[mluk06]

昨日約好網友六点半响旺角地鐵近服務中心交收一支镜. 我不出站, C hing 亦不入閘. 當我俾支镜C hing 時,突然有兩個黄色制服(一男一女 同一個穿灰色獵裝男人) 走埋來, show 哂 pass, 好似差佬咁同我講 "'嗱,你剛剛交左件野俾呢個人,根據地鈇條例.我可以檢控你. " 我即刻好大声問他咩條例, 我唔知原來响地铁唔可以俾野人嘅咩. 佢話，" 地鐵範圍內就唔得, 你出左閘我地就唔理, 乜你聽唔到廣播咩？" 我話 "呢度咁嘈，我乜都聽唔到"（事實係好嘈）. 佢俾我窒住，都冇咁寸，跟住個女人好聲好氣咁話，" 我地都係勸諭式啫，有乜野唔滿意，你可以同公司反映。" 我話，"你地咁唔work嘅，唔通我個女唔記得帶功課，我叫菲傭攞去地铁站俾佢，你又檢控個菲傭？" 佢地再重覆,有咩唔滿意同公司反映啦. 跟住冇出聲走左。

奉勸各位C hing日後晌地鐵交收，千其要小心，唔好咁張揚，隨時俾人捉住講耶蘇。（我又唔信佢會檢控） 有冇法律界C hing 可以俾意見,有冇條咁既例,唔可以响地铁交野俾人。Thanks !

[叮噹仔]

法例我唔識, 但肯定無你講果條例

但係地鐵範圍內, 佢地係會用地鐵附例去做野.
所以要查都要查地鐵附例,
例如車箱入面唔可以吸煙同飲食.

[mluk06]

C hing,
車箱內有哂告示唔俾吸煙, 食同飲野,違者要罰款,但我見唔到有告示唔俾人交收物件.若果有,違例罰幾多呢? 物件定義係指咩呢? 文件算唔算?以往咁多人响地铁交收( 唔一定交易),点觧冇人被檢控? 如果入左閘交收又得唔得呢?
(都係地鈇範圍). 若果得,即係俾左錢就得. 变相即係掠水?

[soonerorlater]

地鉄附例也是香港法例，只不過只在地鉄範圍內才可以執行。
上香港港鉄網站有全部附例列明，每個站大堂亦有，被檢控者也不可以話沒有告示話不可怎樣怎樣來作抗辯。
法例是死，人是生，除了一些危害公衆安全的行為，港鉄也很少會作出檢控，否則搞到天怒人怨。

[Ryeung02]

mluk06兄：我識得法律界師兄（我唔係），下星期二見到間下佢。

[dc795]

估一班正一死仆街如果成班古惑仔你估佢哋會唔會出聲,地鐵班仆街個個西口西面,問多句都唔願答份糧又唔係少喎,俾人小係人工入面包咗架

[jazyee]

試想如果D奶粉黨係旺角地铁交收都幾大鑊
點只天怒人怨.....

[mnopqcks]

上面位司兄話一定無呢條係錯的
因為根據港鐵附例係站內範圍內交收實則會被視為交易，基於附例包含站內不可擺賣/販賣任何物品，所以基於呢點，理論上的確係吳可以交收。

[robben128]

即係可以比嘢人，但唔可以進行買賣交易

[小小生]

係有這條例
以前係針對小販,很少向其他人執行
早幾個月開始因為水貨客問題而加強執法

[mluk06]

多謝咁多位C hing嘅意見。但問題係條例唔想D乘客利用地鐵站做買賣，呢點可以理解，目的係打擊水貨客，只不過佢條例唔清唔楚，亦有grey area,
正如話我交件野俾個C hing, 佢無睇到我收錢，咁拉唔拉得我呢？
重有佢條例係點有冇人知，究竟係唔可以交易，唔可以交收，抑或唔可以轉交，or 唔可以deliver（傳遞），等等，地鐵有無清楚列明？而且佢好清楚話明範圍以外就唔管，即係你出左閘就OK,即係變相屈你錢。
我坐地鐵，其中一個好處就係可以晌車站交收物件，屬唔屬於交易，係另一個issue.即係當場俾錢閘外人就犯法,入左去俾就冇問題. 係咪咁解釋?

[sunboy1711]

師兄, 先想問一下妳, 如法例內說明站內不可擺賣/販賣任何物品, 基於以上一點, 文字上好像已經例明左係不可販賣任何物品, 咁妳覺得妳有否犯法?

[h0001244]

好似係有這例的，不過好少執行。

但各位要小心的是要分清這個人是否操流利廣東話，因早前有人遇過隨地拋垃圾跟手有個大陸口音的人話要罰款，仲要即磅，好彩個個人醒大番佢轉頭，就知難而退了

[mluk06]

其實地鐵要首先要張貼告示,加強宣傳乜野活動係唔俾，好似樓上 C hing舉例小販活動，公開兜售，一定禁止，檢控。 但交換物品 (唔屬於販賣)，完全合法，只不過地鐵覺得自己地頭俾人免費做左交易平台，為左杜絕呢d活動，但又覺得執行起來有grey area,於是所有交收都禁止。

基於好難介定which is which(販賣定交易係兩樣野)，所以執法人員只可選擇性勸籲，甚至檢控。見到疑似交易，就先作口頭警告，不過由於冇真憑實據，好難作正式撿控,否則上到法庭都可能俾個官鬧.

而且每個站派巡邏人員亦要成本，所以只可晌旺角等繁忙地區做野，其他闢靜d車站，則隻眼開隻眼閉, 條例亦形同虛設。

[mluk06]

Ryeung02 hing,

首先多謝你和你的法律界朋友,我只係想 C hing們有一個正式渠道交易二手物品, 因為上網買賣越來越普遍.如果入左閘就冇問題,大家就唔好慳個十元八塊,
心安理得做交易. Thanks again !