[lmichael]

有O的雜誌會寫呢O的評測, 又會有人信, 都真係好笑. 本來想回文, 不過呢O的垃圾評測成日見到, 都係開篇文章踢爆佢.

http://s1092.photobucket.com/albums/i415/HKmagz/5DII%20vs%20Nex5N/

呢O的文章呃O的影齡淺既影友就得....., 等我踢爆佢.

其實佢應該用多部DC仔做測試, 結論都會係同FF差唔多.

1. 佢用什麼檔存取先?
RAW同JPG已經差好遠, FF既機器, 就係細節比較多, 但係一用JPG存, 那很多數據就會失去, 呢O的APS-C一樣, 但係佢原來就無咁多細節. 所以如果大家都用JPG直出, 其實已經唔科學.

2. 佢點解用O的咁正常既用光情況下做測試?
大部份既照相機, 無論DC定FF, 有百份之八十既時間, 其實分別唔大, 即係同你眼見到既影像, 分別唔大, 如果同眼見到既影像分別大既話, O的普通DC就無人買啦, 大家又想一想, 唔通FF影出來,又同我地見到既影像分別大咩? 咁什麼時候分別大? 大家想一想, 影開照片都知, 逆光, 反差大, 夜景, 高ISO, 係唔係? 咁點解呢O的垃圾文章, 居然無呢O的咁重要既比較?

3. 佢用部什麼印刷機, 點解無講?
大佬, 你印出來, 但你部印刷機既SPEC太弱(其實好多雜誌都係), 咁對FF又係好唔公平, 你試下用張普通白紙印OUTPUT, 你其實不如用部電話影相同FF去做比較, 化到一舊, 都係一樣.

如果你影一張相, 日光, 順光, ISO100, 光圈8, 你試下用IPHONE,又用你部單反影出來, 然後用你屋企部PRINTER打印出來, 睇下有什麼分別? 會可能會問, 點解要買單反?

要真正比較, 應該用比較幾部機, 順光, 逆光, 日落, 晚霞, 室內都用RAW影幾張, 再用最跟機軟件既中間數輸出, 用TIFF上載, 等大家下載再作比較.

APS-C用過, FF現在用緊, DCPROSUMER一大堆, 話APS-C同FF差唔多, 係超ON居.

[ninpee]

市場反影一切，睇班攝記遲係咪轉晒用機仔跑特突發、跑新聞咪知囉！

[新手之手]

唔好意思......小弟唔明同班攝記係咪轉用機仔跑特突發、跑新聞有乜關係??

我記睇過一篇文章有關世界級體育拍攝, 提過刊登與否往往是取決於, 能否快一人步送到報館, 相片質素並非最大嘅考慮..........

[lmichael]

咁你有邊張經典既新聞照片係, 因為快一人步送到報館, 相片質素唔得既? 舉個例睇下.

其實如果狗仔隊影張柏芝偷情, 影到樣就得. 唔係有攝影技術O架.

[kingkonghk]

我唔係咁睇， 例如43機， 1200mp, 影1:1放大率係會細節多過1200mp ff 135機

同樣， 2400mp apsc, 細節應該高過2400mp ff

只係驚d鏡頂唔住

[新手之手]

lmichael ching, 你係咪問我?? ^^

之前有ching講緊係.......班攝記係咪轉用機仔"跑特突發、跑新聞", 並非係"經典既新聞照片", 所以當中相信係有分別嘅~~~~

至於"經典既新聞照片", 應該都唔係以相片質素並非最大嘅考慮, 反而係能否抓住令人動容的一刻, 就如經典中的經典...Times Square Kiss

[新手之手]

lmichael ching,

唔好誤會, 我之前嘅意思係指相機質素好壞, 並非決定於有幾多攝記用嚟"跑特突發、跑新聞"!! ^^

[lmichael]

能否抓住令人動容的一刻
=======================================
我都係討論下,

無錯, 就係呢個係重點, 其實相片質素, 主要就係講呢樣O野.

所以其實好多專業相機, 就係以呢個為目標, 頂級FF單反, 就係以呢個為目標, 大光圈, 高速連拍, 高ISO, 低燥點, 都係以呢個目的.

