[LIWAIHANG]

與數位師兄討論"曝光補償", 結果無人有肯定的結論.
由膠卷至數碼已經有"曝光補償"按鈕於機身上, 用了多年都唔知是甚麼原理.有無師兄知道"曝光補償"的原理.

[kelvinolph]

閣下可進去看看:

http://taiwan-photoschool.com/new_page_63.htm

http://www.dcfever.com/learn/viewglossary.php?glossary_id=24

http://www.wahyan.edu.hk/ylchan/photo-course-html/exp-compensation.htm

其實只要上網找找, 資料多的是.

[micros]

舊文整理



首先要知道測光同曝光係兩個步驟。


而係 p/s/a mode 中﹐曝光係完全根據測光進行o既﹐所以用者唔會有明顯感到有兩個步驟。

半咁快門﹐測光錶就著﹐相機就會根據測光錶ｏ既測量﹐自動組合光圈同快門去曝光。

大家未必好清楚其實已經做ｏ左兩樣ｏ野﹐因為電子零件運作好快﹐半咁快門幾乎同步就完成ｏ左光圈同快門ｏ既組合。


係 m mode 時﹐曝光組合唔會同測光連結﹐兩個步驟就好明顯。

機身測光錶有測光錶自己測﹐你有人自己決定同咩光圈快門。

你可以信機身測光錶﹐又可以係佢ｏ既測量上做改動﹐或者用外置測光錶去測。

總次﹐測光同曝光兩個動作就獨立ｏ左出ｏ黎。



講番曝光補償﹐佢o既目的係要手動修正測光o既結果﹐之後先曝光。
係某o的情況下﹐測光會被誤導﹐因為測光系統只會機械式去處理 data 而唔識轉彎﹐咁我地可以自己要修改佢o既測量。


例如你影一件白衫﹐唔做補償出o黎就係灰色。
於是你就用曝光補償﹐如 +1.5 ev﹐出o黎就光番。
咁 + 1.5ev 即係話俾部機聽﹐係原先測光o既結果上﹐再加大 1.5 ev 先係正確o既曝光。


用 m mode﹐要曝多o的少o的全係你自己控制﹐實際上無曝光補償o既必要。
你可以睇住 finder 入面o既曝光尺﹐當光標停係+1 上面﹐即係話而家o既光圈同快門下係 over 1 級﹐咁即係同曝光補償 +1 一樣。

而曝光補償係 m mode 中又唔係話完全無用。
因為曝光補償係可以影響 m mode 中測光o既中間位o既。

例:
原先 1/60 f/5.6 ﹐光標停係 normal 位。
曝光補償 +1 後﹐1/60 f/5.6 就會係 -1。

簡單講﹐你心水清o既﹐用 m mode 唔用曝光補償都可以﹐自己去補償就得。
咁做o既彈性亦大o的﹐因為未必係張張都要補償﹐份量亦有唔同。
驚自己唔記得o既﹐可以先做曝光補償﹐唔好處係分分鐘唔記得做o左補償。

如果你完全唔睇機個錶o既﹐當然亦無需要做曝光補償。

[letitbeme]

>>數位師兄討論"曝光補償", 結果無人有肯定的結論.

求其買本攝影入門書睇下都有講，就算相機說明書都有。

[letitbeme]

> 去 奴 工 處 問 都 得

去 奴 工 處 問 宮 傷 補 償！

[LIWAIHANG]

講反與數位師兄討論現場是拍, 室內閃光燈人像,(全程要用M MODE) 有位師兄先拍一張作測光, 發覺under了一點, 有人建議+1/3EV曝光補償, 無人異議, 我問: "得咩?"再問曝光補償是補D乜? 償D乜? 改變咗D乜? 有人話光圈, 有人話快門. 睇完micros師兄詳細又學術的文章後, 相信大家有答案了: 如果你完全唔睇機個測光錶o既﹐當然亦無需要做曝光補償。 因為, 調節曝光補償只是改變了測光錶中, "O" 刻度的位置, 從來無改變過光圈大小, 快門高低, 甚至ISO. 所以+1/3EV或是+3EV曝光補償, 於當時對相片亦沒有光暗的轉變. 正確而唯一做法是直接加大1/3光圈.


原來, 好多師兄對"曝光補償"仍然錯誤理解. 日常生活拍攝, A,S,P,M. MODE 運用"曝光補償" 可以好簡單易用. 但是, 當到了特定的拍攝環境時, 錯誤理解便會影響了你對你部相機正確使用.

這是我拍攝時遇到的小經驗, 在這裡貼出, 希望對其他新手及誤解的師兄有啟示及分享.

再多謝micros師兄的舊文. 之前亦曾拜讀. 要是要我打出來, 一定不及你詳細.
亦多謝kelvinolph師兄的熱心.
letitbeme師兄, 你又好似回得我求其咗小小, 尤其是你睇完micros師兄的文章後. 那有本攝影入門書, 有此詳細.


