[青蘋果綠茶]

我係新手玩家, 但想學影相好耐 而家準則入手5D3 + 2470F/2.8二代 請問一下各位師兄師姐 係買機同買鏡頭GE時候要注意乜野? 有D咩問題係需要問清楚先可以買? 因為未試過買咁高端GE相機 所以好怕去到比人呃 麻煩各位過幾招比我旁下身!!

[yung2]

咁唔好買單鏡，因為咁重你係無乜拎佢出街的慾望！

新手買部功能齊全的DC或無反都一樣學到影相，

無時無刻部機都可以跟身，影得多先學得快〜

[Ryeung02]

新手玩無反已足夠。

[hippo722]

有無到過尖沙咀showroom試D 相機?
6D , 5D3 都試過?
個人意見,
如果影人影景,
新手6D 都應該夠用,
有無朋友有買機經驗?
有就搵佢一齊買啦.
無就上星際幾間大相機舖,
或者"三成"都可以,
買機時一定要對機身S/N NO,
睇下是否全新,
鏡頭有無塵,
試下對焦是否正確,等等
買了返屋企後就跟說明書慢慢試,
通常一個星期有壞包換.
無壞就開開心心影相.

[柒綠]

點解初初學影相，就已經鎖定咗哩個組合呢？

[iamshing]

我覺得一開始就買高端冇問題 如果比得起 買左覺得真係鍾意影相 你呢套野起碼三年唔洗升級 有排玩 又可以摸熟機能 唔洗再心思思再upgrade 但唔鍾意嘅話賣返出去又有價值

[ChiuChiu1970]

>>>新手玩無反已足夠
=================

非常同意 Ryeung 兄的意見，單從滿足新手"學習攝影"的目的，一部易於攜帶的無反已經好足夠，學習攝影，除了多看技術文章、多看人家的作品，就是不斷的實踐、浸淫，相機要經常隨身，有時間有機會遇到不同的題材都嘗試舉機拍攝，事後分析好壞，才可改進。一套5D3+24-70L接近1.8Kg，好懷疑樓主一個月能帶出街拍多少張照片。

>>>我覺得一開始就買高端冇問題 如果比得起 呢套野起碼三年唔洗升級
=====================================================

只要駛得起錢，當然買什麼都一是問題，但就不敢苟同"起碼三年唔洗升級"，只要有興趣、有追求、有新器材出、又捨得駛錢，誰都沒法控制自己隔多久才升級。經驗告訴我，只有個別一些已絶版的、又確是無法代替的機身或鏡頭，絶大部份器材的二手價，即使唔忍心講話爛賤，但也無法說得上保值，尤其是機身。

[小小生]

要保值應該買唔係太多人用的品牌,通街都有的鏡一定炒唔起,所以要保值就唔好諗Canon
例如Leica二手舊鏡^_^
其實真正保值唔係任何器材,而係你影出來的相,一張有紀念價值的相可能係無價寶

[青蘋果綠茶]

好多謝各位師兄/師姐GE意見! 但係我揀呢個組合 都經過左好幾個月GE爭扎同考慮左自身條件 最後都得出左自己比較滿意GE答案 但因為身邊玩相機GE朋友唔多 我都唔想叫人地特登同我行去揀左揀右試呢樣試果樣 所以想試下自食其力係呢度取下經 因為怕到時乜都唔識試 買左返屋企發現唔對路又要走返去換 好麻煩

[小小生]

去D信得過的大舖買,可能貴少少,但有問題都有得換
如果你唔係好識試,咁樣會安全D

我自己有FF單反,又有無反
兩樣都會用,睇環境囉

[kennysansan]

新手一步到位要好有勇氣（同好有米），但無話吾得。只要肯學肯問，take 番幾個courses ，再練多D就一定得！

街鋪買會貴，去肥花或星際D大鋪，Cash 應37000 樓下
插鏡前，先向燈望望鏡內有冇塵，（試過見到有粒黑塵响入面）
可叫sales 升起反光鏡看看感光元件
插鏡後，試拍最近和最遠，zoom 出zoom 入順吾順，有無怪聲
用F2.8 和70mm 端、用中間一點AF，斜角度近攝雜誌一個細字，在LCD看看有否走焦
Lens hood 都要睇，試過見到有一條很長花痕

[hkkjoe]

近呢幾年數碼產品出得愈來愈快, 買機上機先真係CHECK清楚先好上鏡試~
首先當然係睇下機身有冇花, 機身號碼同保養證上面寫既岩唔岩
之後唔好上鏡著, CHECK下支鏡身有冇花, 開前後蓋由鏡尾入面對著天花望上去睇下有冇花有冇塵, 冇就可以上機身試機, 上左鏡頭最重要最重要就係睇下VIEWFINDER有冇塵, 呢個好重要, 我買6D時足足試左3 SET都係VIEWFINDER見到有塵, 如果真係VIEWFINDER入塵就點都吹唔走, 到時就唔好再比D SALES係咁吹喇, 要求換另一部試過, 如果係反光板既塵吹一兩下就會吹走左, 之後就好似平時買相機咁試下擰下支鏡, 對焦試下有冇OUT FOCUS, IS WORK唔WORK, 再試埋機身D掣就OK~~