定現場光，之前都有用開 nikon d70 M mode + TTL 影。我的擔心是，mamiya 645 的最快同步快門 只有 1/60 秒。即使在室內，如果用 1/60 秒快門，和唔太細的光圈，主體上已有一定的現場光，SB-800 的 A mode 如何在不知快門的情況下（充足的現場光），不令主體過曝？

聽說SB-800 的 A mode 在擊發時，會實時探測主體曝光，主體曝光（= 現場光 + 閃燈光）一夠，就會停止閃燈輸出，主體曝光就會正確。但我印象中 A mode 的閃燈係和前簾同步，閃燈輸出（歷時萬分一秒）停止之後，相機的 1/60 秒快門會繼續吸現場光，那麼主體（= 現場光 + 閃燈光）應該會過曝了？

會唔會係 A mode 的閃燈係和後簾同步先岩呢?

弄得有點複雜，不好意思。 XD

[小小生]

A mode係會測光,當然如果你快門慢到唔閃都過曝,咁就一定過曝
但只要唔係唔閃都過曝,咁主體正常就應該在技術上係準確曝光

如果很慢快門係應該用後簾同步,很慢的意思係1/4秒1/2秒果D
1/60已經夠快,用前簾和後簾分別不大

[micros]

閃燈 AUTO mode o既電眼﹐只可以測閃光﹐唔會測現場光﹐所以系統完全唔會去考慮有多少現場光打到主體身上。

你只可以靠經驗﹐睇到主體同背景光差唔大﹐甚至一樣﹐就係閃燈用大o的光圈去減低輸出。

情況同用m 燈一樣﹐你可以用距離同iso 計到要幾 gn﹐咁就知輸出要幾多。
但前題係閃燈係唯一光源﹐如果係補光﹐就要自行減輸出。Auto 都一樣﹐預計o左閃光係唯一光源。

另﹐唔關前定後簾事﹐快門快慢唔係決定前後簾o既因素﹐閃燈輸出模式跟前後簾亦係兩個完全唔同o既概念。

[LIWAIHANG]

現今年代, 好少人會用A mode 的閃光燈了.

其實, 某情況下A mode 比TTL 更方便, 尤其於離機閃的時間. 只需要跟隨相機的光圈設定, 閃光燈便會自動調節輸出.