[labcheung]

我係新手中既新手...
琴日去左迪士尼行一轉
發覺其實好多野睇

有人用CANON 7D 加小白影人像開外閃
有人裝住隻腳架然後拎起部機影相
有人拎住部D90 但直倒都未識拎

我都唔識影相, 但突然間覺得自己部D3000好幸福
起碼入門人用入門機
對比果日D 7D, D90, D80....

小弟愚昧, 真心想問, 其實好猛太陽近距影人像要用到小白同開外閃咩??

[王迦南]

>>其實好猛太陽近距影人像要用到小白同開外閃咩??


要！
越猛太陽越需要補光，否則個個都係鍾無艷。

腳架亦都需要，自拍要用啦，影慢快門motion都要！

[labcheung]

但腳架有快拆架喎, 我唔明佢點解要連埋支腳架打直拎
可能我真係唔識影人像啦
我琴日同女朋友影, 唔開閃都影得幾好
當然唔可以同專業人像攝影比啦

[snoopybee]

咁唔係下下都一定要拆. 凡事都可以有例外, 做人做事最緊要懂變通.

可能佢只係影一兩張, 廢事裝裝拆拆, 拆左又要搵第三隻手拎住隻腳. 比我有時都會就咁影. 最緊要自己舒服姐. ^.^

[pkpartner]

我都試過機連腳揸住十磅吊吊fing咁嚟影
果次收短咗腳有嘢影喎咪吊住影 我又唔驚人笑又唔驚人表 不過係沉重dd囉 影完先再拆
腳架任何時間用都得 不過唔會樣樣嘢都扎行馬等你set機嗟
我覺得你最幸福係個重量 ....唔知係唔係呢輪條腰同膝頭唔舒服特別驚重嘢hahaha

[hkraymondccm]

人0地補光呀！你笑人呀？

[manpo79]

識唔識都無所謂~~
有錢就買,做咩要分高手定低手

[salonsip2005]

有冇留意人地係背光影相定係面向太陽影呀??

背光開下閃光燈補光唔出奇嫁OW~

你可以睇多D 參考書進修下先呀

[labcheung]

我都有讀過下PHYSICS..
都明D光係點樣反射
如果佢係背光我就唔會咁樣開POST問啦=口=

[manpo79]

玩壓光得唔得?
唔好成話人唔識,不如自己影多d靚相好過啦

[pkpartner]

我估呢個係閃光燈既運用既技巧同識PHYSICS無關
呢種影法叫日光補償用閃燈背景色彩會濃D主體會浮咗出嚟用混合光源而唔係淺景深嚟突顯個主體
....我喺十一點到兩點日頭最猛係正頭頂果時好多時會作呢個選擇 當然乜時間都用得

[lisztian]

又話自己係新手
未識影相先識笑人，仲好可能笑錯人.............

當真態度良好.

[luffyhk]

其實你主觀地認為果個人錯.....
但你又開POST問~~~~
CHING解答左原來人地無問題.....
仲要話自己讀過PHYSICS
你個人都幾自我中心啊.......

[s178]

其實日間天氣好的時候反而經常要用閃光燈.
如果被攝人物面向陽光,正面光源,
一來矇起眼睛,二來光線平淡,沒立體感.
側光反差強烈,閃光燈可減低反差.
背光的話,閃光燈或反光版補光好正常,
壓暗背景,使天空更加藍或突出人物.
都需要閃光燈的.

[50D]

唉...
"又話自己係新手
未識影相先識笑人，仲好可能笑錯人".............X3

"我琴日同女朋友影, 唔開閃都影得幾好"
影得好唔好都好個人的, 唔一定用單反先代表影到靚相, 或許好多人以為做到淺影深影人像就叫靚...(我身邊不是朋友竟然係咁覺得...)

"入門人用入門機"
...高手只會用手機同傻瓜機....哈哈~