不過我真係見到好多香港記者, 現在都係用DC仔影, 普通記者兼做攝記, 真係行業既倒退,

[wllui]

香港記者, 現在都係用DC仔影... 一半半

D細報根本請唔起獨立只影相的攝影記者, 好多仲要採訪兼攝影, 尤其係財經記者, 唔係識影相就可以做記者的, , 叫佢地的住部一仔仲慘, 邊有手呢? 用DC唔一定係行業倒退GE, 又要專業機又要採訪, 要2個人, 相機唔係貴, 人工貴

[look_yau]

>>細報根本請唔起獨立只影相的攝影記者, 好多仲要採訪兼攝影

some need to do video too, on top of taking pictures -_-!!

[photowing]

雖然我都信絕對係善搞
但報導失實內容係犯法
又唔係名星邊吸引到咁多績者啊
唔敢後製去推佢

可能你無入去e-zone.com睇過
所以先咁講
佢地都有原圖下載
鬥性能又唔係鬥後製
直出jpg係好平常的事情

輸咪輸羅做乜咁唔低得
科技日日都進步
又唔係鬥對焦速度鬥鏡群
你都想canon出部勁機0家
用家有福之麻
http://www.e-zone.com.hk/watch.php?pid=4221&type=photo&cat=1&id=1107&documentid=19774
香港有商業法唔似國內,如果做假會比同行或被低估的品牌告


突發新聞如果用機仔?
可能我睇蘋果動新聞太多啦
佢地好多時都係用DC去拍短片
有時一take過怎至拍到其他報館都係正在用DC拍片中

[新手之手]

我見過"蘋果動新聞"啲記者(一男一女), 仲幾乎俾佢影.....

我見採訪女仔用入門單反, 而個男仔用似DV嘅物體四圍"掃", 同拍個女仔採訪!!


最近亦試過响銜遇過"經濟日報"記者, 兩個男, 一個離遠用小白隊住影, 影完另一個先走過嚟訪問!!

經驗之談....如果有個記者走埋嚟訪問, 其實好大機會佢之前已經影咗你!!

[Xavierlo1679]

同上師兄....樓主係出於善意!!!

新手有心學我都覺得唔係睇一兩編D D 垃圾就可以算...
功課係要做得足既...
如果睇得一兩編稿就信哂...咁某程度都抵俾人昆...搵自己笨

機...小弟不談...講真真係多 9 餘....自己中意就得啦
講真...又有咩機係= 皇道??
如果新手....一開始就俾上網既 DATA 洗腦洗到用FF先叫攝影....小弟仲覺得係誤導..
點知真係唔常用唔識用甚至只有三分鐘熱度...付出既金錢好似仲多過DC or APS-C
咩機都有其市場...如果唔係就世界只有FF了


之前小弟係做突發的(E + 唔係...搵食辛苦)
....機...都係公司俾....
DC/單反...一半半啦....講真...真係拍片多過影 @ 室外...片可以CUT圖出黎...有時影唔到交唔到貨仲死.....
室內就影相多...不過都係9閃+舉機盲攝多...

講到得獎既新聞照...明報圖片總編既張景寧先生都得過獎
構圖係劉曉波先生在車上伸頭同手出車....用手輕撫其妻子的頭
意景好到位...機都係用 Nikon D200...唔係 FF...張景寧先生上年就係中文大學新聞高級文憑教新聞攝影(Part time)....今年就係恆高學位課程到教(Part time)

新聞相片...質素真係唔重要...能用圖片表達感覺 + 實時情況更重要

有時真係要諗諗....機+鏡甚至燈...就一定要「一步到位」
咁...意景...又到唔到位呀(小弟就唔到...SO我唔係用FF)

如果真係要幫到新手既師兄...我情願佢地去各大 Show Room 試玩
Nikon 係旺角
Canon 係尖咀
SONY 海港城同沙田鋪又得玩
好過睇 D D 咩心得同評試(各人要求不同)...仲晒心機晒時間

[wllui]

'輸咪輸羅做乜咁唔低得'
唔同鏡頭已經冇得好比，唔係唔低得，只係連讀者都覺得好唔專業
同鏡live view手動對焦，就係咁簡單

[小小生]

須然我係Sony用家
都覺得唔同像素的相,放大100%比係冇意思
因為我的100%都唔同你的100%
要比就晒張大相出來比