[iso100000000]

就快出發，唔好帶咁多嘢，好好慼受吓當時的氣氛，照片唔係代表一切，就算比你映咗100GB又如何，回憶，一張就夠，其餘在你腦海中。

提議:凡是都是一，一機，一鏡，一閃，一腳，一袋，一張32GB咭 (若干年後.....)

[常識顯像管]

祝旅途愉快 x 2

[jazyee]

祝西九旅途愉快

[hlcmarco]

iso100000000師兄:
你真係好有記性,亦好有我心,多謝!
海螺溝一役,回港後與親朋戚友分享相片的喜悅,至今亦覺無悔.

工作方面,只要返埋今晚的通宵班,就已悉數完成手頭上的所有工作,
可以全情投入即將啟動的西藏之旅.

配機配鏡方面,亦令我進退維谷......
早前有港人在西藏出了事,高原反應異常致命的問題,令我更加顧慮自身安全.

但西藏之旅,是我人生的一個極大期望,如果做得不好,我怕會有所遺憾.
輕身上路,是首要的問題.
所以我決定只帶一部D90單反配直度連雙電池,再加一部DC仔S90配潛水殼便算(怕落雨,兩手準備.).
SB900外閃就當然少不了,微型三腳架只帶一支.

至於配鏡問題,令我極頭痛,
C記鏡頭我就夠為全面,但機種多為大機,有點難於取捨.

所以,我唯有在今日中午時份,到旺角蘇寧鐳射買多一支N記遠攝鏡.
現在已執拾好鏡頭了,總數我只帶三支,亦算可以輕身上路.
Nikon AF-S DX NIKKOR 10-24mm f/3.5-4.5G ED,(超廣角端已認為足夠.)
Nikon AF-S NIKKOR 24-70mm f/2.8G ED,(這個中段範圍,有支大光圈變焦鏡,始終較為有利.)
新買的Nikon AF-S DX NIKKOR 55-300mm f/4.5-5.6G ED VR,(標準端至遠攝端亦覺足夠.)
這支鏡的重量,較小小白和大白輕身不知多少倍,質素當然是差左好多,但世事總是一得就有一失.
取捨取捨,有捨才有得.身體健康安全問題,始終是最重要的.

一個普通的Lowepro背囊,亦已可以把全部裝備妥善安放,確實可以做到輕身上路.
帶多幾張大容量的記憶卡,手提電腦亦唔使帶去西藏了.

最後,亦要多謝師兄的關心,旅程歸來自會貼相,請放心!

[wllui]

一機一鏡.....重有，一百字好啦

[Peterpan2046]

Marco 兄,

凡事量力而為, 小心當地天氣, 我有同事去西藏旅行, 因不適應高原氣候, 在旅遊車暈倒跌地, 撞穿頭, 在當地留醫幾日, 成個假期在當地醫院渡過。記得帶足夠藥物, 預防高山症。祝旅途愉快!

[simonyeung210]

iso CHING 你真係好有記性,祝hlcmarco Ching 旅途愉快post D 照片分享是我的一個極大期望:D

[hlcmarco]

wllui師兄:
我回貼,只會用思想去打字而唔會以字數去打字,但到最後就會做個字數統計.
好多謝iso100000000師兄和各位師兄積極回應,令我喺上次海螺溝旅行一貼中,
總共打了一萬八千多字,確實始料不及.
有時自己睇返,都有少少覺得自己長氣,唉!年紀大了,說話總有點囉唆.

Peterpan2046師兄:
多謝提點,十日前,有個港人跟旅行團去西藏,就係因為有了高原反應,結果係有命去,冇命返!
去旅行而已,唔係搵命搏.
西藏確實是一個險地,雖然,我明知上有虎,但偏向虎山行.
但家有妻小,總是有點顧慮.

否則的話,我都會重裝出發啦;點使臨陣招兵,在昨日開車去旺角買支遠攝鏡呢.
今回真係唔敢乜嘢雙機三機同行了,命仔緊要.
紅景天藥物在上次海螺溝之旅已買定,今回又正好用得著.

今回旅行過後,會做返一兩個月工作,儲夠盤川,然後就孭個背囊,輕身到中國各省流浪一個月.
真係好嚮往流浪的生活,有道是:讀萬卷書,不如食萬寶路,哎呀,唔係,唔係,應該係不如行萬里路至啱.

人生苦短,可以隻身自由自在,無牽無掛地去傲遊闖蕩,夫復何求?
當人生快要去到盡頭的時候,總想綻放最後的餘暉.

simonyeung210師兄:
放心喎,我有命返嚟就一定會貼相,冇命返就另作別話.
唔知點解,今年忽發奇想,好想好想去西藏,但我亦深知西藏凶險,所以就以海螺溝和四姑娘山作備戰預習.
點算就人算不如天算,海螺溝就去到,四姑娘山就因政局出了問題而令到我鎩羽而回,頗無奈!
去西藏,有歸西、藏身之意,不太好兆頭.難道真係冥冥之中有定數?

係呢?師兄,我睇你這個回貼,怪怪地,好似用抄貼,然後稍作修改式回貼喎,可能係我多心啦.
明天要出發,還有很多隨身行李要執拾,不再多寫,就此擱筆.

[kin7944]

hlcmarco 兄~~你終於主動提出貼相了!! 真的很期待你的作品~我在這都祝你一路順風~盡興而回~

[wllui]

真係左服左你... 長氣無罪的, 做咩都好, 萬寶路少吃為妙