[todyko]

多謝...多謝各位CHING推我一把!!!
以下係我今日寫既日記........


1月29日,星期三

新年新玩具…
今日終於的起心肝lunch去星際換機,
將部5D Mark II 放左佢,再買部5D Mark III
其實呢個工程我已經考慮左成年,
等到而家Mark II 仲有價有市,Mark III 又開始跌價既時候跳車

換左機夜晚同老豆晚飯,
急不及待拎埋支50/1.2L出去(唔拎閃光燈)食飯試機…
去到酒樓,WB我用AUTO,ISO推到2500,光圈用2,快門已經好夠用,
影出黎D相一睇… 嘩左一聲,D色唔會好似Mark II咁黃,
完全可以接受!! 而佢既銳利度有D似係日頭用Mark II影咁!!
真係勁左好多!!

之後我地去左行花市,
見到人賣會著燈既青竹翼,我見佢一掟上天空,
就隨手拎起部相機一影….
又嘩……..竟然完全中焦,仲比我影到一幅靚相,
佢既對焦速度絕對係Mark II既幾倍!!

剩係呢兩點我已經覺得我係冇換錯!!
第時影蜜蜂肯定好易中,好易買餐餸!!
呢部神器真係好掂,物有所值~

[todyko]

不過我都要講講,
我部Mark II放得7000咋........
不過行機Mark III我用Cash 價20300

[titus_chiu614]

恭喜師兄換到心頭好⋯EOS5D mark III真係各方面都比mark II明顯提昇好多⋯我用咗一年多到而家都好滿意冇投訴 ！

[h0001244]

todyko兄,唔好意思，未能趕上加入戰圈毒害你，不過你已毒發了......haha

5D3算是我第二部機，之前20D用上7年幾，買時未出5D，到5D2出時又覺得個focus同整體機能跟20D進步不遠，只覺換上了FFsensor。女友(現太太了)一直催促我換機5D2，羨慕嗎？從來只有拿不到permit的人，有幾多個有permit唔願upgrade的？等到5D3出街，2012 5月就買了，原全唔係果回事， FF, 強大AF, low noise，操控等.......查了5D3兩個月，有天拿回20D上手有如一部DC仔一般，那1.8吋係我先忍到....haha.....不過佢令我於攝影路上增長不少，應記一功

買5D3當天同步上50L，之前多見5D2人投訴50L但少見1仔人罵它，我心想跟focus system是有關的，當知5D3用1Dx的focus就知呢鑊係等待多年的時刻來臨了........

相信你上了5D3會發現好多大光圈仿如重生似的.......50L更見其威力吧！再次恭喜

[Ryeung02]

嗱嗱嗱, 再睇落去我都會毒發, 手上6D好快解唔到毒.

[todyko]

h0001244 CHING…
其實我都唔難拎到Permit, 因為我又唔玩車,又唔玩錶,又唔太中意旅行,又唔賭錢…
只係玩相機同飲飲食食,所以我老婆都唔反對我玩相機既!!
我係由PowerShort G10, 之後 EOS 550D, 再之後上 MK II, 到而家 MK III 慢慢玩上去,
當初我 G10 上 550D 既時候佢都有微言,都驚我越玩越癲…
後來睇到我D相開始進步,又影到咁多出色既家庭照,佢先開始接受我玩相機,
我轉左MK II之後就同佢去左馬爾代夫渡密月,返黎睇返D相張張都好似畫咁靚,
佢都好中意,都好開心有咁多靚相,所以之後佢有左我就即入50/1.2L 影BB,
佢都冇”咋型”, 到左尋日換MK III佢都冇出過一句聲, 哈哈~~

今年過年,我會好好用MK III加大光圈影多D靚相出黎!!
遲D係你個50/50 post 見啦!!

P.S. 我頭象張相都係我老婆用MK II加50/1.2L 係電車幫我影架!!

[h0001244]

從你頭像看，其實佢都中左毒了........

[h0001244]

Ryeung02 兄，試下合上眼叫自己唔好唸5D3
不過我經驗話我知越叫自己唔好唸越.......hehehe

[Ryeung02]

h0001244兄: 我份人花心(有圖為証),唔敢害人,立志做隻無腳既雀,所以唔洗攞permit.
有咗呢幾件解藥,暫時頂得住5D3既毒.

[h0001244]

你個衰人出反毒計添呀，贴張相上来，有何居心？有何居心？

[Ryeung02]

師兄: 我唔專注在某一糸統上,作用係不停交替,以保持創作的新鮮感;維持攝影個份熱心. 如有錯誤引導他人,罪過罪過.

[vincent2709]

我上年2月入手6D,剛好一年,很滿意其畫質,但因本人又係鍾意打下雀,加上為了那61點對焦和那幾個對焦模式而換了5D3...,我也是剛買了2天,初試對焦很穩定和更得心應手,考慮了一排和用多了1萬,我都係覺得值既~

[何強]

好羨慕樓主咁平買到 , 小弟去年中買淨機身CA$3400 , 連稅CA$3800 .

[mluk06]

Ryeung02 hing,
我上文己經表態想upgrade 6D, 無奈自己冇乜時間映相, 技術又未到家, 換机驚唗左佢, 你如果真係有心机,時間,都應考慮上.......$20300 好吸引 !二手唔知幾多呢??!!

[Ryeung02]

mluk06兄：未拿定主意，係都會先放棄手上部份機鏡，套現至轉MIII （初步考慮放棄全套M4/3機鏡，加埋6D Body 都應該唔洗補錢）。