[afriwong]

嘩！攪咩打杖呀！以和為貴，大家開心！我喺08年學人影相，出咗部40D，覺得好好玩，10年個仔出世，我知頭半年都不宜用閃，一定要比較高ISO先可以確保不鬆郁曚，我決定換部5D2，錢我仲有幾十年可以慢慢搵，何況只係萬多元，我並非有錢人，只是覺得呢筆錢絕對洗得有價值，正所謂有錢唔至在，而冇錢亦唔爭在，細路出世之後真係可以用多好多錢，所以買相機與否根本冇影響，但影出來的相我其實都覺得辜負咗部機，因真正用得好的人真的影得非常非常靚，但不用鬆郁矇，高ISO也可低雜訊，有得玩下前清後曚基本上我也滿意了，而差不多兩年後有5D3，我就把5D2賣了超過一萬元，意即我在差不多兩年用了幾千元玩相機，影咗萬幾張相，差不多日日都有用下，我覺得勁平，咁我為何轉5D3？其實一定係個對焦，由一點十字變41點的確有啲相以前影唔到宜家影到，我個仔就來兩歲，無時停，凝固到佢跑過來的動作表情仲玩埋淺影深又幾得意，呢刻要用旁邊對焦點追焦5D2真係未夠好，至於1D4，個人認為太重了，其實5D3加埋支鏡到了我的極限，尤其我好多時出街都會掛在身，1D4我相信我冇本事成日掛頸，而且我技術未到家，用5D3其實也有少少過份，用1字會俾人笑，所以就用5D3，題外話，我加了支40mm，輕到我覺得帶住部5D3四圍走也不覺累。

[wllui]

小朋友, 我都有, 我唔覺機身對焦速度有好非常大的關係, 當然好要睇你個小朋友究竟坐唔定的程度去到幾嚴重, 下下都快閃的話, 你要的是想如何控制個小朋友俾你影到, 而非只在想用乜機

至於價值問題, 見人見智了, 教育值唔值得投資呢? 為人父母和未做父母的想法很不同的

我不敢話邊部合影小朋友, 但會覺得1D4不在選擇之列, 何不想二手D3S? 1D4都係合記者/打雀用

[nobody123]

無論如何..楝邊部都好....近排個討論區有適量的摩擦好睇左...哈哈
Gabrielo ching真係實戰派講得中有小孩子的實際情況
千紅 ching就初生之犢講器材非絕對論...都好正........
其實攝影先是由心出發...先對主題有(愛)(感覺)才記綠下來.....然後就正如 趙嘉 老師在頂級攝影器材一書所言 [不可能讓一張差照片變成好照片，但可以將一張佳作提升為絕佳之作。] 加多句[沒有最好..只有更好]......技術愈好..若能力範圍內應選合適的器材去幫助自已影得更好

[XexeX]

就算當佢地擰歪面，擰前一剎那 <= 你子女唔介意呢一刻你影唔影倒，佢想你影個時自然會俾你影。當然，影到「一剎那」及「條窗簾罅俾你偷影」之後，滿足感會高D。
我未係老頭，仲未感受到，暫時影家庭相都係為記錄，如果有一部高ISO深景深o既機就好呀。

[829036]

Gabrielo 鬧得太好, d 人細路都未有都夠膽差隻腳埋黎 XD

我用緊60D 諗緊5D3, 5D2完全唔會考慮, 中間一點?我中間對完蕉想構圖我個女已經走咗去第二道啦......

除咗技術,環境都係大問題,屋內用支30 1.4都可以去到 ISO3200/6400既話你可以點?都影到,d 相唔靚囉,唔靚都算,快門唔夠快先死,review番岩岩影完果連拍10幾張,呢張唔望鏡頭,果張又斬咗眼,呢張掂啦掛,小,d 手腳變咗形既-_-"
飛燈? 咪玩啦我支580買番黎用得幾次咋,飛燈咪一樣強光,只係唔係直射咁解者

果d 影慣靚摸企定定,影花影草影景果d 真係唔該彈開咪咁多偉論
你地影野可以慢慢諗構圖光圈快門preview唔得再黎過
我地呢d 真係無take 2

上5D3係考慮重量問題, 1D唔會考慮啦太重

[JasonMan117]

