[McDonald]

已經用咗NEX 7一段時間，一直有兩個幾嚴重嘅問題困擾住我。其一就係佢拍攝video時很多時塊CMOS會熱到熄機，通常拍大約十分鐘到佢就會熄機(就算室內有冷氣地方都係咁)，如果喺戶外有太陽嘅地方會更加快熱當，幾分鐘就玩完，呢樣嘢真係幾離譜，根本完全冇可能拍到佢話最長29分鐘個時間長度。其二就係佢個內置閃燈，經常會有出力過高令張相爆光嘅現象。於ISO100至400時還好，但去到ISO800或以上時只要一開閃燈佢就會閃到個前景主體死白，ISO越調得高，死白情況會越嚴重(當然光圈同快門已相應調校)，就算我將閃光輸出減低3級至最盡-3.0都一樣咁光，好似個閃燈完全唔識測光同唔識調低輸出咁。須知道要用閃燈時通常在昏暗環境，ISO好多時要調高，但一調高佢個內閃就爆光，真係勁唔掂。後來我要配番個外閃情況至有改善(不過閃燈輸出都要減兩級)，比較過同一光圈、快門同ISO條件下用外閃嘅閃燈輸出明顯正常許多，直打都唔會爆光，但內閃於高ISO下就一定會。但外閃攜帶多舊嘢始終唔方便，有時同朋友飯聚想影幾張相咁簡單唔通都要帶外閃咩，但偏偏咁簡單嘅任務NEX 7都做唔到。反而佢後來出果部RX100機仔個閃燈就準好多，好多時都唔駛再專登較個閃燈轉出，攪到我而家寧願攞部RX100都唔願拎部NEX 7。以NEX 7當時成萬元嘅身價，真係好令我失望。已經攞過部機上維修部check但個師傅話用電腦幫我check過哂部機完全冇問題喎。唔知各位有用NEX 7嘅師兄有冇我以上問題？如有的話又怎樣解決？謝謝！

[prs_rock]

攝錄方面, 最長試過 16 分鐘, 部機自己熄, 當時冇諗過佢係唔係過熱而熄, 我諗既方向係已為 file 太大而熄. (但一個shot 拍多過5分鐘,其實都幾長下喎)
至於內閃 , 除非主體好近, 一般距離都沒有過爆, 同支外閃差不多.
我只嫌佢樓底高啲, 跳燈唔夠力.
你試下用低速同步,調低 iso 睇下有冇幫助. 始終每個人處理唔同環境都有唔同設定.
未必啱你用 ! 但我印象中睇過一篇文章, 講夜景 iso 調高, (拍人像) , 閃光燈係要調低, 因為 iso 高左, 敏感度都會提高 .
而你話rx 100 冇問題 , 會唔會係內閃本身唔夠輸出 ?? (我估下架炸)

一般我用閃光燈都係用 m mode 等佢自己做輸出 , 但有時都會加減做調整!!

[小小生]

我係用NEX-6
試過拍片廿幾分鐘冇問題
內閃都係準確