[h0001244]

首先這篇只是我借用135L數天後與我用慣的50L作用後感比較（這個感字即個人化無絕對無科學跟據），加上我影的題材集中在家庭生活照的範疇，尤其家中有個歲半未到識行未識跑的BB，所以愛用它來拍單人人像就會變成另一種體會了。

1. 比起我用50有點長，以我平時喜歡影BB加一點週邊環境或加上家人在旁的interaction 計，50企開1-1.5m，135要企開到3m外，而且加上壓縮的背景，為想交代更多背景，我會傾向再企後一點，可惜我這升斗市民，再企後就碰壁了。

2.比起50L更易獲取sharp的照片。135L全開F2巳有相當sharp的成像了，50L全開絕對不會咁Sharp，但收到F2也會咁上下或更Sharp，只能說50L要柔的一面有柔的一面而135L就無了。再者，135L F2影半身BB去到近3米，就算中間點對焦再recompose 也不會因那差距而走焦了，長焦移的角度細而誤差細吧；相反用50L同樣影法會近好多，得1米多，加上心理上會傾向用F2以上，中間點對焦再recompose的失焦率是很高的，所以有多些週邊十字對焦就會易一點駕馭，即50L對相機對焦的機能是高少少的。關於這個recompose問題，個人經驗覺得Wide鏡景深夠深，cover到個差距，即50mm左右的鏡，recompose是最易出事的。

3.對於影1－1.5歲BB來說，135L要站得較遠，影全身要行到近10m，見BB有危險時是來不及救駕的，之後就要背上「只掛住影相」的罪名了。

4．不過影video我就好Buy個角度了，好有電影感，只可惜無lS，手持好震呀！

用多幾日再寫
 

[Ryeung02]

h0001244兄：恭喜發財。
你135L用後感很有參考價值，多謝。

[Gogo01]

多謝 h0001244 兄的分享 ! 很有參考價值 ! 希望能再講多一些關於两支鏡的膚色、髮色及變形度等等 ! 謝謝 !

[todyko]

h0001244 ching 出 post , 我點都撐一撐先!!
首先恭喜發財,祝大定搵多D,新年影多D靚相~

之前我都有同其他ching講過呢個問題,
135係香港只適合影大頭,
上次都有人借過比我影party,我影左半個鐘即投降,
我對焦點係中間,企係個高位係咁按快門,張張中,好爽,
人既表情同一條皺紋都睇晒,但影到咁上下,覺得好悶,因為張張都係咁上下

而50就真係岩岩好,
要大頭可以近一步,要人加景去表達可以退一步,
又輕,又短,光圈又大,
所以到而家我都係最愛50

[Marksman01]

用呢支最緊要唔好浪費佢個散景我一般會主體佔四份一其他地方用佢散景漸變做構圖

[HeeroKuen]

呢一支結果忍不住買左，用左幾個月感覺如網絡各Ching所評價一樣快、利、電影感、光圈全開可用。135唔長唔短，自身經驗一向影唔長過50，所以用佢時感覺好新鮮，一試上癮！

同意呢支係一支好專門既鏡，專門係指用得佢大部份時間係想用佢既長處，即散景，無疑用黎影人像Close up、以至全身都有足夠突出主體能力，但呢種能力絕對受環境所限，只有在室外先可以發揮出黎。

買左佢我暫時喜歡用黎街拍，距離真係岩岩好，對突發事情反應好好(6D中間點)，而對單一目標(人物)捕獲再人肉構埋圖(半身至全身)，人肉前後移動範圍都只係5至8米，由於支鏡輕所以高機動係無問題。

試過配1D3影貓，175mm對普通街貓距離都夠，但對怕人既貓始終唔夠遠，要200mm以上先夠，所以都想搵下增距鏡資料。

最後想講既係，我覺得135L係要識用佢既壓縮感，用黎影全身、影一班人、影人群，要係雜亂之中抽返一堆主體出黎先正，如果影單一人像題材變化唔大好易會感到重複乏味。

[roy05]

多謝師兄分享, 好實用

[Connoisseur]