討論區內當然人人有發言的權利與自由, 但是, 個人的操守及對人的尊重亦得注意. 若經常要用另類文化, 達致人家對你的注意實為下策. 要是有料的, 看倌心中有數. 我亦簡單一句: 非誠勿擾.

[snoopybee]

我睇完都一舊雲 ....

其實唔使咁麻煩耶....

用 M mode, 較光圈快門去達到一個理想的相片曝光. 若你想相片偏光, 你可以較大光圈或較慢快門都得.

若你用 P/A/S, 電腦會自動幫你. 以 A mode 為例, 你較光圈, 電腦就會較快門. 你想相片偏光, 唯一做法就係用曝光補償, 去叫電腦較光張相.

[LIWAIHANG]

snoopybee師兄:
你所講述的是一般通適操作法. 與我所講的意思有出入.

我又再舉一例,
有拍友於FACEBOOK發表了一張星軌照片, 有經驗的師兄都知影星就必然用M Mode細光圈長曝, 詳細EXIF我忘了. 發表者話自己影得唔夠光. 於是, 有人建議+1EV曝光補償. snoopybe師兄你認為這建議正確嗎?

[tonysung]

Micros CHing的解說已經非常清楚.

LIWAIHANG CHing,
我想補充少少，依家好多數碼相機都有auto ISO功能.
當開啟這個功能後,用M Mode時曝光補償是可以自動調節ISO值而獲得你想要的曝光.正如d2c所講,曝光是光圈快門ISO的結合.
我們有時影生態,都會用到auto ISO功能.

[letitbeme]

LIWAIHANG兄，小弟開D2c玩笑吧，sorry, btw，關於你問那有本攝影入門書, 有此詳細.，你可以看看 DSLR數碼單反天書 or 光與曝光，土產書，但說得好清楚。
這裡介紹：http://jacso.hk/eddylo/post/trackbacks/211917

[pigpig2000]

LIWAIHANG師兄，咪整人啦
本身你就知道正確答案 。。。。。 ^_^

[SCforever]

>>討論區內當然人人有發言的權利與自由, 但是, 個人的操守及對人的尊重亦得注意. 若經常要用另類文化, 達致人家對你的注意實為下策. 要是有料的, 看倌心中有數. 我亦簡單一句: 非誠勿擾. <<

我很認同!!
用一些同音字(近音字)來出文章,真的令人看得好辛苦!@@


另外!小弟對曝光補償也有愚見:
不同廠商,不同型號的相機,相片成像出來的曝光效果也會不一樣,
正如D90 跟 D5000,大家的SPEC基本上也是一樣,
小弟之前也曾出過AB測試,同鏡頭,同角度,同環境下,兩機用光圈先決下的測光
結果也是一樣,不過D5000會比D90會偏UNDER的,
此也是關乎曝光補償的一環嗎?

說到運用,很多時拍攝目標處於背光環境下,我也會加大1/3或1級EV,
而偏暗環境拍攝有光源的實物會減1/3EV的,

[marisalwy]

全篇大量錯別字，索性唔睇好過！

[snoopybee]

我真係冇特別去用 M mode 跟住搞下個 EV 掣. 可能轉左個 EV 掣, 部機個 meter 會自動 adjust 左??? (我估架, 要試下先知)

用得 M mode, 我只會用自己感覺去影, 去調較到自己喜愛的光暗. 喜歡的話, 每級影一張囉, 但絕不會理夠竟當時係加左幾多級 (正常曝光). 況且, 部機點去計 "正確曝光", 都會視乎你用咩 metering mode.

[LIWAIHANG]

belelebalala師兄: 客氣, 你的絕不是愚見.
所謂正確曝光是沒有一個絕對值的, 因此, 高階機種可以微調最佳曝光度, 機主可隨自己的口味調節自己認為最佳的曝光水平. 這概念與"曝光補償"大同小異. 分別只是在於一次長久設定或是逐次設定.
"曝光補償" 於初階攝影課程已經有教授, 不論你用A S P M MODE 都是機身上經常被使用的按鈕之一. 但是長久使用後, 我們往往被誤解, 這可能是被這按鈕的中文名稱錯誤引導, "補償" 即不夠會補番. 其實是從來無補過, 快門快了或慢了, 光圈細了或大了, 統統都是根據測光錶的計算後得出的連鎖動作.

snoopybee師兄: 如果你已經試過, 就知道+EV後, 相片的光度沒變, 有變的只是測光錶的提示改變了.

長篇大論, 因為周圍的師兄, 絕大部份都是誤解了. 在這貼出討論, 希望大家分享, 亦可作提醒.

多謝Tonysung師兄的意見, 這亦是好的提議.
letitbeme師兄提供的參考亦有受用, 多謝. 不過, 只是小弟認為Micros師兄文中一句最鏗鏘. "如果你完全唔睇機個錶o既﹐當然亦無需要做曝光補償。"