[superboohk]

有冇師兄用緊7D mark 2?? 可以分享嗎?? thankyou......!!!

[3769]

准备入

[camera 08]

用緊超正，如果你喜歡拍動態先好入，如果諗住人像攝影入5DIII啦！全片幅機係好D

[Decanter]

CHING可否指教一下何解影人像用全片幅機好D?不太了解,謝謝!

[ChiuChiu1970]

我估係D雀唔會介意你用乜機同佢影，靚女Model會介意你唔用靚機靚鏡同佢影掛！

[Ryeung02]

ChiuChiu1970兄真風趣。7D2都係靚機，不過全片幅畫質始終佔優。靚女企定定俾你拍，不需要7D2極速，5D3畫質比較佔優。

[HeeroKuen]

話說…吹下水，個人觀察，女孩子們係唔多識分咩係靚機貴機，只會在意攝攝細唔細心風唔風趣，最重要係影完即時比佢地睇，佢地覺得靚就會積極d擺pose，所以呢同一張相係新機個mon靚d睇都靚d係有優勢既。
講返7d2，定位係高速動態機，試過一陣，算係可靠，個人覺得部機係專門打快打遠野，一般生活照用唔著。

[ChiuChiu1970]

認同HeeroKuen兄的意見。7D2，定位係高速動態機，能應付較惡劣的環境，同靚女影相，都是慢條斯理的擺拍，對機身的要求簡單，反而是較着重鏡頭。

同靚女影相溝通真係好重要，每影完一張最好都讓靚女睇一下，覺得唔夠好就溝通一下執下Pose，調整一下表情同眼神再嚟過，但通常熟落咗默契好咗就暢順好多。而家換咗部FF機有埋Wifi就更方便，影完即刻在平板睇，清楚細緻得多。

[Ryeung02]

同意兩位師兄說法，同靚女溝通最重要，亦係最好既享受。

[HeeroKuen]

又話說，由前年年中canon放風出機我已經開始等7d2，等左好耐我等唔到就上左1d3。咁用左近一年我發現用apsh比apsc有種好處我想講下，我有部6d做主機，所以都以ff鏡為主，咁考慮過以apsc機為副，d定焦鏡就變得唔多好用，尤其標準段變焦鏡要38起跳，所以呢到到而家7d2出左啦，我有時都會拎佢同1d4比較(價接近d)，如果我未買副機，我諗我都會揀1d4，咁呢個係我個人case。
如ching有意打雀or影極限運動既話，睇機能來說，apsc層面攻頂絕對比ff層面攻頂平好多好多。如以人像或生活照為主，70d或6d反而實際抵用，視乎你偏向要機能定畫質多d，若可以負擔多一點，5d3絕對係最好既平衡。入得c記部部機都總覺得差少少野咁，只能揀最貼近日常用途o個部就得…

[ChiuChiu1970]

個人覺得，FF機同APSC機，基本上是兩個不同的玩法，價錢只是反影兩類機身的製作成本，不存在誰比誰高檔，也不存在誰可以取代誰。

FF機擁有大片幅高畫質的無容置疑優勢，APSC機擁有較輕巧靈活，和受等效焦距幫助而利於長距拍攝。如何選擇，觀乎個人需要。

7D2以一部APSC幅機而以現今市場能訂價在萬元以上，比兩部入門FF機還要貴，絶對有其道理，是當今最強的APSC幅機。

[3769]

7D2比6D貴唔够1K,兩者用途唔同,何來比较

[ultegra1980]

靚女同雀都會介意用乜錝，搅錯呀！