[playmate]

《魚缸博客》近日個市湧高至近２３０００，大象（００００５）真係功不可沒，不過跑得太快都要交畀其他人接力，而今日（１８日）接棒炒上嘅就輪到久未落場嘅祖國移動（００９４１），靠佢一人之力令個市衝破２３０００關。
　　祖國移動輕輕高開之後，受到工信部指ＴＤ制式「三豬」上客量已經去到４００萬戶刺激，一路畀大戶夾上。缸友話，之前唔少大戶見祖國移動勢弱，沽咗成手貨，今朝都被迫平淡倉，搞到股價炒高超過３巴仙。祖國移動難得咁靚仔，缸友話短線有機會炒番上８０蚊關，可小注吼少少點價牛證玩下，炒一轉博餐茶飲。