[reflexboy]

既然Sensor平面跟鏡頭設計配合，那麼為何還要有Micro Adjustment? 又為何從前SLR不需要？

[photowing]

請問係咪大光圈加HSM先有機會走焦呢?

[iamchowsingsing]

因為d 人太依賴自動對焦...

[reflexboy]

如果標準由始至終只得一個，而且從沒有變更，咁係唔係代表產品QC有問題？定係有啲問題連生產商都未能解決？
但作為最終使用者，為何要付出時間喺一啲跟本唔應該係佢地要付出嘅地方上面？

[snoopybee]

Good point raised. And I tend to agree with ChowSingSing 同學.

應該話以前大家用眼睇, 就唔會有呢 D 野發生. 依家電腦對焦, 唔同鏡頭有唔同 focusing power, 所以會有出入.

回 photowing, 走焦唔係器材有問題. 走焦係一個現象, 係由於機主唔識點樣去用部機, 很多時會發生在不適當環境下用 multi-point focus 就會出現.

[reflexboy]

但菲林機嘅eos1,3,5........都係自動對機，點解嗰時啲機無問題更唔需要？係對焦議題上其實非黑即白，只有＂中＂同＂唔中＂！究竟攪咩鬼？確係令人費解！

[iamchowsingsing]

之前聽到好多ching 話7D 走焦嚴重

到我自己用7D
有次諗住用單點對焦對下張點心紙上面d 字
但就發現對左去前面
初時諗...唔係真係走焦呀...
冷靜落黎
用重點對焦再試
一對就中左~
之後試埋其他點都無問題~~

換句話講...
部機只會對果個範圍入面最近果舊野
對唔岩，好可能係揀唔岩對焦模式

[william_lau]

我估其中一點係以前影相曬出來一般人多數4R，最多8R，走少少焦都唔覺，而家數碼機啲相張張咁鬼sharp，郁下千幾二千萬像，仲要個個喜歡聞相，咁走少少焦已經好覺。 所以可能問題一直存在，只係以前呢個走焦誤差都在可接受範圍，而家變咗走少少都不能接受啫。

以上純粹靠估。

[reflexboy]

William_lau，在下不太認同你嘅睇法。菲林機年代，也有很多人需要哂大相，特別係專業個班。無論是動態或靜態攝影，需以現場光全開光圈拍攝，比例不少。但從未聽過他們抱怨。
正如我所講，對焦議題非黑即白！專業嗰是能分得出係自己偶爾失誤，還是硬件問題。

[reflexboy]

仲有想提一提，optical sharpness同菲林速度，iso setting或像素全無關係。

[snoopybee]

試答二

以前 sensor resolution 細, 依家大好多倍. 所以 focus map 落同一個 plane 時, 個 sensor 太過 "細分". 所以就 sensitive 左, 所以有情況需要 calibrate.

舉例
以前一百米只分十個 10m 地區 (resolution), 要準確地推鉛球 (focus) 去某個地區很易. 依家一百米分一百個 1m 地區, 要準確地推鉛球去某個地區, 要好準乘先得.

[william_lau]

我都係推測下，假設咗對焦技術冇進步過都至少唔退步的情況下點解而家多咗人投訴。

班專業人士冇抱怨可以解釋為︰ 1)佢哋個job接受到呢個以佢哋輸出成品尺寸下唔多覺的誤差； 2) 以前資訊流通冇而家流得咁快，偶有走焦事件唔會一下子唱通街，pro人支鏡/機有事廠方即時迅速更換/維修。 3)當時仲有好多專業人士係手動鏡能手，並無走焦問題。

如果我的假設係唔成立，咁唯一解釋只可以講現在的對焦技術準確度比以前退步咗。

[lmichael]

我估其中一點係以前影相曬出來一般人多數4R，最多8R，走少少焦都唔覺，而家數碼機啲相張張咁鬼sharp，郁下千幾二千萬像，仲要個個喜歡聞相，咁走少少焦已經好覺。 所以可能問題一直存在，只係以前呢個走焦誤差都在可接受範圍，而家變咗走少少都不能接受啫。
================================================
你呢個就係原因, 以前我地去影相, 就算是沙龍比賽, 都係選幾張出來, 然後晒大佢, 而o個時用135菲林, 菲林要錢, 所以一次都係影得幾十張, 選得出來比賽既, 都已經千挑萬選, 咁點會選到張對焦有問題來放大, 而且微粒又粗, 所以唔覺得佢對焦有問題. 現在數碼, 下下外影幾百張相, 又張張用電腦一按就放大晒,所以o的走焦情況出晒來了.

其實係八十年代尾, 當canon出了超聲波馬達, 其實大部份影友主要都已經係用自動對焦.

用呢個想法, 你就會知點解上世紀, 其實canon其中一個技術係眼球對焦, 點解現在相機又唔出?

[reflexboy]

我想再提出嘅係，大家點樣會知道自己鏡頭有無所謂走焦先？個別一兩張？並唔係咁樣！係成組shot反映出來你先會知！如果有呢個問，你睇完三十六格後，有三十四格唔得！相信大家亦會起懷疑心掛？

此外，canon無論製造或維修，都有先進儀器幫助，佢地講所有野都話數據咩數據咩！咁係咪應該製造時有一個既定標準先？如果有嘅話就根本唔應枝枝都有唔同！再講，cal鏡要留低自己部機，即係代表你嗰部同佢地嗰部出來嘅數據唔一樣啦！啱唔啱？

[lmichael]

其實走焦問題, 好睇你影什麼, 如果主要影風景, 其實好難察覺對焦準唔準, 影人像, 其實又好在乎係光圈幾大同埋距離有幾遠, 影微距就要求好高,如果唔係成日影微距又唔係成開大光圈, 如果走焦唔係好嚴重,其實唔係好覺.

以前影菲林, 影人同影風景多, 打蝶影微距少, 就算係影微距, 當時教都係用手動對焦, 細光圈, 而且當時亦無咁多人用O的大光圈鏡, 加埋當時又點會36張相都攞去放大, 其實135放到12R, 就已經幾粗, 有少少對焦唔準, 其實好難睇到. 講你都唔信, 當時有O的副廠, 佢個自動對焦居然有虛位........


講O下CANON DSLR先, 其實佢既DSLR, 我用過300D, 350D, 400D, 450D同5DII, 呢幾部機, 走焦比較嚴重既, 其實真係好嚴重, 就只有350D, 而且有350D既朋友,幾乎個個都有同感, 只係當時數碼單反仲係新O野, 唔係個個有留意, 其他O個幾部, 我覺得呢個問題唔係好嚴重. 特別係夾返CANON鏡, 呢幾部都無話走焦.