好同意呢個焦距唔太啱室內用。不過小弟在衆多焦距中，唔常用但高滿意度高驚喜高出相率，135mm真是一頭黑馬。

它帶來的電影感確係一個好緊要的成功因素。不過講“電影感”有點抽象，有Canon專書用過一個幾好的term，叫“unattainable beauty"。相中人有自己正在進行中的故事，不過就正正唔係同個攝影師進行互動。亦係因為有呢份電影感，Canon才把唯一的soft focus lens設定在這個焦距上。

[Connoisseur]

個人小小心得，呢支鏡要發揮得好，距離真係重要。

室外人像，要做到電影海報效果的話，即全身加少許交待背景，最好用直幅構圖。直幅構圖一來比較適合人像，亦只需要離開主體大約兩條行車線或半個籃球場的距離。如果橫幅構圖，就要遠離多一點五倍了。

如此類推，室內人像只要有類似空間，其實也可以發揮得很好的。因此，舞台攝影及室內運動，只要配上許可證就可以盡情地拍特寫。教堂內的樓座前排亦是另一個很好發揮的攝影位置呢。

[pongyee]

https://www.youtube.com/watch?v=zyqByJsdjxQ

[rocky3]

如果只鍾情定焦
這兩支也應該買
好難一支定焦走天涯

祝大家發多D新年財買新鏡！！

[小小生]

因為我係唔中意在屋企影
135出街影半身或全身都得架
影大頭我中意用200mm或以上

[ChiuChiu1970]

祝各位師兄影友新春大吉、財源廣進、健步如飛，影多D靚相，張張準焦！

Connoisseur 師兄一語中的："呢支鏡要發揮得好，距離真係重要"

希望各師兄個個都可以在屋企發揮到這支鏡的威力！哈哈！

[千紅]

鏡頭幾好都好 ，唔常用就唔應該先考慮買。

會經常用的才算好鏡頭 。

[h0001244]

經過昨日全日用135L，今天用回50L走同一路線做相近的事，無錯近乎相同的行程，因為小朋友不怕悶的，反而喜歡見到昨日見過的東西。

在cafe吃早餐，於一張四人圓枱拍對面BB時（50L），地理上會顯得比昨日輕鬆（與135L比），不用過了隔離枱。散景來説（無逐一放大比較），感覺上屬同級的品質。但135L視角上窄很多，把週邊的事物排除在外，未能簡單地交代身處地，也就是說減少了與身邊人的interaction。當然這只是在我有BB的case去看這特點（非缺點），純影單頭人像時這就成了優點了。

昨日用135L時，由於較長焦的關係，我多靜悄悄拍下cafe的顧客，附近的路人，今天用50L就少了這份樂趣，好難咁近影而不被發現吧。說起這街拍，135L比起以前用過的小白兔有樣優勝，無咁礙眼，以前試過用小白兔好易比途人發現，可能白鏡易俾人覺得是專業吧！

至於色彩表現過渡等細節，基本上跟50L可以說是同出一轍吧，人像的膚色自然油潤。

關於背景燈光産生的圈圈，我在這兩鏡身上有了新的體會。以前用apps計出135L F2的圈圈是遠大於50L F1.2的，從數字上看會覺得135L較吸引。但經幾天實拍會發現，無否認135L造出的圈圈感覺上較明亮且大個，但由於角度較窄，能納入的圈圈較少及局限了角度才有機會拍到，但拍到時由於圈圈較大，兩個或以上的圈圈交疊的機會會大大增加，喜歡與否就十分個人化了。50L就會多圈圈但少交疊的機會。

細心留意到散景的表現，135L似乎較soft edge，50L就中心soft edge，四角傾向有二線性出現，這大概跟視闊窄對鏡片弧度的造功要求有關吧，這個留代高人指點了。但話說回來，135L的焦後散景也不是無敵的，穿過中心位的散景不明為何會無咁柔順，這是用live view mode時用家中的窗花試出來的，焦前散景就真係嘛嘛地了。

平心而論，135L確是一支很出色的鏡，無論光學，AF反應，便攜性等，都屬上佳之作，只是我暫時BB未通山跑而未太合適。這幾天我反而愛上它拍的video感覺，可能我影video時傾向會zoom近少少，因為透過移動時可以交代背景，所以毋需太wide。希望在小朋友未通山跑前會更新支有lS的，那麼我用來拍家庭video會輕鬆少少，當然要追求更上層應該玩電影鏡，但用來簡單充當一下，這支加個lS我估好多師兄都會大讚。