[1Q84]

小弟昨晚係某間大型電器連鎖店買野, 目睹有人同店員嘈起上o黎, 內容如下:
一對男女叫店員開部新o既550D俾佢地試, 試o左一大輪又話唔買. 店員問佢地係咪部機有問題又話唔係, 只係想再諗清楚d. 跟住又叫店員開部7D俾佢地試, 店員於是攞陳列架上部7D俾佢地, 佢地又話唔得, 堅持要開部新機俾佢地試. 店員梗係唔show佢la, 於是嘈起上o黎. 對男女猛講自己有消費者權益, 可以試清楚, 諗清楚先買; 又話要去消委會投訴云云, 跟住走o左.

假如對男女睇到呢段野的話, 我想問你地幾個問題:
1)當日間鋪o既陳列架上有550D, 有7D; 如果你地未sure自己係咪會買o既, 大可以試下陳列架上o既機先, 點解一定要人地開部新機俾你地試?
2)如果你地一心只係想試機, 點解唔去陳列室試?
3)掉翻轉講, 如果有一日你買o左部新相機, 但發現部機俾人開過, 試過, 用過, 你又點會諗先?

消費者當然有權益, 但係亦都係有底線, 唔好俾消委會d低能廣告誤導. 相機, 鏡頭o既野, 開左新貨品, 試過無問題就要買, 呢個可以話係不成文規矩, 既使外國亦都如此. 再加上幾間大廠都有陳列室俾人試機(甚至有職員即場回答問題). 又可以上網搵定資料, 問班師兄攞下意見, 大把資訊可以參考. 我真係諗唔明點解下下要開部新機去試!

消費者除o左有權益, 亦都有義務要遵守的!

聲明: 本人和上述電器鋪絕無任何關係, 只不過係睇唔過眼咁解!

[1Phone]

對男女以為有幾個臭$$買單反大晒媽.

[pingusunny]

對男女以為有幾個臭$$買單反大晒媽. x2

[Lawin]

一睇就知係明玩野啦~.~"
講得出"消費者權益"根本就早有預謀......

佢地可能等間野遲D平賣開過盒既野, 夾埋搵第二班人上去平買.

[Daph]

"對男女以為有幾個臭$$買單反大晒媽".

以上錯晒!!!

其實佢地根本無$$$$$買!!!

[SleepingIII]

开左新机试完无问题又唔买，想走？得，不过要先留低只手。

[火Ken]

佢地根本無諗住買,人地做sale唔係比你玩嫁! 我係澳門個 friend間電話鋪見到個大陸女人買部粉紅色電話,買後話第二間電話鋪白色平二佰,叫我朋友平比佢又或者退錢....答案係人都知一定無可能啦!根住條大陸婆發瀾渣! 呢家D人都幾野蠻同無品咁!

[ozmaliu]

咁冇品? 係本地人定自由行? 擺明就係冇$$$買啦, 但又要扮大客

[46rossi46]

嘩....啲人咁狗既

[weijieliu]

不是說好了買﹐ 才開部新相機黎試的嗎。 看來以後要收妥錢再開來試啦

[hunter21]

咁部開左又試左既550D點算?

試機梗係試陳列機,有乜問題?當然你試完部全新機唔買係無犯法既,但就無品d law.

[1Q84]

回覆ozmaliu師兄,
基於對事不對人o既原則, 我唔會形容佢地o既外形和樣貌. 但係就好肯佢地係香港人, 尤其係個女人. 因為佢每句說話o既最尾一個字一定係個"囉"字, 咁大家應該明"囉" ^_^

BTW, 依家越來越多呢d咁o既人, 班sales朋友們真係好難做.

[terenceworld]

我都係sales一名(不過賣手電),見盡好多人O既惡行,好多人話自由行差,其實香港土生土長一樣唔係好得去邊,見到師兄呢個留言,我都感懷身世......希望做客人O既明白做salesO既難處,我地硬食客人O既刻薄,呼喝,面色,同無理,之後公司仲要相信客人O既投訴,有苦自己知...

[新手之手]

根本唔關咩消費者權益....咩有冇$$買嘅問題....

而係果兩條蛋散做人嘅道德觀念問題, 做人做事要合理, 要過得人, 過得自己 !!

[Kenre]

唉~ 有DEMO機就緊係試DEMO機架啦,

對男女知唔知咩叫消費者, 佢地俾左錢咪係消費者LOR.