[chich]

HOI159753 師兄>> 好多年無拍片了, 真係會主要用黎影相多! :)

DNX.Alonso 師兄>> 多謝你既insight! 認同無咩機合體之分, 只係大家既長處不一樣而已!

todyko師兄>> 係呀, 我真係要練多d對焦先得, 真係我既弱點!! 都有幾過不少提議6D + 70D 呢個組合! 不過而家只會買一部...哈哈 所以想諗清諗楚先!!不過覺得近年ff新技術發展得幾快, 所以有d心思思買7d2, 等多幾年先上ff, 不過又唔係好知咁等係為左d咩....哈哈

ChiuChiu1970師兄>> 確實budget都係一個問題, 有錢就唔駛咁煩! haha 我自己反而係買lens 覺得貴d都ok, 但body 呢樣野, 年年都有新技術, 所以無特別去追body, 其實以前1000d都夠用左好耐...haha 只係因為個sensor 上有點"積"整唔走先要買650d, 而家係多左同人地影相, 想有再好多pq 先考慮新body. 留意左5d series 好多年不過真係有d貴呀!

hotankee師兄>>650d 上7d2 用後感你覺得好好多嗎? 畫質色彩會唔會明顯好左好多?

hpipaq 師兄>> 其實我動態最多都係影小朋友同貓狗! 當然有多d fps 無壞! 哈哈

[chich]

真係好多謝各位既input, 好有意義既討論！小妹下星期上showroom感受吓再決定！真心認為兩部都係好機，買邊部都好都應該唔錯，主要係再想想邊部可以滿足我耐D，唔駛換得太密！

[DNX.Alonso]

其實就唔使多謝,不過我反而好認同呢度既討論係有意義好多,
比著喺其他區,
隨時又一大班FF派,甚至一班人插canon,
跟著又另一班人神化部5d3......

不過講到對焦,其實有時真係要用下自己對眼....
個人經歷啦....
話說自己影既都係跳舞果類,
一開始影果陣都好正常地信哂部機,
但跟著就經常有兩個情況...
1.部機係有響,對焦點係著左色,但其實實際係未對準
2.係對左焦,但對唔岩野,例如想對人頭,但部機對左落支咪度

所以好快,我就將部機對焦著聲同起紅燈果下都熄左去,
因為反而阻著自己判斷....

話說我第一部機就係650,不過一年後因為頂唔順佢既性能所以想放,
果時如果有7D2我根本就會直換呢部,
6D 果時一睇對焦....已經唔敢買...
5d3 當時又貴 而且我又覺得唔似某D人所講既甘無敵,
所以就換左個fd部7D練技術....

來緊我就唔會放7D,因為都已經玩到好殘,攞做2號機慳換鏡step好過...
如無意外4月應該就會買我心目中最理想既7d2....

[DNX.Alonso]

講漏左,
其實點解當初換7d,
點解唔玩FF,
最大因素都係因為去showroom試.....

如果你到時有卡既話可以插著玩,
then可以返到去睇相既質素,
甘你就可以知道邊部機係你心水.....

有時D機同機之間差別大唔大就真係睇自己感覺,
例如我成日都話新款既apsc既noise control已經夠殺,
唔計forum,我身邊有2-3個都種思想...
就係FF機先影到靚相....

無話邊個啱,因為本身大家對眼都係唔同

[chich]

DNX.Alonso師兄》到時我會記得帶張卡去！差點無左呢回事！想請教師兄熄左對焦聲同紅點之後點對焦？AF後自己快手fine tune? 我都同意新既ASPC noise control improvement好多，對比我的1000D同650D都可見，其實我唔知noise同相唔夠sharp有無好大關係，但我覺得650的noise control 都OK

[hotankee]

我主要用18-135STM，對比650D，7D2畫質sharp咗，對焦快同準咗，色彩就差唔多，或者濃少少。

我覺得全區域AF幾好用，唔似650D要先對焦後構圖，比較容易捕捉自然一刻，我自己大約影4張中2張，只要個主體唔離太遠，都會認倒面部。

5D3我未用過，7D2我感覺滿意，當日二選一最難係克服上FF嘅心魔。

[DNX.Alonso]

以7D為例,
其實對焦聲同紅點只係提示之一,
就算無左佢地,對焦點一樣有顯示,
但就唔會好似前兩者甘阻著自己,
而且我要知係咪對岩我要對既位,
所以我先唔要.....

650既noise control係ok,
之前我影過演唱會果d,
基本上係放大先開始見到雜訊,
而且算出到好多detail,
係buffer同對焦大獲D....

7D係操控性方面同連拍強D,
但如果整體來講,影出來係無650甘靚,
最大原因都莫過於noise control.....
不過用既感覺就爽好多

[DNX.Alonso]

其實老實講FF某程度都係俾人神化得有D over,
有D人一聽見唔係full frame就覺得部機影唔到有質素,
講到crop size sensor一文不值甘....

不過我成日都有兩種諗法....
第一,就係依家仲有更大既中片幅,
唔通跟著又要掉哂堆ff去....

第二就係大家配既鏡頭.....
大部份人喺玩apsc既時候,
配既好多時都係efs鏡,甚至kit lens果類...
但用full frame既時侯,
就可能係D定焦,甚至紅圈.....

即係話當大家將apsc同ff比較既時候,
其實已經係一個唔公平既比較....
要比較,就應該用同樣既鏡頭去比.....

好多識我既fd就算唔識相機,
都試過問我點解唔upgrade full frame,
我有時回應完之後,大家都好快收聲....
當然,我夠水既話,
當然買1DX啦最岩我....
問題係我就算有,都唔夠膽攞著來又跑又追又盛....
anyway 7D2已經鎖定係要買,
對家D機又唔啱自己style,
搞掂.@@

[hiben]

hi，樓主，我都有用7d2+6d

upload兩張相俾你睇下，估下睇下分唔分到6d同7d2~
兩張都係24105 ，raw dpp直出jpg

不過唔知貼唔貼到，唔係好識貼相....haha

[hotankee]

想補充…我用全區域對焦係用AI SREVO，如果用one shot我覺得唔係好準，就算對焦位啱，放大睇都係爭少少。

hiben〉如果睇景深我估第一張係7D2

[hpipaq]

如果去 showroom 試，用 raw ，set noise reduction off, netural , sharpness 5, 影人，在 lightroom 睇返，你就知咩事

[h0001244]

<<<主要係再想想邊部可以滿足我耐D，唔駛換得太密！>>>

通常係個人技術未能突破多於機能不勝任，所以換機論要細心想清楚

[h0001244]

hiben 兄
上 aps-c 下 FF

[hpipaq]

仲有 影raw , under 2EV 在 lightroom 推翻高佢. 睇下分別

[todyko]

上 aps-c 下 FF x2