[iCatchU]

大家忘記左考慮handling問題.....入門同中階，中階同FF，FF同高階，各層有好大分別...

[iCatchU]

千紅ching，DIGIC5 同 DIGIC5+ 係完全唔同，比DIGIC4快17倍係5+，唔係5。

[Eddie1008]

乜嘢「FF階」呀?!

[iCatchU]

有關processor可參考以下...

http://learn.usa.canon.com/resources/articles/2012/digic_processors.htmlp

[Eddie1008]

iCatchU ching, 咁650D, 60D, 7D, 5D3, 1DX 又係乜階打乜階…請問？

[Perrylau]

C hing 係咪即係入門機用L鏡都係影吾到靚相。我本身用600D正想考慮買24L. or 1635L鏡。吾該.

[nwt15]

講到曉飛都冇用, 樓主其實你係唔係想upgrade 呢? 如果係, 咁咪60D 囉... 如果只係想繼續操住技術先嘅, 買邊部都冇乜所謂...

不過都係嗰句, 上毒氣室揸過上手先啦, 睇住一大埋spec., 講一大堆理論其實意義不大... 小人都知我講完=冇講, 只希望樓主揀到一部啱心水嘅架生啫!

[Gabrielo]

見個標題咁吸引，小弟雖然未用過60D，但都稍稍爬吓文，覺得用「50D vs 550D」 嘅睇法嚟比較「60D vs 650D」嘅差異，可能會唔係太適合，因為60D真係唔太似係50D嘅後繼機，咁樣比似乎唔係咁公平，容許小弟無責任咁推薦650D一吓，然後講講小弟嘅謬論。

首先唔係太客觀咁分析一吓，由2003年2月嘅10D開始到2009年3月嘅450D，無論中階機定入門機都係每18個月左右會出一次後繼機，而由40D開始縮短period變成不足13個月出一次新機，連帶入門機亦有所改變，450D到500D係咁，500D到550D都係咁，甚至550D到600D都係，偏偏50D到60D之間相距接近兩年，反而喺50D開賣11個月後先出細嘅7D更似係50D嘅後繼機。50D同7D一樣，都係合金機身用料，都有PC端子閃燈同步，而60D改用膠造，PC端子閃燈同步取消咗，甚至連連拍速度都仲要俾50D慢，加上定價60D開售價足足比50D嘅開售價平上300蚊美金（1399vs1099），60D真係唔太似係50D嘅後繼機。

而客觀啲去睇
首先「50D vs 550D」：同樣都係DIGIC 4，開售價係1399 VS 799.99，開售日期相距又短，僅相差506日，雖然絕對唔係唔係同期產品，但相同處理元下，開售價又差得咁遠，為咗分清入門同中階嘅界線，50D贏可謂應份嘅。
而到「60D vs 650D」：前者係DIGIC 4，後者係DIGIC 5，開售價係1099 vs 849.99，不單從價錢上睇得出定位差異少，而從兩者開售日期相差嘅長度（635日）嚟睇，60D可謂已屈退役之齡。喺咁嘅情況，用60D嚟去同650D哩啲後生仔去比，小弟會揀個後生仔。

[wenuslei]

GABRIELO兄 : 你所講選擇後生仔，相信好多人都會咁諗，正因為咁，想乘機升級嘅我，就變得迷失去向，因為初出芽蘆嘅後生仔規格上，竟然可以好過中階機

[siusiusiusun]

其實真係睇你自己有無需要以下野

機頂MON (好過睇LCD, 食電) .
較快速既最高速快門同較快速既閃燈同步速度,
雙轉輪, 8向方向鍵,
拍攝前自訂色溫度數,
較堅固既機身(60D 變左膠但仍然比入門機好, 以往40D 50D等都係金屬BODY),
防塵防水滴,
更換對焦屏
較快速既連拍速度 (印象中好似比之前40D 50D 慢左(?))
較耐用既電量等等呢D 較晉級既野,

無以上需求既話650D搞掂, 特別係 650D 比以往入門機多左中級機既對焦性能已經比600D或之前既入門機型咁著數. 仲有個TOUCH MON....如果你鐘意用..


