[hkbeer]

請問其實校機身的exposure, 機械部份會作乜改變 ?
因為如校 快門,光圈同Iso 呢3樣野我比較易理解

但set 唔同exposure 機身係做左d乜呢
我想知呢個exposure setting 後製容易同樣地做到嗎

如可的話
因為通常捕捉時間太短我就唔花咁多時間在機身set了

[hkbeer]

請問可否指點一下

Thanks

[九龍人]

那是在自動或半自動模式下用的,例如P mode,光圈先決,快門先決或Mode下用auto iso時.因為唔係你同時控制晒光圈,快門及iso.當相機測光出現偏差時,你就可以用呢個方法去微調.例如用光圈先決,相機決定的快門速度過快影暗咗,你就可以用呢個方法唔相機快門慢翻啲.例如用快門先決相機決定的光圈太細影暗咗,就用呢個方法叫相機開大啲光圈.所以在全手動下,包括iso,這方法是不生效的.

[hlcmarco]

hkbeer兄師兄:
機身曝光數值,是有一個內定基本數據.
但這個數據,並不能一本通書睇到老,要因應唔用環境而自行作出修正.
就正如測光系統見到拍攝畫面有大量白色的時候(例如:婚紗和雪地),
相機會誤判過光,根據設定的ISO值而調節光圈快門的數值而變成有所under.
反過來說,測光系統見到拍攝畫面有大量黑色的時候(例如:黑色的車或大件黑色的物件),
相機會誤判弱光,根據設定的ISO值而調節光圈快門的數值而變成有所over.

更甚者,有人以為在M Mode時,不會有加曝或減曝的情況發生.
不過其測光尺依然顯示曝光數值,中間位置,就係相機測光系統內定認為合理的曝光指數.
你可以因應經驗而測白加曝,測黑減曝的方法去自行修正測光系統的誤判.
在自動、程式自動、光圈先決和快門先決的情況下,你重新構圖前要用曝光鎖去鎖定數值,
否則個測光系統是會不斷運作,你若果不用曝光鎖,當你重新構圖後,個測光系統又會改變光圈或快門的數值.
至於M Mode是全手動,相機不能修改輸入的數值,所以曝光鎖的理據是不成立而無法運作.