一切都係講平衡...
如果收入許可...用好d又有什麼問題...貴唔貴只係對人...是無一定standard的

[JasonMan117]

Forgot to answer... I will go for first hand 5d3

[Ciwhy]

算喇。

理性嘅數據分析係好，
但係以自己角度嘅理性某程度係偏見。

況且，樓主都唔見咗，有咩好拗？
或許係覺得自己係錯嘅地方問問題。

[ncychan]

器材問題上，各位前輩師兄給的意見定比小弟好。

nobaby123 和 wllui ching 的小朋友相片好靚，小弟時常有看及參考。

我無心慕犯，只是不值有人「亂唆」一通；佢自認敗家，未學行先學走。現在又五十步笑百步，話影小朋友和家人只需要是是但但就算，不要做「敗家」父母，更教人蓄教育基金；更話樓主＂用來買虛榮！！＂（7月23日寫的）。

一個影了兩個月相、器材先決到要寫「敗事悔改書」、從未影過小朋友、且未入社會做事和未成家立室的大二學生，用「偉論」評論＂錢還是多個旁身更好＂，倒過教人同問＂究竟這是真的需要，還是只是一個籍口＂＂而係這個理由＂有沒有需要（必要）去（特別）入部機王！＂

有人用手機，DC, 無反，單反，FF，中底，大底去影家庭照（我地細個時兩、三年才隆重地有機會去影樓影家庭照，現代太不懂珍惜眼前人。），佢憑甚麼去批評地問這些問題呢？佢都未成家立室、未為人父母，未能體會作家長的心情，郤偏偏亂講一通，扮大學士亂叩人帽子！太幼稚了！

說實話，這些問題佢只可比問返佢自己，作反省、檢討；而佢無資格去問別人。

樓主只是簡單地問$30,000 買5D3定1D4去影2-4歲小朋友, 何來有人東拉西扯、胡說八道地扮人說教＂育兒心得＂ 。

社會上越來越多人濫用＂言論自由＂，每事都無視其他人的感受，大嗚大放，其實根本就是一派胡言、丕理！

回說5D3, 小弟用了四個月，影了4K 張相（之前5D2 用了兩年才影得8~10K相另加DC)。上高山、下海灘，去家人朋友聚餐、探訪和遊覽活動，都機不離手（另外囝囝也拿DC一齊影）。我同囝囝和家人邊玩、邊拍、邊看相。千金難買一刻童真；親朋歡聚喜樂無價。

用自己理性、合理地非「敗家」地買得其好，用得其所。有何不可 ? x DDD

[sandmok]

ncychan CHING, 支持你, 小弟都覺得個位敗家CHING成日鑽牛角尖, 仲要打倒昨日既自己tim....自己過左海就神仙, 站在高地...

[wllui]

我沒有POST太多我小朋友的相, 況且我都唔覺得靚, NOBODY師兄果D真係叫多靚相!

好多師兄都係好心提醒樓主姐, 有BUDGET又有錢的人, 多的是

其實影靚相我拍馬都未能算靚, 因為我女多數係俾D專業攝影/錄影拍攝, 貨比貨, 自己影果D都係收埋算, 佢地用的機多數速度唔高, 對焦多數係手動, 攝影/導演專唔專業, 多數看佢和小朋友及助手的溝通能力, 技術其實好多人都有.

有時難免都被廣告洗腦, 消費主意主導, 我都知我能力/財力所限, 沒有可能達至咁高的水平, 所以都不追器材了, 況且CANON廣告都不是由CANON機拍出來的@@...

[crazybean]

哈哈... 同你一樣, 父母心態...

明知影樓用嘅器材同自己嗰套差不多, 都係5d2/5d3, 24-70, 35, 50, 但點都要花幾千元去影樓影罐頭相, 都係為咗幫小朋友留住難忘一刻, 做過紀念啫, 不過都總算可以俾息影多年的爸爸重登螢幕啦

[wllui]

影樓罐頭相.. agree, haha
果d我都唔會去

[Ciwhy]

睇黎火藥味散咗，多咗陣“父愛味”~

[千紅]

感受到...........