DIGI4 定DIGI 5 個差別其實好微

[叮噹仔]

其實樓主除左睇spec之外,
都可以睇下反應, 控制, 雙碌, 雙screen 呢D中階同入門既分別,

唔好下下話舊野唔夠新野科技好,
科技日新月異, 比錢買你想要既野吧~

[Gabrielo]

600D 都有對焦屏可以換，650D應該唔會無掛，可能係未出啫。

不過4S兄都講嘅嘢，小弟都好認同，無以上需求既話650D真係搞掂晒，唯獨其中嘅「雙轉輪、8向方向鍵」就如叮噹兄所講「反應、 控制」，哩啲真係要上毒房感受吓先可以有結論，因為操控真係好個人。

[Gabrielo]

另外小弟有個好主觀嘅睇法／妄想，純粹吹水咁吹，不喜勿插。

未來70D會返返去接近50D嘅開賣定價，並且有返合金機身，非常顯著嘅效能提升，而且會喺年底前發佈。

小弟有咁嘅妄想，係因為覺得60D不過為調整成個產品線而推出嚟試水溫之作。08年出完最低階嘅1000D之後，09年推出最高階嘅APS-C機 7D，一下子APS-C變成有4條line，但似乎canon喺產品橫向發展後，未能為中階機搵到一個好好嘅定位，40D到50D隔一年，450D到600D都係每隔一年，但50D到10年60D開賣足足隔成兩年。一係50D功能太好同價位無敵人所以延遲公佈60D，一係都唔知點為60D定位，功能大提升，又影響到7D嘅銷情，但功能唔強又唔吸引，所以多用一年時間觀望過後，決定60D大副減300蚊美金再試水溫。

而家，仲有兩個月，到9月18日60D就兩歲生日，70D應該係時候出嚟接班，但可惜70D仍然未有消息。

講到哩度，好似同樓主揀機毫無關係，但諗真吓70D真係要出會係咩價位其實同樓主可以息息關係。今日先公佈嘅無反EF-M，22mm kit set十月開賣799，一個頗進取嘅價錢，大部份spec同650D同出一轍，係canon APS-C上面嘅第5條Line。如果部EF-M唔係咁樣衰，個EF-mount又唔兼容EF-S再加上無EVF，以佢嘅體積同價位，對未用過單反嘅用家嚟講，賣799美金嘅入門單反其實真係無頂企。不過眼見一路賣799.99嘅3位數系列嚟到650D改賣849.99美金，可能Canon 已經早早為哩部無反鋪路，3位數系列由入門機變成小中階，免得重覆客戶層，所以700D有可能會更續加到899.99。咁雙位數系列喺哩個時候，亦無可避免地重新定位。

如果小弟嘅妄想成立，年底70D真係會出，並且更強更貴，到底60D跌得勁定650D哩個後生仔跌得勁呢？如果今日揀60D係要補錢嘅而650D唔駛，揀650D嘅話既可慳錢買鏡亦可留返啲彈藥未來升級，就算70D唔能夠年內順產，點都會早過700D出，考慮到未來升級時，自己部機嘅放售價格波動，小弟覺得揀650D會較為有利。

但當然，一切都係小弟齋吹，完全錯晒都唔定。不過，成日有rumour 話7D會變FF，其實就係因為60D定會含糊，APS-C太多條Line所致，而家連部EF-M都係APS-C嘅時候，最需要被開刀改款嘅就係出咗好耐嘅7D同50D哩兩部中高階戰線。所以都係嗰句，考慮產品線調整時，自己部機嘅放售價格波動，小弟覺得揀650D會較為有利。

[新手之手]

其實我唔係太buy Gabrielo Ching 嘅大膽假設, 不過有一點小弟都有啲同意, 當年7D 出咗, 的確搞亂咗Canon APS-C 個戰線, 尤其好似貶低咗50D, 亦令討論區多咗好多入門機Ching問....升級後繼機好....xxD 好.....定7D 好??

會唔會都係時候再整合下......所以用番650D 策略上都係明智, 當然有Ching 可能話...影相啫,,,策略係咪咁重要呢?! 的確, 呢啲就要自己諗諗喇~~~~

[千紅]

g 師兄打字勁過影相!!


點先可以打甘快?

好像快過我講甘..